لعلها ظاهرة لفتت انتباهي بشدة

[كاميلا]

السلام عليكم ورحمة الله تعالى وبركاته
ظاهرة الرياء نعما هذه الظاهرة التي اصبحت منتشرة في الاونة الاخيرة
تلك النشاطات الخيرية سواء التي انتشرت بين اوساط الشباب يجتمعون يلتقون عن طريق الفيسبوك ويقومون باعمال خيرية انا لن احكم على أي احد بل اجدها نوع من الرياء كيفاش دير الخير وتصوره؟؟؟؟؟؟؟؟؟؟؟ يعني مارأيكم في هذا؟ تروح تزور وتصدق على الايتام وتتصور معاهم وتحطهم في مواقع الانترنت؟ هل هذا هو مفهوم الصدقة؟
انا الشيء اللي نعرفه كانت امي تقولنا كي تنويو صدقة يكون معاها الصمت يعني متقولش مديت لفلان ودرت كذا وكذا باش ميروحوش الحسنات؟
يعني برك هل اصبح فعل الخير مربوط بالاشهارات؟؟؟؟؟؟؟؟؟ او هو تباهي ام ماذا؟ امثلة كثيرة عن ذلك بل هنالك من يحصل على مقر لانشاء جمعيات خيرية في العيان خير وفي الخفاء سرقة ؟ متناسين ان هدف الجمعية ليس تحقيق الربح كونها تختلف عن الشركة والمؤسسة والمنشئة
من يشاطرني الرأي

[yasmina31]

عندك الحق ماكانش كيما لي يصدق و يدير الخير فالستر

[Basset-FTW]

نستطيع ان نراه من زاوية اخرى انه تشجيع منهم للعمل الخيري... النظرة لشىء يعجبك يتركك تفكر في البراكتس.
و في رايي بالمعطيات الاجتماعية لبلادنا هؤلاء الاشخاص هم اخر من ننتقد .

[كاميلا]

المشاركة الأصلية كتبت بواسطة basset-ftw

نستطيع ان نراه من زاوية اخرى انه تشجيع منهم للعمل الخيري... النظرة لشىء يعجبك يتركك تفكر في البراكتس.
و في رايي بالمعطيات الاجتماعية لبلادنا هؤلاء الاشخاص هم اخر من ننتقد .

اذا في بالك انتا تروح تصدق وتصور روحك حاجة عادية؟؟؟؟؟؟؟ ويتلاقاو البنات والذكور ويدورو ويتصوروا حاجة عادية؟ عجيب

[كاميلا]

المشاركة الأصلية كتبت بواسطة yasmina31

عندك الحق ماكانش كيما لي يصدق و يدير الخير فالستر

شكرا جزيلا للمرور الكريم

[مسلم سني]

المشاركة الأصلية كتبت بواسطة كاميلا

اذا في بالك انتا تروح تصدق وتصور روحك حاجة عادية؟؟؟؟؟؟؟ ويتلاقاو البنات والذكور ويدورو ويتصوروا حاجة عادية؟ عجيب

السلام عليكم
أولا شكرا لك على الموضوع
هو صحيح من يعمل الخير لابد أن يفعله خالصا لوجهه تعالى لا رياء ولا حبا في الشهرة
لكن كما قال أخي الذي سبقني يمكن أن تكون الجمعيات الخيرية سببا في تنبيه الناس وحثهم على فعل الخير بتقديم المساعدات والتبرعات ونحن نعلم أن مجتمعنا أصبح كل واحد فيه لا يفكر إلا بنفسه تقريبا إلا من رحم ربي
وهناك حصص متلفزة تخبر عن رغبتها في مساعدة البعض و ينجح الإشهار وتتلقى الجمعية مساعدات وربما تحل مشكلة هؤلاء
ولا يمكن أن نتصور أن كل جمعية نيتها هي التباهي وكسب الربح والتقدم على بقية الجمعيات مثلا
يعني صعب أن نحكم على نية الأشخاص
احترماتي

[سطايفية بكل فخر]

مساء الخير موضوع جيد
رايي من راي اخي مسلم سني

[soso sirin]

شوفي يا كاميلا هي مكانش كيما واحد كي يروح يدير حاجة تاع خير كون اقرب المقربين و مايسمعوش بيها مي هذا اذا تكون الحالة ساهلة مي تخيلي انتي باغية تعاوني شخص و ماتقدريش روحك كيفاش ديريلو تقوليلي نهدرو مع الناس المقربين شحال تعرفي من واحد و شحال راح يمدولك مي تخيلي كون تكتبي الحالة في الفايس شحال من واحد يقدر يعاون و ممكن حتا ناس من الخارج راح يعاونو.الجمعيات هاذي ماشي كامل باغيين الشهرة كاين جمعيات ملاح.هذا الجمعيات الناس الي فيها كل واحد عندو مسؤوليات اخرى دار خدمة دراسة مي تلقايه يجري و يطيح و ينوض .الفايس بوك فيه جمعيات و مانيش راح نذكر الاسماء مي والله تلقايهم ناس صغار مي الصح الصح لما نشوفهم نحس بلي شبابنا مازال فيه الخير و اذا على ليفوتو ممكن راح تكون عندها ايجابيات و راح تخلي ناس وخدخرين يعاونو .بكري كانت الرحمة بزاف في القلوب ضروك القلوب قساحت معنتها اهدري و عاودي شحال من مرة و بلاك تكون نتيجة.هذا الشي راجع لنية كل انسان و النيات مايعرفها غير ربي سبحانو

[biologie2001]

المشاركة الأصلية كتبت بواسطة مسلم سني

السلام عليكم
أولا شكرا لك على الموضوع
هو صحيح من يعمل الخير لابد أن يفعله خالصا لوجهه تعالى لا رياء ولا حبا في الشهرة
لكن كما قال أخي الذي سبقني يمكن أن تكون الجمعيات الخيرية سببا في تنبيه الناس وحثهم على فعل الخير بتقديم المساعدات والتبرعات ونحن نعلم أن مجتمعنا أصبح كل واحد فيه لا يفكر إلا بنفسه تقريبا إلا من رحم ربي
وهناك حصص متلفزة تخبر عن رغبتها في مساعدة البعض و ينجح الإشهار وتتلقى الجمعية مساعدات وربما تحل مشكلة هؤلاء
ولا يمكن أن نتصور أن كل جمعية نيتها هي التباهي وكسب الربح والتقدم على بقية الجمعيات مثلا
يعني صعب أن نحكم على نية الأشخاص
احترماتي

انا معك اخي مسلم سني من ناحية الاشهار و لكن الاشهار يكون بطلب المساعدة و ليس بذكر ماتم فعله و انجازه.... بكل صراحة كنت حابة ندخل في جمعية خيرية في ولايتي و لكن لما ادخل الى موفع التواصل الخاص بهم اجدهم قد وضعوا صورا لما فعلوا و هذا ما لا احبذه....مثلا في زيارتهم مرة الى المستشفى قاموا بعرض الصور (بما فيهم صور المرضى)

[سعاذ]

السلام عليكم
صح علبالنا مكانش خير من الستر كي واحد يحب يصدق
بصح كينا حجا بالنسبة للجمعيات لي دير الخير لي اغلب اموالها جي من التطوعين و هي اغلب احيان تتعمد تنعت واش دارت لعدة اسباب منها انها تبيت لناس لي مدو درهمهم واش دارت بيهم على جال انها تبينلهم انها صح صرفت درهمهم على حجا لي جاو على جالها و بش تكسب ثقتهم و يبقاو يعاونوا هذي الجمعيات و هذا رايح يكون دافع لناس اخرين باش يساهمو في هذي الجمعية مدام راهم يشوفو واش راهي الدير
دمتم في رعاية الله و حفظه

[سعاذ]

المشاركة الأصلية كتبت بواسطة biologie2001

انا معك اخي مسلم سني من ناحية الاشهار و لكن الاشهار يكون بطلب المساعدة و ليس بذكر ماتم فعله و انجازه.... بكل صراحة كنت حابة ندخل في جمعية خيرية في ولايتي و لكن لما ادخل الى موفع التواصل الخاص بهم اجدهم قد وضعوا صورا لما فعلوا و هذا ما لا احبذه....مثلا في زيارتهم مرة الى المستشفى قاموا بعرض الصور (بما فيهم صور المرضى)

السلام عليكم
اسمحيلي برك على التعقيب
حبيت نقولك بلي يكون شخص واحد هو لي راهو يتصدق هنيا يكون بينو و بين مولاه برك
بصح كي تكون جمعية لازم عليها تبين لناس لي تبرعو بلي درهمهم راحو لبلايصهم و هذا مايتمش غير كي ينعتو واش دارو
خاطر الجمعية راهو مسؤولة قدام هذوك الناس
دمتم في رعاية الله و حفظه

[alinos]

السلام عليكم

و الله اتفق معكي تماما انستي الفاضلة العمل الخير و الصدقة وجب سترها لان افضل الاعمال هو التي تكون في الستر حتى لا يشوبها رياء، أما بخصوص الفايسبوك او لا انا اتفق معكي تماما الاختلاط لا يجوز كيف يعملون الخير و هم اصلا يعصون الله باختلاطهم و الخلوة بينهم و بين النساء و الفتيات ضف الى ذلك وجب ستر المساكين ليس تصويرهم و اذلالهم بالصدقات امام الناس هنا فيها اهانة كبيرة للمتصدقين عليهم.

و للانصاف يمكن نية هؤلاء الشباب تكون مليحة من جانب مساعدة الاخرين و تشجيع الناس للمساعة ايضا و التصدق
الا انني ارى انه وجب عليهم الاستشارة و اخذ نصائح من علماء الدين لكي يكون هذا العمل مكتملا و ياتي بثماره و يزرع فيه الله بركته و قبوله

و في الاخير كيف ما كان كل واحد و نيته امام الله و و الله احسن ما يشتغل شبابنا في امور اخرى مضرة هذا رايي دمت في نعمة من الله

[nono hydrau]

شكرا للأخت كاميلا علي هذا الموضوع وللأخوة اصحاب الردود
أنا مع رأيك اختي كاميلا لأن هذه الظاهرة صارت مبالغ فيها نوعا ما ولكن في المقابل نشجع اظهارهذه النشاطات للعلن من أجل تشجيع في المشاركة الجميع
أكيد فعل الخير مرهون بالسرية من أجل مضاعفة الأجر عند الله ولكن تبقي النية قبل كل شئ "فلكل امرئ ما نوي " واظهاره للعلن من أجل جذب انتباه الناس اليها فيه الاستحسان خصوصا اذا كانت النية منه المساعدة وتعميم الخير علي الجميع
تقبلي مروري
تحياتي للجميع

[Nihad lamis]

بارك الله فيك شكرا

[مـجيد]

هذو ناس يحبو يبانو
منافقين ما تعمروش روسكم بيهم و بتفاهاتهم