تارت الرسوم بالصر وطريقة جديدة من عند مونية ك

[ام ملاك.]

السلام عليكم
عندي شحال مادخلتش بمواضيع جدد لعطل في الانترنت واليوم كي رجيت لعند اهلي قلت اغتنم الفرصة ونحط جديدي قبل مانرجع لداري ههه
ان شالله تعجبكم لاتارت اللي خدمتها نكتبلكم الوصفة من بعد نحطلكم الصور
العجينة الجينواز العادية
انا درت بلاطو كبير بزاف نتاع الكوشات الكبار تاع مرت سلفي
الكمية درت 20 حبة بيض كيلو عير شوية فرينة وكيلو غير شوية سكر لافاني
ضربت البيض مليح حتان بياض وطلع زدتلو السكر ولا ثقيل وهو يتضرب من بعد زدت الفرينة وخلطتها مليح وحطيتو في الفرن حتان طابت لابات
قسمتها على زوج مرات باش ماتغلبنيش في القسيم على زوج
ودرت 4 بيضات للقلب الصغير و125 غ سكر 125 فرينة لافاني ونفس الطريقة تبعتها

الكريمة درت كريمة الزبدة لتر حليب 5 فناجن سكر و2 فناجن مايزينة ولافاني برك خلطتهم مليح وحطيتو فوق النار حتان يثقال مليح من بعد نحيتو وخليتو برد مليح مليح ومن بعد بدي نضرب في بواطة زبدة طرية و2 مغارف من الكريمة اللي بردت حتان تخلطو مليح ومن بعد كملت فرغت قع الكمية نتاع الكريمة وكملت ضربت مليح مليح حتان ولات كريمة الزبدة
شريت قرعة نتاع عصير رامي لتر ونصف اناناس باش نسقي بيها لاتارت
كي طابت لابات رجعتها في البلاطو نتاعها وفرشت تحتها النيلون اليمونتار باش تجيني ساهلة كي نحيها كي حطيت لابات سقيتها مليح بالعصير تقريب اكثر من ربع قرعة نتاع عصير
وفرشت الكريمة فوقها وحطيت فوقها لابات الدوزيام زدت سقيتها مليح وغطيتها وخبيتها في الفريجيدار للغدوة باش تكون شدت تروحها
ولقلب نفس الشي ونفس الطريقة
ودرك نروحو للتزيين شريت 3 علب نتاع 500 غ عجينة السكر والملونات الغذائية اختيارية
هذا ماكان ودرك تبعو طريقة العمل بالصور
وقبل ماتحطو عجينة السكر اطلوها بالكريمة شوية بر م الفوق باش تشد عجينة السكر وماتزلقش
الرسوم درك نحوس على رابط الاخت الله يجزاها كل خير الاخت ام حنين وسيف كيفاش تخدمو الصور بالتفصيل انا درت طريقتها عجبتني
هذا هو الرابط
https://www.djelfa.info/vb/showthread.php?t=1140182
نفس طريقة القلب عملت لاتارت الكبيرة
























































وهذي للجميع واللي يرد علي


حابة شوية تشجيع

[ريحان الجزائر]

السلام عليكم و رحمة الله و بركاته شكرا لك على الكعكة بارك الله فيك أبدعت فيها شكرا

[ام ملاك.]

مشكورة اختي نورتيني

[ام سارة ورقية]

واو روووووووووووووووعة
ما لقيتش الوصف المناسب
فحلة يعطيك الصحة

[ام ملاك.]

الله يسلمك اختي ام رقيه كفيتي ووفيتي

[الأمنيات]

حابة غير شوي تشجيع هههههههههههههههه راكي قانعه لازم كثييييييييييييير
تبارك الله عليك خرجت روعه

[scorpionoir]

روعة تحفة ما شاء الله ازربيلنا بالرابط من فضلك

[ويناروز]

[ام ملاك.]

المشاركة الأصلية كتبت بواسطة الأمنيات

حابة غير شوي تشجيع هههههههههههههههه راكي قانعه لازم كثييييييييييييير
تبارك الله عليك خرجت روعه

هههههههههه
قانعة زعما
يعطيك الصحة على مرورك وردك

[feuilleblanche17]

وااااااااااااااااااااو روعة و عيد ميلاد سعيد للينا

[ساندي 28]

الله يبارك اختي والله تحفة وباينة متمكنة من الحلوى يعطيك الصحة كاشما خليتيلي ولا والو

[ام ملاك.]

المشاركة الأصلية كتبت بواسطة scorpionoir

روعة تحفة ما شاء الله ازربيلنا بالرابط من فضلك

درك نحوس عليه ونحطو يعطيك الصحة

[ام ملاك.]

المشاركة الأصلية كتبت بواسطة نيروز

مشكورة اختي نورتيني

[ام ملاك.]

المشاركة الأصلية كتبت بواسطة feuilleblanche17

وااااااااااااااااااااو روعة و عيد ميلاد سعيد للينا

الله يسلمك اختي صحيتي على مرورك

[ام ملاك.]

المشاركة الأصلية كتبت بواسطة omnadjem.10

الله يبارك اختي والله تحفة وباينة متمكنة من الحلوى يعطيك الصحة كاشما خليتيلي ولا والو

ههههه والله لوكان قدامي ماشي خسارة تجو قع تاكلو
يعطيك الصحة نورتيلي صفحتي