استشارة عاجلة....أريد آراءكم

*نآدرة~ · 2013-01-25, 15:23

السلام عليكم ورحمة الله تعالى وبركاته
أتمنى ان تكونوا بخير جميعا
قد لا تكون مشكلتي كبيرة جدا لكن ارتأيت ان آخذ آراءكم
العام الماضي كان أول عام لي في العمل،مرة من المرات التقيت صدفة في ندوة من الندوات بمعلمة مثلي،تبادلنا أطراف الحديث وفي النهاية تبادلنا أرقام الهاتف،التقيتها مرة أخرى كذلك تحدثنا حديثا عاديا،بعد مدة وفي عطلة الصيف بالتحديد اتصلت بي،وأخبرتني ناها بأمس الحاجة الى مبلغ مالي،ولأنني أحب مساعدة الناس فقدأعطيتها مبلغا معينا،رغم معارضة والدي وعمي اللذان نصحاني بأن لا أفعل،كل مرة يسألني عمي ان كانت قد ارجعته لي أم لا فأجيب بأنها لم تفعل فيقول لي قلتها لك يوما
المهم انا في هذه الايام بأمس الحاجة للمال،اتصلت بها اليوم واخبرتها بان ترجع المبلغ لي،فاجابت بأنها لم تكمل بعد شراء لوازم عرسها وأنها كانت تنوي أن ترجعه لي بعد زواجها،فهل أنا على خطا حين طلبت منها أن ترجع لي مالي؟؟ماذا لو كنتم مكاني هل ستصبرون كل هذه المدة عليها علما انني أعرتها المبلغ منذ جويلة العام الماضي؟؟
وشكرا لكم

~~knives55~~ · 2013-01-25, 15:37

المال يعمي قلوب خليها على ربي أذ رجعتهم وحدها الله ما سهل واذ هي هربت بهم راه دين على رقبتها الى يوم الدين

خلاص انسيا وكئت شيئ لم يكن

دبري دراهم من مكان اخر

soso sirin · 2013-01-25, 15:49

الغلطة انتي درتيها علاه اصلا تسلفيلها الدراهم كيفاش تعرفيها معرفة سطحية برك تسلفيلها و هي نوغمالمو كي قلتيلها محتاجتهم ترجعهملك عندها ظروف راهي جهز هذا ماشي شغلك راه شغلها هذا ماشي مرض نقولو الله غالب عليها كيفاش لازم تشري كلش و حوايج تافهين و تخلي الدين في رقبتها هذا دنيا ممكن ربي يدي امانتو كي يصرالها هي و زاد راكي طلبتيهم منها .المرة هاذي راهي صرات المرة الجاية سلفي للناس الي تعرفيهم نيشان الدراهم راهم يديرو مشاكل كبار بين الناس و ماشي كامل الناس يقدرو واش هو الدين.من جويلية نوغمالمو كون راحت سلفتهم و ردتهملك .ربي خير مي ايفيتي السلف الا للناس الي ثقة برك

*نآدرة~ · 2013-01-25, 16:05

اقتباس:

المشاركة الأصلية كتبت بواسطة knives55

المال يعمي قلوب خليها على ربي أذ رجعتهم وحدها الله ما سهل واذ هي هربت بهم راه دين على رقبتها الى يوم الدين

خلاص انسيا وكئت شيئ لم يكن

دبري دراهم من مكان اخر

ايه والله صح المال عاد يعمي لقلوب ربي وكيل كل واحد،حتى انا قلتلهم هذيك المرة أنا ندير الخير واذا خرجت ناس ملاح ورجعتها اللهم بارك واذا مارجعتليش ربي وكيلها
ان شاء الله خويا ربي يخليك صحيت كي مديت لي رايك
شكرا جزيلا

*نآدرة~ · 2013-01-25, 16:10

اقتباس:

المشاركة الأصلية كتبت بواسطة soso sirin

الغلطة انتي درتيها علاه اصلا تسلفيلها الدراهم كيفاش تعرفيها معرفة سطحية برك تسلفيلها و هي نوغمالمو كي قلتيلها محتاجتهم ترجعهملك عندها ظروف راهي جهز هذا ماشي شغلك راه شغلها هذا ماشي مرض نقولو الله غالب عليها كيفاش لازم تشري كلش و حوايج تافهين و تخلي الدين في رقبتها هذا دنيا ممكن ربي يدي امانتو كي يصرالها هي و زاد راكي طلبتيهم منها .المرة هاذي راهي صرات المرة الجاية سلفي للناس الي تعرفيهم نيشان الدراهم راهم يديرو مشاكل كبار بين الناس و ماشي كامل الناس يقدرو واش هو الدين.من جويلية نوغمالمو كون راحت سلفتهم و ردتهملك .ربي خير مي ايفيتي السلف الا للناس الي ثقة برك

ايه ياسيرين اختي مش غير انت لي لمتيني كامل صحاباتي قالولي هاذ الهدرة قالولي ماراناش نحكو على 100 ألف ولا 200 بالصح واش تحبي الانسان المليح في هاذ الدنيا راهم يستغلوه ويحسبوه جايح،انا المهم درتها لوجه ربي،تاع الصح هدرتك هذا ماهوش مرض وعلى حساب واش فهمت كي هدرت معاها اليوم انها مازال ما توجد حوايجها وأنا قلت كي تتزوج محال تتفكرني راجلها يقولها واش خبار هذي لي مسلفتلك
والله غير قارعتلها بزاف قلت تفهم روحها بالصح هي للأسف ما فهمتش أيا قلت نهدر معاها
ان شاء الله مايكون غير الخير وصحيتي حبية ربي ينور عليك والله يجازيك على كل حرف كتبتيه هنا
ربي يحفظك ويخليك لوالديك

هدى الجيجلية · 2013-01-25, 18:25

السلام عليكم
اختي
من حقك تطالبي
بمالك
لا فيه غحراج ولا شيء

nibrasse76 · 2013-01-25, 19:21

باي باي .....ههه الله يعوضك خير منهم ...هاذي على الاقل من الاول ظهرت على حقيقتها ....الحذر ثم الحذر من صنف اخر من البشر ...يتسلف من عندك نقود ثم يرجعها في الوقت المتفق عليه ...ومرة ثانية وثالثة ...وتكون المبالغ بسيطة نوعا ما ....ولما تحطي فيه الثقة التامة وفي اخلاصه .....يأخذ منك مبلغ كبير جدا ...وحينها يا من عاش ...باي باي ...؟؟ يعني ينومك ويولفك ...وفي اللحظة المناسبة ..............يضرب ضربة صحيحة ويجري

nibrasse76 · 2013-01-25, 19:23

]باي باي .....ههه الله يعوضك خير منهم ...هاذي على الاقل من الاول ظهرت على حقيقتها ....الحذر ثم الحذر من صنف اخر من البشر ...يتسلف من عندك نقود ثم يرجعها في الوقت المتفق عليه ...ومرة ثانية وثالثة ...وتكون المبالغ بسيطة نوعا ما ....ولما تحطي فيه الثقة التامة وفي اخلاصه .....يأخذ منك مبلغ كبير جدا ...وحينها يا من عاش ...باي باي ...؟؟ يعني ينومك ويولفك ...وفي اللحظة المناسبة ..............يضرب ضربة صحيحة ويجري [

madoucha · 2013-01-25, 19:42

احسني الظن بها انا سلفت لصحبتي و طولت بزاف وانا كل مرة نسيء الظن بها و نقول في ظهرها راهي كلاتني في دراهمي ربي يغفر لي
ثم سمحت فيهم حتى اتصلت بيا و قالت لي اعطيني حسابك البريدي نرجع دراهمك ثما حسيت بالذنب
اختي اذا مبلغ كبير اطلبي منها مافيش حرج واذا مبلغ صغير اسمحي و العوض على ربي

madoucha · 2013-01-25, 19:44

احسني الظن بها انا سلفت لصحبتي و طولت بزاف وانا كل مرة نسيء الظن بها و نقول في ظهرها راهي كلاتني في دراهمي ربي يغفر لي
ثم سمحت فيهم حتى اتصلت بيا و قالت لي اعطيني حسابك البريدي نرجع دراهمك ثما حسيت بالذنب
اختي اذا مبلغ كبير اطلبي منها مافيش حرج واذا مبلغ صغير اسمحي و العوض على ربي

تحياتي

سعاذ · 2013-01-25, 20:32

السلام عليكم

انت ماغلطتي كي سفتيلها و ماغلطتي كي طالبتيها بيهم خاطر انت مشيتي بنيتك و عندك حق تطلبي منها ترجعلك دراهمك و حتى لا مرجعتهمش متندمين خاطر هذا رايح يكون درس ليك في المستقبل و تاكدي بلي كل واحد فينا يتعلم من تجاربوا هو اكثر من تجارب غيرو
ربي يعوض عليك ان شاء الله
دمتم في رعاية الله و حفظه

BAROUD · 2013-01-25, 20:40

العوض من الله

!!!

*نآدرة~ · 2013-01-26, 12:00

اقتباس:

المشاركة الأصلية كتبت بواسطة هدى الجيجلية

السلام عليكم
اختي
من حقك تطالبي
بمالك
لا فيه غحراج ولا شيء

وعليكم السلام ورحمة الله تعالى وبركاته
الحمد لله اني ما غلطتش كي طالبتها بيه
يعطيك الصحة اختي هدى

اقتباس:

المشاركة الأصلية كتبت بواسطة nibrasse76

باي باي .....ههه الله يعوضك خير منهم ...هاذي على الاقل من الاول ظهرت على حقيقتها ....الحذر ثم الحذر من صنف اخر من البشر ...يتسلف من عندك نقود ثم يرجعها في الوقت المتفق عليه ...ومرة ثانية وثالثة ...وتكون المبالغ بسيطة نوعا ما ....ولما تحطي فيه الثقة التامة وفي اخلاصه .....يأخذ منك مبلغ كبير جدا ...وحينها يا من عاش ...باي باي ...؟؟ يعني ينومك ويولفك ...وفي اللحظة المناسبة ..............يضرب ضربة صحيحة ويجري

الدنيا عادت تخوف وفيها اصناف صح تشك في انسانيتهم
بالصح هذي عاودت قاتلي بلي ترجعهملي هاذ الاسبوع ما نعرف اذا مارجعتش في هدرتها
ان شاء الله مايكون غير الخير وربي يعطيك الصحة خويا على التحذير والنصائح
شكرا لك

اقتباس:

المشاركة الأصلية كتبت بواسطة madoucha

احسني الظن بها انا سلفت لصحبتي و طولت بزاف وانا كل مرة نسيء الظن بها و نقول في ظهرها راهي كلاتني في دراهمي ربي يغفر لي
ثم سمحت فيهم حتى اتصلت بيا و قالت لي اعطيني حسابك البريدي نرجع دراهمك ثما حسيت بالذنب
اختي اذا مبلغ كبير اطلبي منها مافيش حرج واذا مبلغ صغير اسمحي و العوض على ربي

يا اختي لعزيزة انا عمري ما سات الظن بيها بالعكس تماما،وحدة قاع ما نعرفهاش ونهار طلبتي مني نسلفها دراهم سلفتلها كاش كي حسن ظن كيما هذا،أنا نعرف روحي بلي مانيش سراقة ومانخرجش على الطريق نحسب الناس كامل كيفي،بالصح للاسف مجتمعنا ما يرحمش ولازم مع كل حسن ظن شوية سوء ظن هكذا باش ما يكونش الانسان ساذج ونية بزاف،كاين تفاصيل ماسردتهمش مثلا هي قاتلي نهار عولت نسلفلها اني نبعث في الحساب تاع صحبتها ولي نحكيلو يقولي هاذي حبت تلعبهالك فهمتي يااختي
ربي يخليك كي مديتيلي هاذ النصائح وربي يعطيلك ما تتمناي
تحياتي

اقتباس:

المشاركة الأصلية كتبت بواسطة سعاذ

السلام عليكم

انت ماغلطتي كي سفتيلها و ماغلطتي كي طالبتيها بيهم خاطر انت مشيتي بنيتك و عندك حق تطلبي منها ترجعلك دراهمك و حتى لا مرجعتهمش متندمين خاطر هذا رايح يكون درس ليك في المستقبل و تاكدي بلي كل واحد فينا يتعلم من تجاربوا هو اكثر من تجارب غيرو
ربي يعوض عليك ان شاء الله
دمتم في رعاية الله و حفظه

والله غير تقول راكي تفكري في بلاصتي حتى انا كل ما نجي نقنع عمي وبابا نقولهم هاذ الشي،قلتلهم الانسان ما يتعلم غير من تجاربو،وزيد خلوني انا بنفسي نكتشف معادن الناس،وقلتلهم مستعدة اني نخسر كل دراهمي في جال نربح انسان مليح نلقاه في وقت الشدة،ربي يخليك اختي سعاذ والله غير نصيحتك دواء شافي
ربي يعطيك ما تتمناي

اقتباس:

المشاركة الأصلية كتبت بواسطة baroud

العوض من الله

!!!

خوفتني خويا بارود
الله يخيب الخير برك
وشكرا لمرورك

dala3 dalou3a · 2013-01-26, 17:07

انتيا ما راكش غالطة اختي بالعكس و هي ربي يهديها من المفروض قبل ما تحضر لعرسها ترجعلك صواردك ربي يهدي

*نآدرة~ · 2013-01-26, 17:44

اقتباس:

المشاركة الأصلية كتبت بواسطة dala3 dalou3a

انتيا ما راكش غالطة اختي بالعكس و هي ربي يهديها من المفروض قبل ما تحضر لعرسها ترجعلك صواردك ربي يهدي

صحيتي أختي دلع،طمنتيني ربي يطمن بالك
انا ثاني مابغيتش نوقع في هذاك الموقف المحرج لي انا نروح نقولها رجعيلي دراهمي بالصح تحتمت هي مابغاتش تفهم روحها
ربي يخليك والله يهديها ويهدينا اجمعين