قولولي واش قاعد يسرا في هذه البلاد التوظيف كارثة

salahlabidi · 2013-02-01, 18:36

يا ناس عييت نفهم فهموني كانت المسابقات على اساس الاختبار وكانت بداية المعانات نستانا اشهر و من بعد اجيك الاستدعاء تفوت المسابقة في ولاية على بعد 700كلم من اجل منصب واحد وفي الاخير واحد ما ينجح و المناصب ترجع قالك المسابقات اصبحت على اساس السهادة قلت اخيرا فرج علينا ربي لكن واش صرا اسمعو فوت 3 مسابقات الاولى عندها شهرين والثاني والثالث عندهم شهر ونص كل اسبوع نروح نسقسي قالك مازال في الوظيف العمومي هذا الاسبوع تصورو واش قالولي المسابقة annulé كي رحت للوظيف العمومي قالولي المسابقات انتاع les ingenieurs كامل annulée وعلاش لان مالازمش مستوى لجنة الانتقاء اكون من مستوى المترشحين لازم اكون اعلى يعني المناصب راح تزيد ترجع

لمين دحية · 2013-02-01, 18:59

كل شىء عادي في الجزائر عداً عندما تذهب سيقولون لك المسابقة تكون على اساس الجنس وبعده على اساس العمر وبعدها على اساس الطول ولون الشعر وبعدها .....؟؟؟؟؟؟؟؟؟؟؟؟؟؟؟؟؟خمم وزيد من عندك هه

amine634963 · 2013-02-01, 20:37

اقتباس:

المشاركة الأصلية كتبت بواسطة لمين دحية

كل شىء عادي في الجزائر عداً عندما تذهب سيقولون لك المسابقة تكون على اساس الجنس وبعده على اساس العمر وبعدها على اساس الطول ولون الشعر وبعدها .....؟؟؟؟؟؟؟؟؟؟؟؟؟؟؟؟؟خمم وزيد من عندك هه

والله ان الكثير من المسابقات هي اجراء شكلي يعني قائمة الناجحين مخدومة مسبقا
وتجدهم تارتا يقولولك الاكبر سنا وتارتا اخرى الاولوية للمتزوج وتلرتا الاولوية لاقدمية الشهادة وتارتا الاولوية لابناء المجاهدين والشهداء وتارتا الاولوية للمطلقات وتارتا وووووووووو تصوروا وفكروا جيدا فيما اقول

elsaker · 2013-02-01, 20:49

اقتباس:

المشاركة الأصلية كتبت بواسطة amine634963

والله ان الكثير من المسابقات هي اجراء شكلي يعني قائمة الناجحين مخدومة مسبقا
وتجدهم تارتا يقولولك الاكبر سنا وتارتا اخرى الاولوية للمتزوج وتلرتا الاولوية لاقدمية الشهادة وتارتا الاولوية لابناء المجاهدين والشهداء وتارتا الاولوية للمطلقات وتارتا وووووووووو تصوروا وفكروا جيدا فيما اقول

ردك في المستوى يا أخي
عحبتني تارة على طريقتك

ربي يصلح لحوال لحد الساعة راني فوت مسابقات بجميع المستويات مزالت غير نتاع حارس ليلي ومالقيناهاش كل معريفة وبنات الي ينجحو

yacine-08 · 2013-02-02, 00:10

يتمسخروا بالعيباد

التسيير و التنظيم في هاد لبلاد

الله يجيب

safir2020 · 2013-02-02, 00:45

سوء التسيير شلّ الاقتصاد الجزائري والحل في التطهير

لا تزال عقلية التوظيف الاجتماعي المبني على تبادل المصالح والمحسوبية هي المسيطرة في الجزائر

والطامة الكبرى في افتقاد الجزائر لجهاز يسمح باستظهار حصيلة الكفاءة التي تمكّن صاحبها من المطالبة بحقوقه وتجاوز مطبات التوظيف الغير مناسب، والنهاية المحتومة أنّ الغير أكفاء يسعون دوما لتحطيم كل الكفاءات، ويعملون على تكييف المؤسسات بحسب قدراتهم ومصالحهم

صلآح الدين الجزائري · 2013-02-02, 02:03

مــــا بقات ولا توظيفولا خدمة ولاصدمة جمـــــــاعة الخير والله العظيم ...اللي راه داير مشروع تجارة ناجح يكمل فيه ولي مكاش يدبر على روحو يخرج من بلاد الحقرة والتهميش ...لبلاد اخرى ....والله اخاوتي الوقت ما صار يرحم ...والله ما راناش حابين نشوفو ارواحنا كيما اللي تخرجوا في 7 او 8 سنين وهوما بلا شغل ولا زواج ولا دار ولادوار ولا حتى شئ ..ما تتكلوش على سياسة الدولة الخبيثة والله غرضها تحطيم طاقات الشباب المتخرج والمبدع وربي يكون في عوننا ..

aboud42 · 2013-02-02, 11:54

في هاذ الوقت ادعي ربي ما يباسيوكش في كاش حاجة برك اما عن المسابقات الناس راهي تمد الرشوة بعشر ملاين وما لحقتش.
المهم البلاد راحت فيها والغلبة للأقوى فيها.

abh3 · 2013-02-02, 12:56

اخي الكريم اعتقد ان تنظيم المسابقات على اساس الشهادة امر جيد حيث ان التقيم يكون على اساس معدل السنة الاخيرة و سنوات الخبرة و غيرها و هذا يعطي فرصة للشباب الذي تحرج منذ مدة و هو يعاني من البطالة حيث يوجد من هو يعاني منذ اكثر من عشرة سنوات و بالتالي استياء الاخوة من حاملي شهاذة ليسانس نظام جديد غير منطقي و غير مقبوا اصلا خاصة و ان بعظهم يعمل في ايطار ادماج الشهادات و يشارك في المسابقات ويضيق على الفئة الحقيقية من البطالين و عند النجاح قد يقوم بامظاء محضر التنصيب ثم قد يستقيل الان ليس لديه وقت الانهاء دراسته او العكس و هذا لامر يعد مشكل حقيقي

lotfi1987 · 2013-02-02, 13:37

ياخي تضالوا تقولوا
وان تو ثي فيفا لالجيري
دائما نقول راه الحالة ماشي مليحة وهوما يقولوا لاباس و الله الجزائر راهي بخير شوف مصر شوف تونس شوف ليبيا ....
يا وعلاه ما تشوفوش لي فوق منكم وعلاه ما تشوفوش لتركيا هي المثال الذي يجب ان نقارن بها أنفسنا و لأننا نملك نفس قدراتها

و الله الحمد لله ان الانسان شاد في ربي ....

ايمان 24 · 2013-02-02, 16:30

اقتباس:

المشاركة الأصلية كتبت بواسطة abh3

اخي الكريم اعتقد ان تنظيم المسابقات على اساس الشهادة امر جيد حيث ان التقيم يكون على اساس معدل السنة الاخيرة و سنوات الخبرة و غيرها و هذا يعطي فرصة للشباب الذي تحرج منذ مدة و هو يعاني من البطالة حيث يوجد من هو يعاني منذ اكثر من عشرة سنوات و بالتالي استياء الاخوة من حاملي شهاذة ليسانس نظام جديد غير منطقي و غير مقبوا اصلا خاصة و ان بعظهم يعمل في ايطار ادماج الشهادات و يشارك في المسابقات ويضيق على الفئة الحقيقية من البطالين و عند النجاح قد يقوم بامظاء محضر التنصيب ثم قد يستقيل الان ليس لديه وقت الانهاء دراسته او العكس و هذا لامر يعد مشكل حقيقي

كيف يكون الاستياء من طرفنا نحن خرجي السنوات الحديثة غير مقبول في منطقك وكيف تصفنا باننا نضيق على البطاليين الحقيقيين ( هل نحن بطاليين خرافيين ؟))) هل نسيت اخي الكريم ان الادماج ووو لم تفتح هذا العام كيف لك ان تحكم علينا باننا مرتاحون نضيق على البقية فقط و كما انك حكمت وعممت بحالات شاذة نعم تعتبر 6 نقاط خبرة ظلم في حقنا و اقدمية الشهادة 2 نقاط كذلك ظلم و ليس من حقك ان تضع اخطاء التوظيف للسنوات الفائتة على عاتقنا نحن من حقنا العمل كما من حق صاحب 10 سنوات بطالة هل يجب ان نذوق ما تجرعه البطال لكي تصبح هاته المهنة او تلك من حقنا ....انه لجزء من الانانية ان تعتبرنا دخلاء على مناصب الشغل وفي الاخير الحمد لله ان الارزاق بيد الله ليست بيد البشر

yacine-08 · 2013-02-02, 23:22

والله خريجي الجدد لا يكون لهم حصة من كعكة التوظيف فيما يخص المسابقة على اساس الشهادة

كل المسابقات التي شاركت فيها وجدت نفسي بعيد بـ 6 نقاط عن الفائزين او اكتر يعني هدا ظلم الينا

خاصة ان كل من اراهم يشاركون لديهم وظائف ويريدون اكتساب وظيفة اخرى

في حين نحن لم نكتسب حتى وظيفة واحدة .

في الانتضار في المشاركة مسابقة على اساس الاختبار لعل وعسى

فرناس وهران · 2013-02-03, 07:30

اقتباس:

المشاركة الأصلية كتبت بواسطة salahlabidi

يا ناس عييت نفهم فهموني كانت المسابقات على اساس الاختبار وكانت بداية المعانات نستانا اشهر و من بعد اجيك الاستدعاء تفوت المسابقة في ولاية على بعد 700كلم من اجل منصب واحد وفي الاخير واحد ما ينجح و المناصب ترجع قالك المسابقات اصبحت على اساس السهادة قلت اخيرا فرج علينا ربي لكن واش صرا اسمعو فوت 3 مسابقات الاولى عندها شهرين والثاني والثالث عندهم شهر ونص كل اسبوع نروح نسقسي قالك مازال في الوظيف العمومي هذا الاسبوع تصورو واش قالولي المسابقة annulé كي رحت للوظيف العمومي قالولي المسابقات انتاع les ingenieurs كامل annulée وعلاش لان مالازمش مستوى لجنة الانتقاء اكون من مستوى المترشحين لازم اكون اعلى يعني المناصب راح تزيد ترجع

سلام عليكم
هذا ماكان انا كاش ما حسبت صرالك
نورمال في 2012 حطيت 30 ملف
7مرفوضة بحجة عدم مطابقة الشهادة و الملف ناقص لكنني استرجعت حقي في المشاركة في 2
10 مسابقات وقعت في نفس وقت مسابقات اخرى
15 اجتزتها بين مسابقة على اساس الاختبار و على اساس الشهادة
من بين 15 يوجد 4 annulé لاسباب متعددة و كنت انا السبب في الغاء واحدة لانهم لم يتقيدوا في ارسال الاستدعاءات للمترشحين
هاذ العام الله يجيب الخير
العام اللي فات كان كاين الخير انا ماعرفتش نتصرف لكن هاذ السنة لازم نزيد
و نصيحة في سبيل الله اذا رأيت منكر في مسابقة لا تبقى في مكانك واقف تتفرج و تنتظر ماذا يحدث
اذهب الى الوظيف العمومي و قدم طعن و تأكد انه ان كنت صاحب حق ستلغى المسابقة او يرد لك حقك
ما تبقاوش تتفرجوا لازم تتحركوا و اعلافوا حقكم و واجبكم في المسابقات
قريتوا الرد تاعي ايا دعولي ربي يفرج عليا و عليكم
و اتخدوا بالاسباب

leila k · 2013-02-03, 22:57

سلام عليكم

ماتقول لا يديوها البنات لا والو عندك المعريفة تنجح سواء راجل ولا امرأة

انا عقبت مسابقة على اساس الشهادة ومرتين نكون في الاحتياط في قضية لعب بالنقاط قدمت طعون للوظيف العمومي وللمؤسسة المستخدمة واحد ماسمع بيا ماعنديش المعريفة الي تجري عليا وتجيب لي حقي
. المهم حسبنا الله ونعم الوكيل

الاخ فرناس ادا تقدر تعاوني في كيفية الطعن نزيد نفتح الموضوع على خاطر قلبي مجروح من الظلم الي تعرضت ليها....

lotfi1987 · 2013-02-03, 22:59

اخي فرناس ممكن طريقة للتواصل من فضلك ... و كيف؟