حازم عبر توتر يطرح مقترح .... اقرأوه

[حميدي البشير]

حل جنونى للبلوة اللى إحنا فيها! بس جاد جداً
الحرية والعدالة يعلن عدم دخول إنتخابات مجلس النواب الجاية وأنه سيدعم الأحزاب الإسلامية - بعضها أو كلها - بتنسيق معين يتفق عليه
كده الإخوان يريحوا شوية من الهجمة السودة عليهم، ويثبتوا إنهم مش عاوزين يحتكروا المؤسسات، وتجهض الحملة ضدهم بالسكتة المخية، خلاص مفيش إخوان عاوزين يسيطروا على مفاصل الدولة ولا ركب الدولة، يبقى حيعترضوا على إيه؟ عن جبهة الخراب الوطنى وإعلام محجوب عبد الدايم أتحدث! وعلى ما يفوقوا من الضربة دى ويغيروا إتجاههم ضد السلفيين يكون البرلمان انتخب و70% منه إسلاميين بإذن الله!
كمان تتاح فرصة للأحزاب السلفية صاحبة السمعة الجيدة إنها تدير البلد بحزم ووضوح من غير التمييع والمط والطبطبة، وده البلد محتاجاه دلوقت جداً جداً، وفى نفس الوقت المعارضة الساقطة حتلاقى نفسها بتتعامل مع ناس محترمة لكن معندهاش فصال فى الحق، يا إما المعارضة تتربى وتضطر تقوم بدور محترم، يا إما حيبوسوا إيد الإخوان علشان يرجعوا تانى!
بعد البرلمان تكون الدولة اتضبطت وممكن الإخوان يدخلوا إنتخابات الشورى مرتاحين بإذن الله!