محبوبة امي و كل الاخوات لطبقو ورشة الصاك

[جويدة2]

السلام عليكم استدتنا محبوبة امي راني نتبع في دروسك تع المكرامي و الحمد لله شرحك راه في القمة و راني عملت حويجات صغار بصح هبلت على الصاك وكي قلتلنا انتم المتاخرات اخدمو و انا نراقب الاعمال هاني دخلت في مغامرة مع الصاك حبيتك تقوليلي شحال درتي طول يد الصاك به يجيني سواسو مكبير ما صغير وهوليك يد لبديت فيه لامعجبكش غرزة النوبلا تاعي قوليلي ولا راني تمام نكمل المقروضة

استادتنا لعزيزة راني ندعيلك بالخير صباح و عشية على واش راكي تقدم لنا من خدمة يارب حقق لمحبوبة امي كل ماتتمناه كما حققتلنا احلامنا. امين. تحياتي

[زهرة الهضاب 19]

اختي الأستاذة قالتنا أخدمو كيما خدمتي نتي و قيسي و شوفي الطول لي حابتو نتي في صاكك

الاحسن انك تهزي صاك عندك تستعمليه و عاجبك طول البد تاعو و تقيسي عليه و حبسي كي تلحقي للطول المناسب .....

ان شاء الله فهمتيني

بالتوفيق

[جويدة2]

شكرا اختي زهرة الهضاب انا برك حبيت نشوف شحال دارو لبنات طول يد الصاك باش نعرف بتقريب ومبعد نزيد و لا نقص عليه شويا لانو عجبوني المقسات لعملهم .

مشكورة على الرد وربي يعيشك اختي

[حمدا لله كثير]

تهبل بالتوفيق اختي

[محبوبة امي]

المشاركة الأصلية كتبت بواسطة جويدة2

السلام عليكم استدتنا محبوبة امي راني نتبع في دروسك تع المكرامي و الحمد لله شرحك راه في القمة و راني عملت حويجات صغار بصح هبلت على الصاك وكي قلتلنا انتم المتاخرات اخدمو و انا نراقب الاعمال هاني دخلت في مغامرة مع الصاك حبيتك تقوليلي شحال درتي طول يد الصاك به يجيني سواسو مكبير ما صغير وهوليك يد لبديت فيه لامعجبكش غرزة النوبلا تاعي قوليلي ولا راني تمام نكمل المقروضة

استادتنا لعزيزة راني ندعيلك بالخير صباح و عشية على واش راكي تقدم لنا من خدمة يارب حقق لمحبوبة امي كل ماتتمناه كما حققتلنا احلامنا. امين. تحياتي

و عليكم السلام حبيبتي اسفة هدا وين شفت عملك شوفي بالنسبة لليد راكي صحيحة سواسوا و الطول كيما تحبي كي تبداي تخدمي حطي اليد على كتفك و شوفي الطول الي يساعدك انا و الله مقست الطول و من بعد لصقي باقي الخيوط و كملي راكي 10/10........و امين رب العالمين شكرا