أساتدة حالفين بالثلاث ما يقريوش السنة الاولى واش رايكم

[aqua21]

السلام عليكم
يا جماعة إنتشرت ظاهرة غريبة في الثانويات الجزائرية بين الاساتدة و هي انه هناك أساتدة و أستادات حالفين أنهم ما يدرسوش تلاميد السنة الأولى لانهم بعتقدوا أن تلاميد السنة الاولى مشاغيين, و هدا أيضا بتواطؤ من الإدارة التي زادت من هده الظاهرة , مثلا أنا في المادة تاعي معايا أستادة عندها مدة طويلة ما خدمتش السنة الأولى . كل سنة تخدم مع السنة الثالثة و الثانية لانها بنت المنطقة و ألأاستادة الأخرى مع السنة الثالثة و الأولى و أنا السنة السنة الاولى و الثانية,
المرة هادي جاتني الأستادة الثانية و قالت لى خير تخدم مع السنة أولى و الثانبة وإلا السنة ألاولى و الثالثة . لان الأخرى كيما العادة مع السن ة ألثالثة و الثانية لأنها تعتقد أنها ما تصورش روحها مع ٌّ45 تلميد في القسم, وهادا بالرغم ان التلاميد ما يحبوش يقراو معاها لانها تحتقرهم و تضل غير تبهدل فيهم, يا جماعة إسمحولى انا ما نيش هنا نهدر في الشر في الأساتدة وإنما هاد ظاهرة موجودة في الواقغ و انا ما دكرتش الأسماء و نتمنى المشرف ما يحدفش الموضوع لانه حساس
كاين أستاد رياضيات أخر معانا في الأربعينات في العمر مستغل الزملاء لمعاه لانهم صغار في العمر و ما يرضاش بنفسو يقري تلاميد السنة الأولى ’ هادا أيضا عندو مدة طويلة ما قراش السنة الأولى, في الأيام الماضية قالو واحد من زلاء المادة أنا العام الجاي نقري السنة الثالثة وأنت السنة ألأولى ف الأستاد زعف منو ةلا ما يهدرش معاه
سبحان الله
يا زملاء واش رايكم في هاد الظاهرة؟؟؟؟؟؟؟؟