تجربتي مع البطاطا المقلية بالماء

ام البنتين · 2013-03-01, 20:32

سبق لي و ان قريت على هذا الطريقة في المنتدى و قريت عن تجربة واحد الاخت قالت قريب ما دارت كارثة في الكوزينة و قريت تعليقات بعض لي مالفين يستخدموها حسبت روحي فحلة و قلت وعلاه ما نجربش جربت كمية صغيرة في المقلة واش نقولكم بدات المرفقعات و الزيت تتطاير زربت لوحت كمية تاع البطاطا و بعد ت بنص متر يا خي شوي هاك او سكتت و تقلات هذيك حبة البطاطا.من بعد لوحت كمية من ازيت لاباس بها و نفس الكمية من الماء بارد ين الاثنين فيla friteuses .غير بدات تسخن بداو les bombes اجميع من كان في المطبخ هربو و بقيت انا بصعوبة باش اقدرت نطفيها لانه حتى باب la friteuse تفتح و تتطاير الزيت في كامل المطبخ محدثا انفجار طفيف اما انا الخلعة حكمتني .كارثة كارثة ما ننصحكمش تستعملواها خطيرة جدا .اما عن لي مجربينها اكيد يعرفولها .اما الي جامي جربت اخواتي حذاري خاصة في وجود اطفال
بئس الاقتصاد.

ام ملاك. · 2013-03-01, 20:56

ربي سترك
هههههههههههههههه
كي قريتي علاش عاودتيها الاكثرية مانجحتلهمش واحدة قريب تحرقت هي وولادها ولاخرة قاتلك راجلها حسبتلو دخلو بالرصاص عليهم نورمالمون ماتجربيهاش بالتمسخير باين الما والزيت مايتلاقاوش
الحمدلله ربي سترك ماشي كلشي يتصدق في المنتديات لازم نخدمو شوية عقولنا
انا ثاني قريب جربتها مي كي قريت خفت لافيريتي

سمراء الدنيا · 2013-03-01, 23:10

مسلسل البطاطا طوال
الحمد لله على سلامتك اختي انا درتها و نجحتلي بصح ما نعاودهاش

أم محمد تاج · 2013-03-02, 11:56

الحمد لله على سلامتك حتى أنا ماصلحتليييييش خلاص ورجعت طمينة في المقلة هههههههه واش نقولك بصح ماعاتش حاجة باينة باينة الماء والزيت مايتلاقاوش المهم سلامات حبيبتي

أم شيماءْ · 2013-03-02, 12:26

الحمد لله على سلامتك ولله فكرة حد خطيرة حذاري حذاري

om anous · 2013-03-03, 20:29

الحمد لله على سلامتك ان شاء الله تكوني اقتنعتي بللي تجربة خطيرة وما تزيديش تغامري
ربي سترك

ام البنتين · 2013-03-04, 10:02

اقتباس:

المشاركة الأصلية كتبت بواسطة om anous

الحمد لله على سلامتك ان شاء الله تكوني اقتنعتي بللي تجربة خطيرة وما تزيديش تغامري
ربي سترك

شكرا .نعاودها؟ جامي دو لا في .....................

ساندي 28 · 2013-03-04, 10:43

يا اختي نقلو بالزيت ولا خطر هادي التجربة انا عن نفسي مستحيل نديرها ونعرض عائلتي للخطر وتاني ماهيش وصفة حلوى اوطبق الي نجربوه ياصلح يا طرح هدا راهو خطر كبير .وحنا بطبعنا نخافو من اي شيء له علاقة بالغاز والزيت المهم حمد لله على سلامتكم ومتزيديش تديريها لانوكاين اخوات جربوها وكانت كارثة يا لطيف

وصال7 · 2013-03-04, 12:00

انا منعندى الماء لسلق البطاطا والزيت للقلى

ام عبودة · 2013-03-04, 12:21

الحمد لله على سلامتك

خربشة ناعمة · 2013-03-04, 12:41

الحمد لله على سلامتك
هادي الطريقة انتاع البطاطا مقلية في الماء والزيت
ما هيش طريقة يعتمدها الواحد
المراة اللي تعرف كيفاش تسير الميزانية انتاعها حاجة مليحا
بصح ماوصلناش لهادي الدرجة نقليو البطاطا في الماء هادي الطريقة ماداروهاش
الاهل انتاعنا كي كانوا في وقت الميزيرية في وقت فرنسا
نروحوا نديروها احنا زعما
الطريقة هادي راهي تجيب الفقر للدار شفت الناس يقتصدوا بصح ماشي للدرجة هادي
حتى يعرضوا انفسهم للخطر
و الزيت راه متوفر وو نقدروا نشروه ادا ماشي بالبيدون انتاع خمسة لتر
راه كاين انتاع واحد لتر
و الماء والزيت كيميائيا ما يتلاقاوش
الحمد لله على سلامتك
وما تعاوديهاش