طبطبطاب اول تطبيق ليا ندخل و الا نرجع منين جيت

~ حراير ~ · 2013-01-21, 22:43

السلام عليكم و رحمة الله تعالى و بركاته
اخواتي لعزيزات و لحبيبات الي نعرفهم و والي راح نتعرف بيهم

من مدة طويييييييلة و انا ندخل لمنتدى الطبخ نهز الوصفة الي نحبها و نخرج دون حتى ان احمل نفسي جهد كتابة رد
...... لكن تأكدو اني ندعي عن ظهر الغيب

.....

لكن مرة و بالضبط في موسم اول محرم دخلت للمنتدى و لقيت أكلة تقليدية اسمها المقطعة طبعا هي لأختنا الشاطرة و القافزة مونية ك
و قالت ان كل الجزائر تعرف هاد الكلة التقليدية لكني اكدتلها اننا في بسكرة مانعرفوهاش و بعد ما جربتها و ذقت طعمتها المميزة عرفت اني كنت غالطة و الدزاير كلها تعرفها و انما احنا في بسكرة نسموها بطوط احمر

على هكدا كي جيت اليوم نفرغ هاتفي من الصور و نوضع تطبيقاتي حبيت نبدأ باول تطبيق استفزتني صاحبته بكلامها الطيب و خلاتني نرد عليها

مونية حبيبتي شكرا لك الي خليتيني نكون وحدة من حراير و شاطرات المنتدى

و ياله بعد هاد التعبير الكتابي نبداو في الأهم و هو الأكل "و كان حضر المأكول .............. تذهب لعقول"

نبداو بسم الله
و هاد هوما المكونات قديد ، فول أخضر، حمص طايب ، بطاطا، جزر، ثوم ، فرماس للبنة، فلفل حار ، شوية بصل شوية ثوم و طبعا محبوبة الجماهير الدبشة "القسبر"
و الطماطم الحب و المصبرة

و هنا حبيت نأكد على التوابل
درت طبعا ملح و راس حانوت بسكري حر ، و فلفل احمر حاااااااااااااااااااااااااااار، و قنطس "الي مايعرفش القنطس هو عود بني و لما تهرسيه تلقايه ابيض و هو يطلق توزويز في الفم دون حرارة يعني تمويه على الحرارة nfused:

"

و هاد راني لحت كلشي في البرمة بارد في بارد يعني ماقليتش

و درك نروحو للعجينة هاي ليك فرينة و قرصة ملح و تلميها

و تحليها

مونية قوليلي هك محلولة مليح و الا رقيقة

و هنا قطعناها

اكيد استغربتو وعلاش مقطعة باحجام متنوعة ...... طبعا كل واحد و قياس فمه

..... عذرا عذرا رني نتمسخر السبب انه مونية ماقلتلناش على الطول و العرض هيههيهيهيهيهيهيهيه

و هنا غربلناها من الفرينة

و هنا لحناها مع المرقة الي طابت خضرتها

و امممممممممم ريحة الفلفل الحار تققققققققققققققققققققققتل

و هنا سقيناها ماقدرناش نصبرو حتان تبرد الريحة في الدار دارت حالة

و شوفو راني طيبت معاها رخساس لأنه جاتني تشبه للعيش و احنا من عادتنا ناكلوه بالرخساس

اوووووووووووووه شكون الي جات درك خسارة ماجيتي تكملي تقراي التعبير الكتابي تاعي حتان لقيتي القصعة

حق نسيت هو ليكم الرابط تاع الوصفة
https://www.djelfa.info/vb/showthread.php?t=1139832

zhor1970 · 2013-01-21, 23:02

ايه اختي يعطيك الصحة هي اكلة معروفة بزاف في الشرق الجزايري كيما قلت المقطعة وتاني المقرطفة

حبيت برك انقولك باللي كيتفتحيها رشي عليها الفرينة وروليها حول نفسهاكيما انروليو ورقة البوراك ومن بعد قطعيها رايحين ايجيوك كل القطع متساويين ويعطيك الف عافية

أنوثة شرقية · 2013-01-21, 23:06

تطبيق هايل يعطيك الصحة

~ حراير ~ · 2013-01-21, 23:10

اقتباس:

المشاركة الأصلية كتبت بواسطة zhor1970

ايه اختي يعطيك الصحة هي اكلة معروفة بزاف في الشرق الجزايري كيما قلت المقطعة وتاني المقرطفة

حبيت برك انقولك باللي كيتفتحيها رشي عليها الفرينة وروليها حول نفسهاكيما انروليو ورقة البوراك ومن بعد قطعيها رايحين ايجيوك كل القطع متساويين ويعطيك الف عافية

شكرا يا زهور و يعطيك الصحة على النصيحة
في الحقيقة انه احنا تقريبا انقرضت هاد الأكلة عندنا في بسكرة يعني قلييييييييييل الي يطيبها لكن حلت محلها اكلة تشبهلها اسمها "بطوط احمر" فقط العجينة نطيبوها و نقولولها مرخوس و نفتوها رقيقة و بعدين نجمروها في المرقة و هي تقريبا نفس الذوق و البنة

شكرا على ردك العطر يا زهور

ساندي 28 · 2013-01-21, 23:19

كان درتيهم نفس الشكل بصح مليحة شكرااااااااااااااااااااااااااااااااااااا

ام فريال · 2013-01-22, 08:30

بصحتكم وفي لخر جاتك هايلة انا نديرها بسميد ارطب ونحلها بفرينة بصح عند بالي
في بسكرة ايديروها

الأمنيات · 2013-01-22, 08:54

ايه ماشاء الله ركي جايبتها تبارك الله نجي نتغذى عندك
شكرااااااااااااااااااااا لك

أم ماجد · 2013-01-22, 10:02

هذه دخلة رائعة اختي اريج يا الفحلة نحن في سطيف نديروها بكثرة وقت الشتاء

it's me · 2013-01-22, 11:52

اييييه راهي دايرة حااالة طاطا و انا ناعلاباليييش
هاذي احنا نسموها الحسوة
الله يبارك تطبيق رااائع

ام ملاك. · 2013-01-22, 12:37

خرجتلك روعة شهيتيني اممممم خسارة القصعة خلاصت
هداك هو الفتيح نتاعها المهم تكون رقيقة وماعليش كل يوم تديريها حتان تولي تجيبي تقطاعها
هي من الاحسن تجي رقيقة بلبزاف
مي جاتك روعة خير من تاعي
بصحتكم