زوجي يتركني دائما

[sabra2009]

السلام عليكم هذه مأساتي متزوجة حديثا في بيت مستقل ، زوجي يتركني دائما ويقضي النهار عند أمه، لا يحدثني ويتركني وحيدة لأتفه نقاش طلبت منه الطلاق فرفض لا أعرف ما أفعل

[nibrasse76]

واضح انك عاقلة مادام تعرفي غير تطلبي الطلاق ؟؟ يعني هذا لي قدرتي عليه ؟؟

يا اختنا العشرة صعيبة وواعرة ....ليس من السهل ان يجتمع شخصان تحت سقف واحد لوحدهما بدون حدوث مشاكل واختلاف ..هذا شيئ طبيعي ومتوقع ...وكل انسان مقبل على الزواج يجب ان يجهز نفسه لاستيعاب الطرف الاخر ...ويتعايش مع سلوكاته السيئة ..مثلما يرحب بايجابياته ويحافظ عليها ...

راجعي نفسك وابحثي عن الاسباب التي جعلت زوجك لا يتعلق بك اكثر ...المهم ان تعالجي الخلل بينكما وليس زيادة تضخيمه

اعلمي ان الرجل عادة لا يسلم نفسه للمرأة الا بعد ان تستطيع هي اكتساب ثقته فيها حينها لن يبخل عليها بشيئ ..على عكس المراة التي تعطي كل شيئ منذ البداية ...من الاخر مزال الحال على الدلال ...خليه يثق فيك ويقتنع بك ..وحينها اطلبي ما تريدين ..لا تتسرعي ؟؟

[sabra2009]

المشاركة الأصلية كتبت بواسطة nibrasse76

واضح انك عاقلة مادام تعرفي غير تطلبي الطلاق ؟؟ يعني هذا لي قدرتي عليه ؟؟

يا اختنا العشرة صعيبة وواعرة ....ليس من السهل ان يجتمع شخصان تحت سقف واحد لوحدهما بدون حدوث مشاكل واختلاف ..هذا شيئ طبيعي ومتوقع ...وكل انسان مقبل على الزواج يجب ان يجهز نفسه لاستيعاب الطرف الاخر ...ويتعايش مع سلوكاته السيئة ..مثلما يرحب بايجابياته ويحافظ عليها ...

راجعي نفسك وابحثي عن الاسباب التي جعلت زوجك لا يتعلق بك اكثر ...المهم ان تعالجي الخلل بينكما وليس زيادة تضخيمه

اعلمي ان الرجل عادة لا يسلم نفسه للمرأة الا بعد ان تستطيع هي اكتساب ثقته فيها حينها لن يبخل عليها بشيئ ..على عكس المراة التي تعطي كل شيئ منذ البداية ...من الاخر مزال الحال على الدلال ...خليه يثق فيك ويقتنع بك ..وحينها اطلبي ما تريدين ..لا تتسرعي ؟؟

مشكور أخي، حاولت أني نتناقش معاه لكن هو واعر بزاف، عندو نظرة على إخوانه اللي قبلو كيفاه نساهم يتحكموا فيهم حاب إيبين بلي هو رجلة وأنا ما نحكمش فيه، لازم لكان خرج ما نتاصلش بيه و ما نسألش وين إيروح الزيارات العائلية ممنوع لازم غير نعاون الوالدة تاعو ونسكت.

[alinos]

كان الله في عونك اختي الغالية احس بك كثيرا و اعرف هذا النوع من الرجال لكن اريد ان انصحك لا تتعجلي الطلاق فانت الخسر الاكبر دوما بل انا اريد ك كل اخير اصبري عليه مادمت تزوجتم حديثا و انصحك ان تكوني حكيمة و تبحثي عما يحبه زوجك و احرصي على ان تجعليه يرجع اليك بشوق اتمنى ان تكوني فهمتنيني اتمنى لك كل الخير ربي يهديه يا رب

[مناد بوفلجة]

السلام عليكم

لا تستعجلي

الحل بسيط جدا

جيبي ليه إبن إو إثنين

و رايحة تشوفي النتيجة

سوف يصبح جل وقته معك و مع أبنائه

[بشرى أسماء]

الله يهديكم لبعضكم

[وفاء سعاد]

اختي راهو كيما قالك الاخ السابق جيبيلو بيبي عن تجربة يعود نهار كامل لاسق في الدار واخطيك من فكرة الطلاق وزيد راكم عرسان جدد صعيب الولف خاصة والواحد مالف بالعائلة وفريلو جو مليح في البيت كاكلة يموت عليها ووجه بشوش ماشي خير محاسبات راهو يعود نهار كامل هارب وانت اللي تخسري

[حفيظ حيدر]

السلام عليكم . اختي عندها نفس المشكله تاعك زوجها دايما عند امه وما يجي للدار غير في الليل خلاص موالف بامه . ولدت طفل ولات لاهية به وما عادتش مقلقه من زوجها كيما السابق.

[ام البنوتة]

يا اختي هذا طبيعي.مازال ماوالفش الحياة الزوجية برك
و قضية اغلب وقتو عند يماه لانو عاش معاها ماشاء الله و انت مازلت جديدة عليه هذا ماكان...
حبيت برك نسالك واش من طلاق تحوسي عليه و انت غير كيما تزوجتي..و الله شوكيتيني
ماشي هكذا يمشي الزواج كبري قلبك و كبري عقلك و انساي حكاية الطلاق نهائيا .ماشي اي مشكل نفرقوا الدار.هذا ميثاق غليظ.
في حديث الرسول الكريم"ايما امراة طلبت من زوجها الطلاق من غير ما باس فحرام عليها رائحة الجنة"
استهدي بالله الختي و ان شاء الله نسمعوا اخبار طيبة عنك

[samar89]

كان الله في عونك اختي..............

[بيلسان11]

أنا نصيحتي تتقربي من زوجك و حاولي تعرفي الأشياء اللي يحبها و ما تقوليش ديما ماش في الدار انت لازم تستغلي الوقت اللي يكون فيه في الدار و تحكي معاه على حياتكم و اياك و الشكوى .أعطيه الوقت للتأقلم مع الوضع الجديد. و حاولي تكسبيه بأي طريقة خليه يشتاق لمنزله ماش تقابليه بالأسئلة. الحاجة اللي يكرهها الرجل هو واين كنت واين رايح. ممكن تسأليه عن يومه كيفاش فات في الخدمة و اذا راح عند والديه أسأليه عليهم واش عاملين. المرأة باش تكسب زوجها لازم تدخل للعالم تاعه و تشاركه اهتماماته لثم يولي يحب يعيش اهتماماتك.
ما وضع الرفق في شيء إلا زانه ، ولا نزع الرفق من شيء إلا شانه

[رُقية]

الصبر مفتاح الفرج

[sali-sali]

الطلاق مرهش حل
انا شكيت انه كان حاب يعيش مع اهلو و انتي رفضتي...لهدا هو يتصرف هكدا

حاولي تناقشيه بالعقل .....و اي امراة دكية تقدر تجدب زوجها ليها
يماه من حقه يزورها و لكن مش يخلي مرته في دار نهار كامل و ياكل و يشرب عند يماه...منين هكدا واش وصله يتزوج

احكي غير بالعقل معاه وبلا التفوه بكلمة الطلاق لانها مش حل

[جسر الأمل]

شوفي الحل انو راجلك مازال مايوالفكش وانت لازم تكوني المحقق كونان يعني تساااااااااااااااااايسيه وكي يخرج ابعثيله ميساج تاع شوق وكي يدخل احكي معاه بفرحة وسرور ماتكشريش علابالك مازلت في فترة الاختبار راه يميز فيك وكيما قلت خاوته عندهم نساهم يبغو يحكمو فيهم انت بينيله بلي خاطيك الحكم وعامليه برحابة صدر وكي تكوني قاعدة معاه وتجبدو على موضوع ويمد رايه فيه ماتخالفيهش وقوليله واه عندك الحق ماتعانديهش خليه يحس بلي هو فور وهو الفوق وكي يكون عند امه مثلا عيطيله وقوليله فوتلي ماماك نحكي معاها ونصيحة اللي يبغيه راجلك بزاف في دارهم تقربي منه
ودوك مع الوقت يتبدل وكي تجيبي بيبي ان شاء الله يتبدل تاع الصح
انا راجل اختي كان حجرة واختي دارت معاه هده الطريقة حبة حبة بدا يطلق يعني مسالة وقت وتوالفو بعضاكم وربي ييسرلك امورك اختي

[dahbi01]

أختي الكريمة من لايعرف معنى الزواج لايستطيع أن يشعر بالطرف الآخر ................من المفروض يوفر معظم أوقاته لك وحدك حتى يضمن الإستمراررية وهذا حق مشروع لك.................
حذاري حذاري حذاري تطلبي الطلاق وكل شئ بين يديك لك مني خطوات أتبيعها لإستعادة ما فاتك:
- عليك بالتمسك بدينك والصلاة في وقتها
-إعملي ونفذي قدر المستطاع مايطلبه منك إتجاه أمه وكوني لها نعم السند وأصبحي عليها إن كانت قريبة منك واشعريها بحبك وهذا شئ جميل لاينقص منك شئ حينما تتحابا.
- حاولي دائما الأهتمام بإخوته الصغار قدر المستطاع ودعيهم يحترمونك ويسألون عنك في غيابك
- كذالك عليك بإحترام إخوته الكبار وتقديرهم وزورهم إذا مرضوا وأصيلي لهم السلام مع زوجاتهم وسألي عن أحوالهم دائما أثناء طوال المدة من رِؤيتك لهم
- كلمي آباه بــــ: عمي دائما وكوني على قدر من الحياء مع الجميع حتى زوجك.
- لا تهتمي بهذا المشكل ولا تظهري لزوجك أنك غاضبة.
- حافظي على علاقاتكما وأحفظي زوجك في ماله وعرضه وو صيه دائما على والديه وإخوته وحسيسه بأن الدنيا فانية .
- حافظي على النظافة بصفة عامة والتزين للزوج أثناء تواجده معك في الفراش
نسأل الله لكما الهداية والتوفيق والثبات