°ˆ~*¤®§(*§غريبية براليني من مطبخي§*)§®¤*~ˆ°

ياسمين177 · 2011-02-26, 18:22

المقادير:
500غ كوكاو
500غ سكر قلاسي
500غ فرينة
1 خمارة ونصف
1 ملعقة صغيرة قرفة
زيت لجمع العجينة
سكر حرش
التحضير:اولا نشرح البراليني هوعجين يصنع من اللوز والسكر يعني نفس كمية السكر تكون نفس كمية اللوز اللوز يكون بقشوره تحمصيه وهو سخون تطحنيه مع السكر حتى يصبح مثل العجين لازم يكون سخون ويدخل في تحضير العديد من الحلويات والتورتات والكريمات.
انا اليوم جبتلكم غريبية بالبراليني تاع الكوكاو وتجي رائعة في الذوق.
نحمص الكوكاو حتى يحمر قليلا وهو سخون نرحيه في الروبو مع السكر قلاسي حتى يصبح كالعجينة يطول شوية اصبري عليه

ثم نضيف في الصحن

ثم نضيف له الفرينة والخمارة والقرفة ونخلط حتى يدخل خليط الكوكاو في الفرينة مبعد نبدا نزيد الزيت تدريجيا ونعجن حتى تتلم العجينة وتصبح متماسكة الزيت هو ليجمع العجينة وتصبح متماسكة

نشكل كويرات نرمدهم في السكر الاحرش

ثم ندخلهم للكوشة يطيبوا في فرن 180 درجة لمدة20د حتى تشوفي الحلوى تتشقق وهذا شكلها لما تطيب.

لما تطيب خليها تبرد مبعد نحيها من المول لانها تتفتت
اتمنى تعجبكم وتجربوها لان مذاقها رائع
تقبلوا تحياتي.
ملاحظة: لما نحمص الكوكاو نضعه في الروبو وهو سخون لازم مع السكر قلاسي ونقعد نطحن ومرة على مرة نقلب الخليط ونطحن حتى يصبح كالعجينة هذه الخطوة تطول شوية لا تستعجلوا على الكاوكاو حتى يتعجن
والعجينة نلمها بالزيت يعني نضيف الزيت تدريجيا حتى تتلم العجينة وتصبح متماسكة مبعد نشكلها كويرات ونرمدها في سكر حرش وندخلها تطيب.