جلبانة من مطبخي تفضلوووو

[نور اليقين 25]

واش راكم حباباتي ان شاء الله تكونو بخير او عافية اليوم و الله معولت نطيب جات جارتنا حكمت ماما بلهدرة مالا لغبتها لحرة تاع الدار

درت جلبانة بالخضر ان شاء الله تعجبكم

اول حاجة حطيت قطع دجاج في الكوكوط او رابيت حية بصلة متوسطة الحجم مع شويي ثوم او درت 3 ملاعق اكل زيت او شوي ملح او فلفل اسود



او مبعد حرركت باش تدخل التوابل في الدجاج



او مبغد خليتهم يتقلاو على نار قليلة او من جهة قصيت السنارية و لا زروطية كيما تقولولها ههه مع 2 حبات بطاطا قصيتهم مكغبات صغار او لحتهم يتقلاو شوي مع قطع الدجاج





او مبعد مرقت



بعد ماغلات لوحت الجلبانة او قفلت الكوكوط



بعد ما طابت لوحتلها قرن فلفل حار او خليتها تغلي شوي او مبعد طفيت عليها



او هاذا الشكل النهائي



او ضفتلها شوي قارس



هيا كل وحدة تقلي واش راي نتاعها