كروكي بشكل جديد حصريا من مطبخي

[ام سارة 285]

اخواتي العزيزات واش احوالكم ان شاء الله تكونو بخير

اليوم جبتلكم طريقتي في تحضير الكروكي ان شاء الله تعجبكم .... نبداو على بركة الله

المقادير

7بيضات.- نصف لتر زيت . 2كيسان سكر. 6مغارف كبار نشا و مغرفة كبيرة فاني و الفرينة و3شكاير خميرة

و للتزيين كاكاو و جلجلانية و نواد كوكو و مربى المشمش

التحضير

تخبطي البيض مع السكر بالباتور او العجانة و تزيدي الزيت بالشوية يعني فرغي و في نفس الوقت خلطي و من بعد الفاني و النشاء و خلطي مليح و من بعد ضيفي شوية فرينة و معاها الخميرة و في هذه الاثناء اقسمي العجينة على اثنين النص نتاع العجين خليه على حاله و النصف الثاني زيديلو الكاكاو و من بعد اضيفي الفرينة للنصفين حتى تتحصلي على عجينة طرية كما هو موضح في الصور

هنا زيدي السكر و خلطي مليح

و زيدي الزيت غير بالشوية و خلطي

و من بعد ديري النشا و الفاني

و ديري شوية فرينة و الخميرة و اقسمي العجينة على اثنان

شوفي شكل العجينة النهائي بعد ما تضيفيلها الفرينة

جيبي بلا وادهنيه بالزيت و حطي كمية من العجينة السوداء ومن

فوقها كمية من العجينة البيضاء ثم حليهم شوية و من بعد روليهم

كيما في الصور و حطي الحربوش في سينية الفرن تكون مدهونة

بالزيت و حطيه يطيب في الفرن كما في الصور

وهذا شكل اخر خلي العجينة بلونها و جيبي صفار البيض وديريلو

شوية كاكاو و ادهني الحربوش و خططي بالفرشاة و اذا تحبي

ديري شوية جلجلانية من فوق او خليه كيما راه و كي يطيب

ديري معجون المشمش من فوق و زيني بواش تحبي

شوفو هنا بعدة اشكال

وهنا بعد ما طاب راني نديرلو في المعجون

وهنا زينتو بالجلجلانية و نواد كوكو

وهنا بعد ما قطعتو

وشهية طيبة و ان شاء تجربوه و ادعيولي ربي يعطيني واش في

قلبي

سلااااام

و اللي عندها سؤال تتفضل