الى كل استاداتي الغاليات اميرة 79 ندية الجوري كرونو .....

المسلمة21 · 2013-01-08, 16:48

اولا حبيت نتقدم بالشكر الجزيل لاستادتي اميرة 79 عالبال الواسع و اللي بفضلها تقدمت اكثر في هاد الفن الاكثر من رائع حابة نشكر كدلك الاستادة ندية الجوري اللي ما بخلتش عليا و حققتلي امنيتي في ورشة القبعة و الشال الرجالي و علمتني اجمل غرزة باش عملت بيها قبعة لاغلى انسان عندي بهاد الدنيا لكن هاد الغرزة عملت بيها قبعة اخرى و اللي عجبتني بزاف لكن ماكانش عندي باترونها و انا بحياتي ما جربت حاجة وحدي و خاصة بدون باترون لكن بفضل تشجيعات الاستادة كرونو اللي صراحة شجعتني صممت اولا الباترون الاولي و البداية كيما بديناها مع ندية و من بعد كملت وحدي و قاعدة ندعي انشاء الله تخرجلي و الحمد لله هاهي الثمرة اللي طلعت بيها انتظر انتقاداتكم علابالي هدرت بزاف اسمحولي لكن بالفعل نعم الناس اللي تعرفت بيهم هم انتم و ما علاباليش علاه المنتدى ما يتفتحش معايا لكن ما قعدتش هاكداك عملت 4 الوان من الفولارة اللي علمتهالنا اميرة 79 و هادو برك زربت صورتهم قبل ما يدوهملي و انا قعدت بلا والو ههههههههه تقبلو تحياتي و دعواتي لكن ربي يفرج على كل مؤمن بادن الواحد الاحد
نسيت نحطلكم صورة القبعة الاصلية هاهي

زهرة الهضاب 19 · 2013-01-08, 16:57

أختي مسملمة يعيطيك الصحة تشفاي كي كنت انا وياك برد ندورو في ورشة الصدر الأول لي طلبتيه ههههههههه و كنت اول وحدة طبق ماشاء الله

ربي يعاونك و بانتظار ابداعاتك ان شاء الله

أم أصيل · 2013-01-08, 17:21

يعطيك الصحة و بارك الله فيك آمين يا رب العالمين

amira19 · 2013-01-08, 18:20

بالصحة و لهنا يا مسلمه و ربي يجازيهم الاستاذات

المسلمة21 · 2013-01-08, 18:24

شكرا اختي زهرة و يا ام اصيل عالردود ايييييييييييييييييه نشفى نشفى و الله ما ننسى كيفاه علمتوني ما تتصوريش شحال راني فرحانة كي خدمت حاجة و المبهر انو بلا باترون هههههههههههههههههههههه راني نشكر في روحي

amira79 · 2013-01-08, 18:29

صحيتي يا الفحلة ارادتك فاقت خبرتي و صبري عليكي واصلي و ما تفقديش حماسك وبصحتك واش خدمتي ............ ابعثيلي الفولارة الصفرا ههههههههه

aminetiti119 · 2013-01-08, 18:54

الله يبارك خرجلك روعة
الارادة تصنع المعجزات

kakpop · 2013-01-08, 21:02

يعطيك صحة واصلي اعمالك هايلة

kakpop · 2013-01-08, 21:19

يعيك صحة اعمالك هايلة واصلي

zahra30 · 2013-01-08, 21:20

ما شاء الله .... اعمالك هايلة .... يعطييك الصحة .... القبعة عجبتني بزاف ياريت الطريقة اذا امكن ....

المسلمة21 · 2013-01-08, 23:36

اميرو شكرا عالرد عزيزتي ما نسيتكش حتى انتي عاونتينا بزاف بالورشات اللي قدمتيها و راني ما نسيتش الصوكات راني خدمت متلهم مع بعض التعديل في التزيين شوفي و اعطيني رايك

المسلمة21 · 2013-01-08, 23:36

شكرا جميعا لتشجيعاتكن بارك الله فيكن

المسلمة21 · 2013-01-08, 23:38

اقتباس:

المشاركة الأصلية كتبت بواسطة amira79

صحيتي يا الفحلة ارادتك فاقت خبرتي و صبري عليكي واصلي و ما تفقديش حماسك وبصحتك واش خدمتي ............ ابعثيلي الفولارة الصفرا ههههههههه

ماشي خسارة فيك تستاهلي ما كتر

crono · 2013-01-08, 23:47

والله اعمالك هايلة مشاء الله
ونا كنت نستنا فيك وش درتي فيها مبنتيش حت أنا مكاش يتفتحلي المنتدى
يعيطيك الصحة يك قتلك رايحة جيبها
بانتظار ابداعاتك ان شاء الله

المسلمة21 · 2013-01-09, 00:04

اقتباس:

المشاركة الأصلية كتبت بواسطة crono

والله اعمالك هايلة مشاء الله

ونا كنت نستنا فيك وش درتي فيها مبنتيش حت أنا مكاش يتفتحلي المنتدى
يعيطيك الصحة يك قتلك رايحة جيبها
بانتظار ابداعاتك ان شاء الله

و الله غير كلامك اللي يشجعني نرفد و نعاود نحط نقول اواه ما يخرجليش بصح سطر موراه سطر و انا غير ندعيلك تقوشي كنتي تجي و تقوليلي كملي ما تحبسيش
بارك الله فيك