مساعدة

كراميلا · 2012-12-25, 20:58

السلام عليكم اخوتي
انا عضوة جديدة هنا وسجلت مخصوص لان المنتدي هاتيل كنت اتابعه كزائرة

انا بفضل الله راح نجوز الباك كونديدا ليبغ مع العلم اني عندي ثلاث سنوات ماللى خرجت من الليسي يعني تقدرو تقولو نسيت القراااية
وهاد العام املي اني ندي الباك يااارب قولو اممين عندي شعوور غريب اني حابا نديه وحابا نتعب فيه باح نحقق حلمي

واكيد الباك مش راح يجيني يجري لازم نسعالو
وانا جبدت كل دروسي القدم وللاسف لقيت روحي نسييييت كككلش مع العلم اني انا لغات اجنبية لغة اسبانية
وخصوصا الاجنبية لقيت روحي ماني فاهمة وووالو

ارجوكم على وجه ربي يا خاوتي كل اللى اجتازو كونديدا ونجحو يقولولي كفاش كانو منزمين وقتهم وكفاه قراو
وحبيت تعاونوي شوية والله حابا ندي الباك هاد العام ومش حابا نذوق طعم الفشل لانه مريييييييير جدا

وجزاكم الله كل خير

كراميلا · 2012-12-25, 21:00

يارب نجحنا فى الباك هاد العام وعيننا على فهمه يارب

amiramirna · 2012-12-25, 21:53

حبيبةراكي كيما انا ، كنت لغات المانية هههههههه انا عاودتو العام اللي فات بعد ما جبتو في 2003
8 سنوات من بعد
قريت و ربي وفقني و جبتو و فرحت لعقوبة ليك
ايا ذوك نقولك كيفاه نظمت وقتي
اولا الارادة
ثانيا قسمت حفاظة صباح و المساء لغات
ثالثا رسمت جدول التوقيت الاسبوع الاول مادتين و الثاني 2 مواد و الثالث 2 مواد و الرابع مادتين
ملاحطة كي نشوف مادة كملت البرنامج نفوت للي بعدها اي مادة الاسبوع الموالي و العكس اذا مادة خذاتلي وقت اكثر من واش برمجت عادي نكملها و نفوت اللي بعدها
ما نكذبش عليك بديت بعد ما بانت العتبة بصح انت ما تديريش كيفي ابداي قبل انا كنت مشغولة بتجهيزات الخطبة
ملاحظة اخرى التاريخ احفظي التواريخ مليح و ما تحفظيش تاريخ الجزائر و الجغرافيا بازي عليها اكثر من التاريخ ينقطو عليه مليح قالهالي استاذ عندو خبرة
شوفي هاذ واش راني فاكرة اي استفسار راني هنا
ربي يوفقك ختيتي

كراميلا · 2012-12-26, 18:57

اقتباس:

المشاركة الأصلية كتبت بواسطة amiramirna

حبيبةراكي كيما انا ، كنت لغات المانية هههههههه انا عاودتو العام اللي فات بعد ما جبتو في 2003
8 سنوات من بعد
قريت و ربي وفقني و جبتو و فرحت لعقوبة ليك
ايا ذوك نقولك كيفاه نظمت وقتي
اولا الارادة
ثانيا قسمت حفاظة صباح و المساء لغات
ثالثا رسمت جدول التوقيت الاسبوع الاول مادتين و الثاني 2 مواد و الثالث 2 مواد و الرابع مادتين
ملاحطة كي نشوف مادة كملت البرنامج نفوت للي بعدها اي مادة الاسبوع الموالي و العكس اذا مادة خذاتلي وقت اكثر من واش برمجت عادي نكملها و نفوت اللي بعدها
ما نكذبش عليك بديت بعد ما بانت العتبة بصح انت ما تديريش كيفي ابداي قبل انا كنت مشغولة بتجهيزات الخطبة
ملاحظة اخرى التاريخ احفظي التواريخ مليح و ما تحفظيش تاريخ الجزائر و الجغرافيا بازي عليها اكثر من التاريخ ينقطو عليه مليح قالهالي استاذ عندو خبرة
شوفي هاذ واش راني فاكرة اي استفسار راني هنا
ربي يوفقك ختيتي

ربي يحليك ويحفظك يوعطيك ماتتمناي حنونة طلعتيلي المورال يااااااااااااااااااسر ربي يوفقك ومبرووك عليك

بصح قوليلي كفاه عاودتي راجعتي دروسك بعد غياب دام ثمن سنوات يعني اكيد لقيتي روحك نسيتي الدرووس كفاه درتي باه عاودتي فهمتي الدرووس وخاصة اللغات والرياضيات هادو اللى راني خايفة منهم
وربي يوفقك ويعطيك وش تتمناي
انا تاني هاد العام مشغولة بتحضير مذكرة تخرجي فى تسيير الموراد البشرية وربي يوفقني انشاء الله باه نوفق بينهم بصح مانكذبش عليك الباك هو اللى مبازيا عليه كتر من المذكرة

كراميلا · 2012-12-27, 13:39

يارررب نلقي ردوددد تفيدني

amiramirna · 2012-12-28, 10:17

السلام عليكم
حتا انا راني نقرا و كانو اختبارات الدراسة تاعي الاسبوع الموالي للباكالوريا (اي الاسبوع الاول من جوان باك و الاسبوع الثاني اختبارات )
لقيت البرنامج تبدل انا كنت نظام قديم 2003
الرياضيات : طلبت الدروس من عند اللي قراوه العام الفائت و عاودو و شفت استاذة الرياضيات في المعهد فهمتني بازيت عالدالات و المتتاليات (برنامج القديم ) القسمة ما فهمت فيها والو ههههههههه بصح في الباك خربشت عطاوني 2 عل القسمة الاقليدية و المادة ديت فيها 12/20 (مليحة لالا ؟)
اما العربية هي اللي ما نفهمهاش واعرة راجعت الاعراب كامل و المدارس و بعض من هاذوك المحسنات (الطباق و الجناس .....الخ)
اللغات : الفرنسي الحمد الله 16 نفهم مليح مليح
الانجليزية كيفكيف الله براك
بصح الالمانية : تودرت ما صبتهاش هههههههه راجعت القواعد قبل العتبة ما تبان و قريت نصوص ترجمتها بقوقل و شديت بعض الكلمات في راسي
ملاحظة التعبير الكتابي بعد العتبة شفت المحاور و كتبت بفضل قوقل تعابير و حفظتهم
الفلسفة : لخصت المقالات بيدي و عليها شديتهم في راسي كنت نكتب الاقوال و القائل بلون مغلير باش يظهرلي و نعاود نقراهم باش يتميموريزاو فب الذاكرة
التاريخ : حفظت التواريخ درت جدول ورتبتهم بالسنوات ماشي كيما البرنامج بالمحاور
الجغرافيا : كانت بالنسبة ليا ثقافة عامة كنت نتخيل روحي في هاذيك البلاد و نكتشف واش فيها (ههههههه الخيال تاعي واسع )
الدروس جبتها من النترنيت لاخاطش اللي نقولو اعطيني يقولي ما عنديش نصيحة ما تسلفس من عند حتى واحد كاين خير ربي من المعلومات في المواقع و اذا حبيتي الدروس نحطلك مازالو عندي
ربي يوفقك

كراميلا · 2012-12-28, 10:59

اقتباس:

المشاركة الأصلية كتبت بواسطة amiramirna

السلام عليكم
حتا انا راني نقرا و كانو اختبارات الدراسة تاعي الاسبوع الموالي للباكالوريا (اي الاسبوع الاول من جوان باك و الاسبوع الثاني اختبارات )
لقيت البرنامج تبدل انا كنت نظام قديم 2003
الرياضيات : طلبت الدروس من عند اللي قراوه العام الفائت و عاودو و شفت استاذة الرياضيات في المعهد فهمتني بازيت عالدالات و المتتاليات (برنامج القديم ) القسمة ما فهمت فيها والو ههههههههه بصح في الباك خربشت عطاوني 2 عل القسمة الاقليدية و المادة ديت فيها 12/20 (مليحة لالا ؟)
اما العربية هي اللي ما نفهمهاش واعرة راجعت الاعراب كامل و المدارس و بعض من هاذوك المحسنات (الطباق و الجناس .....الخ)
اللغات : الفرنسي الحمد الله 16 نفهم مليح مليح
الانجليزية كيفكيف الله براك
بصح الالمانية : تودرت ما صبتهاش هههههههه راجعت القواعد قبل العتبة ما تبان و قريت نصوص ترجمتها بقوقل و شديت بعض الكلمات في راسي
ملاحظة التعبير الكتابي بعد العتبة شفت المحاور و كتبت بفضل قوقل تعابير و حفظتهم
الفلسفة : لخصت المقالات بيدي و عليها شديتهم في راسي كنت نكتب الاقوال و القائل بلون مغلير باش يظهرلي و نعاود نقراهم باش يتميموريزاو فب الذاكرة
التاريخ : حفظت التواريخ درت جدول ورتبتهم بالسنوات ماشي كيما البرنامج بالمحاور
الجغرافيا : كانت بالنسبة ليا ثقافة عامة كنت نتخيل روحي في هاذيك البلاد و نكتشف واش فيها (ههههههه الخيال تاعي واسع )
الدروس جبتها من النترنيت لاخاطش اللي نقولو اعطيني يقولي ما عنديش نصيحة ما تسلفس من عند حتى واحد كاين خير ربي من المعلومات في المواقع و اذا حبيتي الدروس نحطلك مازالو عندي
ربي يوفقك

الف شكر ليك حبيبتي ربي يعطيك ماتتمناي استفدت منك يااااااسر وخصوصا فى الجغرافيا ههههههههه

وانشاء الله لكان عندك حاجة جديدة ماتبخليش علي اختك راني نعاني هههههه
ربي يخليك حنونة

amiramirna · 2012-12-28, 11:48

بلا جميل
انشاء الله الفرحة تتم بالنجاح
امين

mimi batna · 2012-12-29, 22:02

slt moi c la 2 eme fois je passe mon bac ..l'année derniere j'ai pas eu mon bac a cause de strass et tout ça de tout les façon moi je suis la si vous voulé quelle que chose
passé des bonne moment ici et bonne chanse

كراميلا · 2012-12-31, 11:12

اقتباس:

المشاركة الأصلية كتبت بواسطة mimi batna

slt moi c la 2 eme fois je passe mon bac ..l'année derniere j'ai pas eu mon bac a cause de strass et tout ça de tout les façon moi je suis la si vous voulé quelle que chose
passé des bonne moment ici et bonne chanse

الف شكر ليك حبيبتي ربي يخلييييك وانشاء الله ربي يوفقك حنونة

sarrah27 · 2013-01-08, 10:25

bonjour à tous
J'ai eu mon bac en 2012 c'est à dire l'année passé avec une moyenne de 12.54 j'étais plutôt bonne en français,anglais et espagnol et si vous avez besoin de quoi que se soit demandez le moi je suis prête à vous aider

dz2727 · 2013-01-08, 19:31

اقتباس:

المشاركة الأصلية كتبت بواسطة sarrah27

bonjour à tous
J'ai eu mon bac en 2012 c'est à dire l'année passé avec une moyenne de 12.54 j'étais plutôt bonne en français,anglais et espagnol et si vous avez besoin de quoi que se soit demandez le moi je suis prête à vous aider

Salem sarah moi je suis candidat libre mais le problème que j'étais scientifique et cette année je refais mon bac les langues et j'aime bien apprendre comment faire un compte rendu en français et anglais et merci