تخيل انك اليوم معي ؟؟؟

فرناس وهران · 2013-02-07, 20:56

السلام عليكم
اليوم كان عندي امتحان كتابي في منصب عون ادارة رئيسي
22 مترشح لمنصبين الامور عادية لحد الساعة لكن الغير عادي عندما ابدأ في التجوال بين اقسام الامتحان و اقرأ قوائم المشاركين اجد 3 قوائم عجب سبحان الله و كأن الجزائر خلت من اصحاب شهادة الدراسات الجامعية التطبيقية
بلديةبولاية عين تموشنت فيها منصب ملحق ادارة رئيسي عدد المترشحين واحد و الحاضر في الامتحان واحد
مركز تكوين مهني في تموشنت فيهامنصب ملحق رئيسي للادارة عدد المترشحين واحد و الحاضر واحد
مركز في سيدي بلعباس فيه منصب واحد ملحق رئيسي للادارة عدد المترشحين واحد و الحاضر واحد
مركز اخر عدد المناصب 2 في ملحق رئيسي للادارة عدد المترشحين 3 و الحاضرين واحد
كنت سأقطع ثيابي و انا اقرأ هذه القوائم

tajernabil · 2013-02-07, 22:10

tu c prkoi pask ga3 jaw l alger yadou lé poste é wi

chahin20 · 2013-02-08, 00:45

اخي فرناس اشتقنا اليك كنت حاسبك ربحت العام لي فات وظيفة هههه راك كيما حالتي حاصل مع العلم انني ماستر علوم سياسية و االله هرمنا

yacine-08 · 2013-02-08, 02:39

نحن لدينا بطالة اختيارية وليس بطالة حقيقية يعني انها يوجد عمل لكن نختار ان لا نعمل .

ففي الغرب على سبيل المتال يقبل الشخص ان يعمل في مركز اقل من مستواه او العمل في عمل لا يتناسب مع شهداته ويقبل اجرا زهيدا على دلك

المهم هو انه يعمل ويكتسب خبرة حتى يقبل من احد الشركات .

لكن نحن لدينا تقول له اعمل هنا يقول لك انا حياتي كامل فوتها قراية ونمشي نخدم هاد الخدمة ، و لايقبلون اجر القليل بل يبحتون مباشرة على اجر عالي حتى بدون خبرة .

فرناس وهران · 2013-02-08, 08:55

شاهين اخي انت اللي راك غائب اما انا راني هنا تقريبا كل يوم هههههههههه
ياسين صح هاذي عندك الحق تحسب لقى وين يدرق راسه ة راه يتشرط

mohamed888 · 2013-02-08, 16:57

هههههه امنيتي اني نجوز مسابقة ما فيهاش الغاشي
هنا في باتنة اي مسابقة تلقى فيها 1000 على الاقل
مي علابالي حتى ونجوز وحدي او ماننجحش
بالتوفيق لناس تيموشنت راهم محظوظين ان شاء الله
ربي يوفقك خويا فرناس ويوفق الجميع

*تسنيم* · 2013-02-08, 17:23

يظهرلي ماسمعوش بالمسابقة او لم يتم الاعلان عنها.
انا ديفوا نلقا مسابقة معلن عنها في موقع الوظيف العمومي في حين لا توجد في الجريدة حيث يعلن عن بعض المناصب و الباقي لا

فرناس وهران · 2013-02-08, 18:05

اقتباس:

المشاركة الأصلية كتبت بواسطة mohamed888

هههههه امنيتي اني نجوز مسابقة ما فيهاش الغاشي
هنا في باتنة اي مسابقة تلقى فيها 1000 على الاقل
مي علابالي حتى ونجوز وحدي او ماننجحش
بالتوفيق لناس تيموشنت راهم محظوظين ان شاء الله
ربي يوفقك خويا فرناس ويوفق الجميع

امين اجمعين
ان شاء الله

اقتباس:

المشاركة الأصلية كتبت بواسطة صافينيزا

يظهرلي ماسمعوش بالمسابقة او لم يتم الاعلان عنها.
انا ديفوا نلقا مسابقة معلن عنها في موقع الوظيف العمومي في حين لا توجد في الجريدة حيث يعلن عن بعض المناصب و الباقي لا

لا لا اعلان بلدية العامرية بعين تموشنت راني عاقل انا درتوا و كان في جريدة الجمهورية و كان فيه متصرف و ملحق رئيسي للادارة
اما عن موقع الوظيف العمومي الخاص بولاية عين تموشنت فهو متوقف عن الاعلانات

sali-sali · 2013-02-08, 18:09

بالاك ماسمعوش بالمسابقة
في بلادنا تسمع بمسابقة و المنصب لواحد و عدد المترشحين بزاااااااااااااااااف

راك عارف البطالة في جزائرنا و الوعود الزائفة و حتى المسابقات الوهمية التي يعرف من ينجح فيها حتى قبل القيام بها

maram.espoir · 2013-02-08, 18:36

على السلامة الاخ فرناس الحقيقة دهشت لما قرأت موضوعك فانا قي الجوار اي في سيدي بلعباس و لم اسمع عن هته المسابقة رغم انه عندي deua و اقول لاحد المشتركين الذي قال اانا نتشرطو في الخدمة فأقول له انه وقت فات كنت نحط مستوى تاسعة اساسي و لم يحالفنا الحظ لا بالدبلوم و لا بغيره، ربي يجيب الخير برك و بالتوفيق للجميع[/SIZE]

عبد الرؤوف24 · 2013-02-08, 19:23

مالا غيرالواحد يروح يدير deua خير من يبقى حابس هكا

ايمان 24 · 2013-02-08, 20:11

اقتباس:

المشاركة الأصلية كتبت بواسطة yacine-08

نحن لدينا بطالة اختيارية وليس بطالة حقيقية يعني انها يوجد عمل لكن نختار ان لا نعمل .

ففي الغرب على سبيل المتال يقبل الشخص ان يعمل في مركز اقل من مستواه او العمل في عمل لا يتناسب مع شهداته ويقبل اجرا زهيدا على دلك

المهم هو انه يعمل ويكتسب خبرة حتى يقبل من احد الشركات .

لكن نحن لدينا تقول له اعمل هنا يقول لك انا حياتي كامل فوتها قراية ونمشي نخدم هاد الخدمة ، و لايقبلون اجر القليل بل يبحتون مباشرة على اجر عالي حتى بدون خبرة .

بطالة اختيارية هههه ضحكتني ياسيدي انا عندي ماستر بيولوجيا و شاركت في مسابقات تقني و اشمن اختياري ربي يهديك مراكش عايش معانا

yacine-08 · 2013-02-09, 00:53

لا يوجد العمل فقط عند الدولة

ادا اراد شخص البحت عن عمل و لا يجد مصروف يكفيه ويعينه على الحياة اليومية

هناك العمل في القطاع الخاص ، مهما يحرت عليك ولا يقدم لك اجرتك الحقيقية ، لكن المهم هو وجود فرص عمل

هناك الشركات و المكاتب و المؤسسات التجارية ومكاتب الدرسات في كل المجالات النقل الصحة السياحة الحدمات الى غير دلك كل المؤسسات الخاصة التي راهي تتمشى وتتعامل مع الشعب مباشرة في كل انحاء البلد .

والله بعض الاحيان تبحت عن plombier او بناء وبعض الوظائف لا تجد من يعمل ، وحتى ادا وجدت يتقلش عليك ،

وبعض الاحيان تقول لبعض الاشخاص ان يتعلم هده الحرفة او يدرسها في المعاهد ادا ليس لديه مستوى دراسي يضحك عليك ويقلك انا نخدم هاد الخدمة .

يعني هناك الخدمة و الناس لا تريد العمل ،

من ناحية اخرى البداية في العمل قد لا يكون بمستواك و شهادتك الجامعية هده في البلدان الغربية لكن نحن لدينا مباشرة يريد العمل في منصب عمل يتوافق مع شهادته .

لكن بالتأكيد هناك بطالة مهما كان نوعها لان الباك اصبح 70 بالمية و الجامعة تدفع الاف المتخرجين كل سنة فكيف سيمكن توظيف هؤلاء في نفس درجة تكوينهم ؟

فرناس وهران · 2013-02-09, 07:05

المشكل عند الجزائري هو الدراهم غادي تقولي كيفاه الدراهم ؟؟
الجزائري ما يبغيش يخدم و يخلص الضرائب و الاشتراك الخاص بالظمان الاجتماعي
سقسيني انا نقولك نكره حياتي نهار اللي يرسلولي الضرائي قيمة تاع 20000 ضرائب و يزيدو يرسلولي الcasnos 27000 دج تاع اشتراك هههههههه
الله غالب هي في كلتا الحالتين غادي تخلص اذا ماشي كنت تخدم وحدك غادي تخلص و انت تخدم عند الدولة
لكن الاجر في الدولة يخصم الاشتراك و الضرائب مباشرة و ليعلم الجميع ان ما يخصم من اجر الدولة اكبر من ما يقوم التاجر بدفعه
ساعطيك المثل
متصرف يأخذ اجر 30000 دج و هذا المتصرف يدفع قيمة 4000 دج شهريا فيها (irg+casoroan) نضرب هذا المبلغ في 12 شهر يساوي 48000 دج سنويا
اما التاجر فيدفع سنويا 47000 دج هذا ان لم يكن هاذ التاجر صاحب حرفة و منظم الى فدرالية وطنية او امور اخرى تنقص من الاشتراك و الضريبة الى 75%عوض 100%
عرفت ياسين علاه الجزائري يخير الوظيفة لانه لا يريد ان يدفع الضرائب من يد الى يد على خاطر يغيضوه الدراهم منين يدفعهم هكا بصح يبغي يدفعهم بطريقة غير مباشرة.
الله غالب كنت تاجر و نقولك .

ايمان 24 · 2013-02-09, 11:47

اقتباس:

المشاركة الأصلية كتبت بواسطة yacine-08

لا يوجد العمل فقط عند الدولة

ادا اراد شخص البحت عن عمل و لا يجد مصروف يكفيه ويعينه على الحياة اليومية

هناك العمل في القطاع الخاص ، مهما يحرت عليك ولا يقدم لك اجرتك الحقيقية ، لكن المهم هو وجود فرص عمل

هناك الشركات و المكاتب و المؤسسات التجارية ومكاتب الدرسات في كل المجالات النقل الصحة السياحة الحدمات الى غير دلك كل المؤسسات الخاصة التي راهي تتمشى وتتعامل مع الشعب مباشرة في كل انحاء البلد .

والله بعض الاحيان تبحت عن plombier او بناء وبعض الوظائف لا تجد من يعمل ، وحتى ادا وجدت يتقلش عليك ،

وبعض الاحيان تقول لبعض الاشخاص ان يتعلم هده الحرفة او يدرسها في المعاهد ادا ليس لديه مستوى دراسي يضحك عليك ويقلك انا نخدم هاد الخدمة .

يعني هناك الخدمة و الناس لا تريد العمل ،

من ناحية اخرى البداية في العمل قد لا يكون بمستواك و شهادتك الجامعية هده في البلدان الغربية لكن نحن لدينا مباشرة يريد العمل في منصب عمل يتوافق مع شهادته .

لكن بالتأكيد هناك بطالة مهما كان نوعها لان الباك اصبح 70 بالمية و الجامعة تدفع الاف المتخرجين كل سنة فكيف سيمكن توظيف هؤلاء في نفس درجة تكوينهم ؟

هذي الحقيقة سطحية

اذا كان شخص والديه تعبو و قراوه 5 سنين يخرج يخدم عند بلومبي هذه كارثة اخي الكريم

لانو طبعا مراحش يكون هو مولا الخدمة راح يكون خدام عند واحد لانو يتخرج 00 دينار في جيبو .....كاين بزاف ناس تتخرج تتجه لاعمال مماثلة لكن مؤقت الكل يريد تحقيق طموحه و بناء مستقبله هذا حقه

لكن صدقا حتى هذا العمل ليس بالسهولة التي تصفها لا اعرف ولايتك ربما الخدمة متوفرة لكن عموما في كل الجزائر ليس بهذه السهولة و اقصد بذلك اللي معندوش مبلغ مالي يبدا بيه مشروع وهذا رايك طبعا كل احترامي