ساعدوني ادخلوا يمكن الحل عندكم

[مشكلتي]

انصحوني انا فتاة تقدم لي شاب صاحب خلق ودين شائع عليه اخلاقو الحسنة وتربيتو المليحة وماكانش اللي يجيب سيرتو بالعاطل خلاص
مي بصح اكتشفت باللي راه يدخن وقالو باللي يتكيف واحد فالنهار هاد الشي مخوفني وقلقني بزاف وما نيش مقتنعة باليي قبلت بواحد مدخن
هل اذا فسخت نكون ظلمتو ، كاين بزاف ناس يقولو بالي هادي ماشي سبة تبطلي عليها راني حايرة وخايفة من بعد ضميري يانبني ونندم في كلتا الحالتين واش رايكم انتوما

[هدى الجيجلية]

والله هذا ما شي
مشكل
بصراحة
انا عندي أخواني
بيدخنو
يعني ما يتزوجو ما يخطبو
والله كاين ناس
إتزوجو بيهم وهم يتاعطاو المخدرات
أنت احمدي ربي
غير السجائر

[بتول8]

اكيد هي معصية كبيرة و مهلكات
لازم يقتلع ع نالتدخين و الا فستتضررران في المستقبل فالدخان سلاح دمار شامل للعائلة

[mitrochka]

استخيري الله كثيرا
و حاولي كل الطرق لجعله يقلع عن التدخين
و سيجعل الله تعالى فرجا إن شاء الله

[بلسم غرام2018]

حاولي اقناعه بالاقلاع
واستخيري الله

[منهاج]

السلام عليكم

كل الشباب الجزائري يدخن انا لا ابرر تدخينه لكن التدخين اقل ضررا من شيء اخر

[soheib+206]

ماهوش مشكل بالاك كي يتزوج يبطلو

ولا العكس يولي مدمن هههههه

ادا ما قدرتيش تحبسيهولو

أشرطيلو بلي يقلع عن التدخين باش تتزوجي بيه

و الله يوفقكم لما يحب و يرضاه

[abdel02]

التدخين معصية ومستحيل تلقاي إنسان خال من المعاصي
بقات عليك أنت اللي لابد تقنعيه بالإقلاع عنه.

[دموع24]

ممكن تكوني انت السبب لكي يقلع عن التدخين
لا تنسي الاستخارة
بالتوفيق

[jomana jiham]

هاذي ماشي سبة باه تبطلي صحيح التدخين عنده بزاف اضرار بصح كي غادي ترفضيه يزيد يدخن اكثر و اكثر ههههههههههه
صعيبة باه يحبسه لازم انتي تعاونيه.
و استخيري قبل كل شيء.

[مواطنة]

السلام عليكم اختي تبعي قيمك و لا تنظري الى من هم افضع منه و التدخين مضر القليل منه او الكثير من جهة نظري حاولي سؤاله اولا اذا كان ناويالاقلاع عن التدخين بعدها تقررين اقناعه بالتخلي عن السجارة باعطاءه مطويات و غيرها و انك تخافين عليه ان يهلك بسبب التدخين واذا كنت لا تتكلمين معه اوصلي له كلامك و استخيري الله. صحيح الكثير يدخنون و الكثير يشربون الخمر لكن من يخاف الله يترك المعاصي

[karimeleulmi]

السلام عليمكم الكمال لله عز وجل اذا كان اهل دين وثقة فهل انت فيك المواصفات التي ستقلعه على الدين لان هناك مثل يقول الخير مرا والشر مرا انت هي من يقلعه عن التدخين واضنه ليس بسبب استخيري الله ولا للعباد

[gana djamel]

لا شك ان التدخين معصية وهو محرم في ديننا الحنيف ولا يجب استصغار الذنب كما اقرأ بعض النعليقات انه ليس هذا سببا في رفض المدخن لكن صغيرة الذنب تتطور الى الكباشر فاليوم يدخن سيجارة واحدة وغذا سيجارتين رويدا رويدا يصبح مدمن عليه ولا يفارقة ابدا ثم تكبر المسألة الى تعاطي المخدرات والحشيش والعياذ بالله ومن منطلق الحديث من رأى منكم منكرا فليغيره انطلقي اولا في توجيه له النصح بالكف عن هذه العادة المذمومة وجددي له النصح كل مرة فإن استخلصت انه لا يتخلى على ما هو فيه فهناك قاعدة أصولية تقول ( الدفع أولى من الرفع ) التخلي عنه يكون افضل من الزواج به في هذه الحالة والله يعوضك احسن منه

[sarl02]

مالا حنا اروحو نجرو على رواحنا من ذرك وانجيبوها من كاش بلاد اخرى ولا كيفاه .....والي قالك يتكيف قارو فالنهار مكاش منها المينيموم قاع ..5 ..6 اديها من عندي رسمي ..مكاش واحد فومار ادير قار وفالنهار برك....هاكا باه اتبطلي منو ديراكت.

[ل..ب..ن..ى]

السلام عليكم

ما تفسخيش
قوليلوا ,,, فوالا يا ولد الناس
انا مانيش باغية نعيش مع واحد يدخّـــن

(( وانا اختي ,,,, مانقبلش بواحد مدخّن بكل صراحة وهذا حقّك ))

ينجم يقطع الدخان
والّا ماراكي لا غالطة لا والو

وماتخليهاش في قلبك
حتى تطفر

رانا في ال2013 ,,,,, هاديك بكري الشعب كان يحشم ويخبي
قوليله ديراكت
انا ها كيفاش راك قابل بيا ولا لا ؟؟؟
هو يقولك انا ها كيفاش وشوفي اذا يساعدك

اذا قدرتو تتنازلوا شوية شوية
يا مرحبا
اذا ماقدرتوش
انها ليست نهاية العالم





ربي يسخّر ان شاء الله

مي نوصيك ماتخليهاش عندك
وبالاك كامل ماكاش منها غير اشاعة

وان شاء الله اللي فيها الخير ربي يجيبها


سلااااااام