راني حاير فالمشكل نتاعي ارجو الاجابة

samilia · 2013-01-08, 15:13

السلام عليكم
خاوتي انا كنت داير سورسي بسبب دراسي و العالم لي فات 2012 روحت نجدد السورسي حاكموه عندهم و اعطاوني استدعاء نهار 31 جويلية 2012 و كي روحت فهاد النهار زادو اعطاوني استدعاى حتى 30 اكتوبر 2012 و من بعد صرالي مشكل فالجامعة ماحبوش يسجلولي بداعي ان البكالوريا نتاعي قديمة كي زدت رجعت ف 30 اكتوبر قالولي انت ماعندكش الحق فالسورس علا ش راك فت 27 سنة و للعلم بطاقة السورسي عندهم قالولي جيب الديبلوم و ارواح و انا حصلت كيفاه ندير مانيش مسجل فلقرايا و ماعندبش ديبلوم و ماعنديش سورسي راني راح نهبل لقيت بزاف خدمات لكن ماكانش السورسي

samilia · 2013-01-08, 15:15

يا خاوتي لي عندو معلومة ارجو انو يفيدني بيها و بارك الله فيكم

ندرومة49 · 2013-01-10, 13:39

اخي بخصوص مافوق 27 سنة راهم كامل يديرولهم هكدا علاه الله أعلم
أنا فتت 27 سنة وأعطيتهم شهادة مدرسية وما عطاوليش سورسي كل مرة يعطولي تاريخ ووراني نقرا باه ديري في بالك وماسلكتش منهم
في 31 جانفي نزيد نروح ليهم وعلابالي مهبليني
راني أكثر منك
وما صبرنا إلا بالله

وربي يفكك من هذه الردمة الوطنية

samilia · 2013-01-11, 22:40

ربي يفرج علينا ان شاء الله
و الله ميزيرية

abdeldjalil147 · 2013-01-11, 23:45

ان شاء الله

mahmoud yacine · 2013-01-13, 21:42

هل صحيح لا يقبل منك ملف الكفالة حتى تكمل عامين ماستر و وتكمل الشهادة الماستر حتى يقبل منك ملف الكفالة .......... ؟؟؟؟

وماهي اخبار 27 سنة ومافوق مايعطوهمش السورسي ؟؟؟؟؟؟؟؟؟؟؟

yacine-08 · 2013-01-14, 01:26

من المفروض راك تقرى يعطوك سورسي حتى الى ديسمبر 2013

توقفت عن الدراسة يعطوك سورسي حتى الى دفعة مارس 2013 لكي تجوز الخدمة الوطنية

فوق 27 سنة لم اسمع بها نتمنى من الاخوة التوضيح في هدا الامر الجديد

h4ni · 2013-01-14, 06:51

اقتباس:

المشاركة الأصلية كتبت بواسطة mahmoud yacine

هل صحيح لا يقبل منك ملف الكفالة حتى تكمل عامين ماستر و وتكمل الشهادة الماستر حتى يقبل منك ملف الكفالة .......... ؟؟؟؟

وماهي اخبار 27 سنة ومافوق مايعطوهمش السورسي ؟؟؟؟؟؟؟؟؟؟؟

السلام
طبعا باش تدفع الكفالة لازم تكون انهيت جميع الدراسات و راك تخدم
بالنسبة لاصحاب 27 سنة و ما فوق, تحصل عادي على السورسي ان شاء الله