pour les algéroises svp

lotus flora · 2013-05-24, 13:32

مساء الخير لكل حباباتي في المنتدى
نسمع بواحد الطبق يديروه ناس العاصمة يقلولو "الشليظة" يجي بالفلفل المشوي والبصل
من فضلكن كيفاش ديروه...........

ام اسماعيل2009 · 2013-05-24, 18:06

انا مانيش من العاصمة بصح طريقة هي نشويه الفلفل الحلو ومقطوع طوليا و رابي الطماطم و نزيدلو زيت الزيتون والا دير يلو vinegre انشاء الله نكون فدت و انشاء الله يزيدو يعاونونه فحلات المنتدى

lina86 · 2013-05-25, 10:49

اقتباس:

المشاركة الأصلية كتبت بواسطة lotus flora

مساء الخير لكل حباباتي في المنتدى
نسمع بواحد الطبق يديروه ناس العاصمة يقلولو "الشليظة" يجي بالفلفل المشوي والبصل
من فضلكن كيفاش ديروه...........

أنا من العاصمة ونديروه بهد الطريقة نحكم سنينات ثوم نسكرفجهم وشوية ملح وزيت والطماطم رابي نخيلهم فوق النار حتى تطيب الطماطم وفي نفس الوقت نكون شويت الفلفل حلو كي تطيب الطماطم نرمي الفلفل المشوي ونخيلها حتى نطيب
للتقديم إذا حبيتي ديريلها من فوق شوية زيت الزيتون
وبصحتك

lotus flora · 2013-05-25, 15:28

شكرا بزاف ام اسماعيل2009 وlina 86 وجزاكن الله خيرا
كاينة طريقة اخرى على حد علمي جي بالبصل والفلفل و الخل كليتها عند ناس من العاصمة

nadjoua12000 · 2013-05-25, 18:16

انا نعرف الشطيطحة

zouzou2013 · 2013-05-25, 21:43

Ana min mostaganem hna tani ndiroha ngololha falfla machwiya kima gatlek lina 86 kifkif

panpouna · 2013-05-31, 13:19

انا نقولك كيفاش تجي كامل يديروها عندنا في بواسماعيل..اشوي الطرشي نقيه وقطعية و تاني قطعي شوية بصل (ماشي طايب) و ديريلو الخل ولا قارص ملح زيت و تقدري تزيدي طماطيش مقطعة..الطرشي برك لي يكون مشوي اما البصل والطماطيش يكونو خضورة..ان شاء الله تكون هادي لي تحوسي عليها

بشرى2008 · 2013-05-31, 13:36

أنا نسكن فى العاشمة مي شليطة نتاع ناس الشرق البرج وسطيف المهم الشليطة
تشوى الفلفل الحلو والبادنجال والطماطم ديريهم في ساشي باش يتقشرو بسرعة
تأخدي كسرونة تقطعي فيه الطماطم وتزيدي الزيت والفلفل والملح وتخليها تطيب على نار هادئة فى هاداك الوقت تقطعي الفلف الحلو والباتنجال قطع صغيرة
تجيبي مقلة تديري فيها شوية زيت ثوم مقطع صغير وملح تحطي الطماطم والفلفل والباتنجال المقطع وتخليه مدة على نار هادئة وتطفي يجي بنييييييييييييييييين كاين اللي يسموه المدربل