أرز بالشعيرية من كوزنتي

درة بيتي · 2012-12-18, 00:23

[IMG][/IMG]

درة بيتي · 2012-12-18, 00:26

إلي تحب تجربو راني حاضرة إذا عجبكم قولولي لغوسات ساهلة والبنة مانحكيلكمش.........

ام ساجد · 2012-12-18, 11:06

يعطيك الصحة في انتظار الطريقة

سوسو الطموحة · 2012-12-18, 13:07

الشعيرية كيما الفرميسال او تتباع وحدها.

mizouusmiste · 2012-12-18, 15:02

باين بلي الطبق بزاف بنين ربي يسلم دوك اليدين ختي ممكن تعطيني الوصفة وشكرالك علا مجهودك

oum radja · 2012-12-18, 15:15

سبحان الله اليوم جا في بالي و كنت باغيا نديره و نحط الوصفة تاعي
بالصح ماعليش اعطينا الوصفة باش ندير مقارنة و نرجعلك الخبر

ام ملاك. · 2012-12-18, 15:15

امممممممممم يشهي
علاش ماحطيتيش الوصفة قدام الطبق؟

omar_gs13 · 2012-12-18, 18:14

رائع بارك الله فيك

wissem173 · 2012-12-18, 20:26

الشعيرية هي الفارميسال؟
اذا ممكن الطريقة لانها تبان بنينة بزاف
يعطيك الصحة

درة بيتي · 2012-12-19, 02:21

اقتباس:

المشاركة الأصلية كتبت بواسطة درة بيتي

[IMG]

[/IMG]

الطريقة حبيياتي من أسهل ما يكون تحكمي الجاجة إلي تكوني نقيتيها وقطعتيها وتقليها مع شوي زيت وبصل وثوم مهرس مع التوابل والملح وشوي قرفة وزعفران وإمباعد مرقيه خليه وحد لعشرة دقايق إلى ربع ساعة بعد الغليان وإمباعد نحي الدجاج وتكونيمن قبل رنختي كيلو روز في ماء مغلي لمدة نص ساعة صفيه وإرميه فالمرق تع الدجاج وفوحي الدجاج بشوي هريسة وطماطم مصبرة وفلفل أكحل وكات شاب ودخليه الفرن يتحمر وكي تشوفيه طاب ذرذري عليه فرماج رابي وعاودي دخليه يدوب الفرماج تاعه منجهة أخرا تحكمي نص رطل تع الفرميسال وتحمسيها فالزبدة نغرفة زبدة ومغرفة زيت وكي تشوفيها خذات اللون الذهبي مرقيها بشوي ماء يغلي وملح ما تطولش ياسرفالطياب وحد 5دقايق ولا أقل وتصفيها ويكون الروز تاعك على نار هادية بعد ما يشرب كل المرق وينشف أقلبيه في إناء واسع بش ينشف شوي وفي التقديم حطي الروز وفوقه الالفرميسال وزيني بالدجاج تقدري كذلك تخلطيها مع الروز بش تديالقو تع المرق وبالصحة والهنا صدقوني هذي أول مرة نديره والدار عجبهم ياسر ويستحق العناء ولو إنو مايخدش وقت كبير ما تخلعكمش المراحل نتمنى تجربوه

وتعطوني رايكم تقبلو تحياتي في الأخير وشكرا على المرور الطيب