تارت بالرز لذيذة جدا و نحبها مع القهوة

[ام رفال]

اول مشاركة ليا في قسم الطبخ لبنات نتمنى ان شاء الله تعجبكن
هي تارت الرز ..شويا غريبة الحلا يكون برز لكن هي وصفة علمتهالي اختي الله يسعد قلبا
وصرت ما نصبرش عليها خاصة مع القهوة وكل من يذوقها يطلب الوصفة .. نببلشو بسم الله

المقادير

للعجينة

250 غ فرينة
شوية ملح
125 غ زبدة مرطبة
5-6 ملاعق حليب او نص كوب ماء حسب الدقيق
ملعقة سكر

للحشو

نصف لتر حليب
فانيل 1
150 غ رز ابيض
125 غ سكر
3 بيض
شوية زبدة ملعقة او اقل

طريقة التحضير

اولا جبت الرز و غسلته و حطيته يطبخ في الماء شي 3 دقايق
ثم حطيت الحليب فوق النار على ما يغلي مع فانيل و سكر رميت فيه الرز الي كنت صفيته بعد ما طبخ 3 دقايق نتركوه شي 20 دقيقة على نار هادية جدا .


من بعد ما طاب الرز نحطوه يبرد و نضيفو 3 بيضات و نخلطوه مليح و نزيدو ملعقة زبدة ولا اقل غير شوية حتى يحافظ ع اللمعان

نخلطو الفرينة مع السكر و الملح و نحط زبدة طرا ف و نحاول نرملها مثل لعجينة بريزي
على هذا الشكل


تحصلت على عجينة رطبة عاديةورقتهاا و حطيتها في مول مدهون بزبدة ورشيت شوية فرينة حتى ما تلصقش
على هاد الشكل ما تنساوش تثقبوها حتى ما تتورقش


فرغت خليط الرز و الحليب فيها و نفوتها للفرن يكون ساخن من قبل طبعا
طلعت بهاد شكل


وحطيتها تبرد شويا و قصيت منها طبعا الطرف الاول ليا مع القهوة


وهاد لي تبقالي من لعجينة شوية فقط .. حطيته في لفرن مع تارت في مول صغير .. حطيت عليه فواكه معسلة ميااام مياام.. روووعه

صحة و هنا
نتمنى تجربوها ما تخيبكمش

لا تنسوني من الدعاء اذا عجبتكم