بسبب العواشر دعوة للصلح

ام راضية · 2013-06-20, 20:55

تحياتي وان شاء الله تكونو بخير وفي خير
كما تعلمون جميعا نحن في ايام مباركة بمناسبة قرب حلول شهر الرحمة والغفران اللهم اجعلنا من صيامه وقوامه
اميين يارب
لكن ما احزنني ان قسم التطبيقات اصبح ساحة حرب ومواجهات وتحديات وكل وحدة جبدت ارشيفها وبدا العد والتحدي وكان عدوي الحروب في العالم العربي تاثر بها هدا القسم واصبحت المصطلحات الحربية والعسكرية سيدة الموقف وها هي ام نجم تنضم للحرب تاع الهام وام ماجد بتدعيم من توته التي تمول بالاسلحة وامونة العاقلة هاهي تعلن التحاقها بالجبهة ومحبة الكتاب تعلن الحرب العالمية الرابعة وانا خائفة مع رمضان تصبح معارك هنا
لهدا فانا ادعوكم لعقد صلح بسبب الايام المباركة او القبول بهدنة حتي نهاية الشهر الفضيل وبعدها اعلنو الحرب
وستكون ام كوثر امريكا وام رامي روسيا ما رايكم

tokio hotel · 2013-06-20, 21:06

اختى ام راضية ياريت كل الحروب مثل الحرب القايمة فى المنتدى والله دارولنا لومبيونس فى المنتدى و كدلك استفدنا بزاف من تطبيقات الاخوات المشاركات ربى يجازيهم بكل خير فى هاد العواشر و ريت تنضمى انت تانى انا مرة على مرة نشارك على قد حالى و رغم التحديات القائمة المحبة موجودة بين المشاركات راهم غير يتمسخرو و خلاص انا من عندى ربى يدومها حرب حتى تعم الفائدة اكثر واكثر و كل شى فى ميزان حسناتهم قولى امين ام رامى روسيا تتبلع اما ام كوثر امريكا يالطيف ..........

ام راضية · 2013-06-20, 21:13

راني امزح واعرف ان الاخوات تاثرن لا ايراديا بما يحدث في العالم العربي
واكبر دليل دخول امونة للجبهة وام ياسين وام نجم اما الهام فهي السباقة في اعلان الحرب ربي يستر
لكن ياريت نجد لهدا التحدي مصطلح اخر

ساندي 28 · 2013-06-20, 21:16

والله فشلتيني يا اختى احنا هدي مسايقه او منافسه شريفه وانا حمستي اكتر في التطبيقات كنت قبل كل مرة ناجل في التطبيق لكن هدي المرة حمسوني الهام الامنيات ام ماجد لمسه قلت علاش لا هادا كلو يرجع بالفائده علينا نتعلمو ونستفادو من بعض
والهام كي دارت هدي الحرب كان غرضها تحمسنا اكتر وتنشطنا على تطبيقات جديده ونخلقو جو اخوى اكتر
مستحيل تكون حرب كيما الي تقصديها لاننا ببساطه صديقات واخوات اكتر ونحبو الخير لبعضنا والدليل انو كل واحده طبقت وصفات منافستها
كي قريت العنوان قلت ممكن تقصدي تكون عدوات بين الاهل او الاقارب وهدي فرصه يرجع الشمل الى بعضه
لاادري اختى ممكن يكون راي الاخرين عكس رايي لكن حبيت نقول واش في خاطري وشكرا على الموضوع

touta2010 · 2013-06-20, 21:21

حبوبة حابة تعملي هدنة عععععععع نحبك ونحترم قرارك المفاجئ بصصصصصصح نحب تشعل بينهم ونفرج ونستشفى مممممم نتعطش للكرمات وقرقشة المكسرات وذوق الشكولا مممممممم نحب نوصلهم لافلاس الميزانية هههههههههه

leila-alger55 · 2013-06-20, 21:24

antom harbou w ahna mobtadiine nastfadou

ام راضية · 2013-06-20, 21:26

اقتباس:

المشاركة الأصلية كتبت بواسطة omnadjem.10

والله فشلتيني يا اختى احنا هدي مسايقه او منافسه شريفه وانا حمستي اكتر في التطبيقات كنت قبل كل مرة ناجل في التطبيق لكن هدي المرة حمسوني الهام الامنيات ام ماجد لمسه قلت علاش لا هادا كلو يرجع بالفائده علينا نتعلمو ونستفادو من بعض
والهام كي دارت هدي الحرب كان غرضها تحمسنا اكتر وتنشطنا على تطبيقات جديده ونخلقو جو اخوى اكتر
مستحيل تكون حرب كيما الي تقصديها لاننا ببساطه صديقات واخوات اكتر ونحبو الخير لبعضنا والدليل انو كل واحده طبقت وصفات منافستها
كي قريت العنوان قلت ممكن تقصدي تكون عدوات بين الاهل او الاقارب وهدي فرصه يرجع الشمل الى بعضه
لاادري اختى ممكن يكون راي الاخرين عكس رايي لكن حبيت نقول واش في خاطري وشكرا على الموضوع

لا حبيبتي ام نجم ادا كان موضوعي سيفشلك ساحدفة والي الحرب
راني نمزح بالعكس كي كانت الحرب بين الهام وام ماجد كنت متابعة وضحكت كثيرا خاصة لتدخلات توتة وصبها الزيت علي النار
لكن انا من كثر ما اتابع السياسة واخبارها وجعني قلبي من المصطلحات الحربية اللي وليتو شاطرين فيها وخائفة عليكم
الي الحرب ام نجم لا رجوع ولا استسلام راني شجعتك روحي للجبهة الان

ام راضية · 2013-06-20, 21:31

اقتباس:

المشاركة الأصلية كتبت بواسطة touta2010

حبوبة حابة تعملي هدنة عععععععع نحبك ونحترم قرارك المفاجئ بصصصصصصح نحب تشعل بينهم ونفرج ونستشفى مممممم نتعطش للكرمات وقرقشة المكسرات وذوق الشكولا مممممممم نحب نوصلهم لافلاس الميزانية هههههههههه

حرام عليك ياحبيتي يا توتة خلي علي الاقل الاسبوع الاخير وشعليها بطريقتك واسلحتك الفتاكة سيعلنون الافلاس في الاسبوع الاول

staifia · 2013-06-20, 21:48

حتى انا تأثرت بهذه الحرب ودخلتها ومانيش راجعة للوراء هههههههههههههههههههههههههههههههه

hanane220 · 2013-06-20, 22:07

بركة الله فيك لكن حبيبتي هذه حرب اخوة و عجبتني فكرة ام كوثر دائما دجيبلنا جديد ربي يخليها واخوات ام ماجد وتوتة راهمجايبينهاربي يقدرهم هههه و انشاء الله رمضان يدخل علينا بالصحة و العافية و ربي يخلينا دائما اخوة نلقو بعضياتنا في شدة خصوصا رانا بعاد لكن قراب في قلب و كلمة طيبة تروح القلب و سمحولي انا شوية خاطينا العربية هههه اي مشي معربة هههه

أم ياسين الزهراء · 2013-06-20, 22:39

ردو بالكم تعلنو الهدنة راهي الاخت العزيزة ام راضية توجد في سلاح اكثر من القنبلة الذرية صدقوني راهو عندها اكثر من مليون تطبيق وراح تخليكم تستسلمو وهي تبدا الحرب ههههههههههههههههه ام راضية مليحة الحرب مينذاك تنحي الروتين وتنحي على البال وصدقيني راني نخمم ندخلها كيفاه بابا مجاهد وانا نخاف لاصارت ولا حتصير ههههههههههههه

نحبك ام راضية هيا ادخلي برك الحرب ورانا معاك

أم ماجد · 2013-06-20, 22:54

انا في غاية الاندهاش
هل تمزحين ؟؟؟؟؟؟ هل كلامك هزل أم جد ؟؟؟؟؟؟
حتى أتدخل بالمناسب

staifia · 2013-06-20, 23:02

اسمعوا بنات مكلاه تفشلوني هههههههههههههههههههه واش كي دخلت انا انتوا هاربين
باين خفتو لا نغلبكم هههههههههههههههههههههههههههههههههههههههههه

لمسة حنية · 2013-06-20, 23:11

ام راضية
واش هذا تقولياسكتو هههه
وانا مزالني نجاهد ونكمل عارفا المزاااانية صعبة
خاصه على واحده بدون عمل ولا زواج

بصح راني غير نطبق وقلت اليوم نكمل زعما ونتفحل
راني مع مقولت الى الامام سر

وهاذي البداية ومزال مزال
في رمضان يدرا واش ندير
بصح

متزدوش تشفوني الميزان راهو طالع
والاكلات تشهي والحروب متواصله

ام عبودة · 2013-06-20, 23:45

ايييه حبيبتي والله حرب فيها فايدة المل يتعلم ويفيد
لكن كي تكون تطبيقات فاشلوة شكون يخلس هههههه