ماهي أسئلة المقابلة الشفوية لمتصرف إداري

روحي جسور معلقة · 2013-01-21, 13:15

السلام عليكم ارجوكم افيدوني عن ماهي أسئلة المقابلة الشفوية لمتصرف إداري؟؟؟؟؟؟؟؟؟؟؟ وهل يتصلون بكافة الاشخاص الذين أودعوا ملفاتهم أو يكونو مختارين علما ان اختصاصي علوم ادارة وقانون

هاجر المدانية · 2013-01-21, 16:09

السلاام عليكم.يا اختي توقعي الأسئلة تكون في اإختصاص أو في الثقافة العامة المهم توقعي كلشي . انا فوتت مسابقة في مديرية الثقافة حطولنا قصاصات نص فيهم الثقافة العامة ونص فااقانون الإداري ونص فالمالية نتي وش تخيري .وثان ترجع لنوع المؤسسة لي رايحا تفوتي فيها .المهم ماتخافيش برك نورمال أدخلي ديري ربي في بالك وحضري من قبل شوي قانون إداري وشوي ثقافة راكي عارفا ها العولمة ها إقتصاد السوق .أسباب الأزمة العالمية.المهم راجعي شوي وماتخافيش منهم وثان يشوفولك طريقة الجلوس وإستقبال الأسئلة والجواب عليها.
وربي يوفقك إنشالله.

سعاذ · 2013-01-22, 10:16

السلام عليكم
الاسئلة غالبا تكون في الاختصاص تاعك كيما انت ريحين يسقسوك على القانون الاداري و المنازعات و هذو لحوايج يعني تقدري جوبي عليهم بسهولة ميطلبوش قرايا المهم انت تكوني واثقة من روحك و نزيد نقولك هما ميهتموش اذا كانت الاجابة صحيحة او غالطة خاطر من ذاك هما ميعرفوش الاجابة المهم طريقة الاجابة و الطريقة الجلوس و هندام و ثاني لازم مديريش روحك تحشمي و تحطي راسك لازم النظرة تاعك تكون افقية لشخص لي رايح يطرحلك الاسئلة و زيد نقلك انت قريتي حقوق يعني عندك 2 نقاط بلا والوا
بالتوفيق ان شاء الله حقا متنسيش تكثري الاستغفار خاطر يفتح الابواب المغلوقة
دمتم في رعاية الله و حفظه

إيمان 87 · 2013-01-22, 12:46

معظم تخصص القانون و الادارة الي فوتوا معايا صقصاوهم على الوظيف العمومي ما عليك غير بالجريدة الرسمية سيرتو قوانين التوظيف و الموظف و معلومات على الوظيفة