واش تدير الغيره!!! حسبي الله و نعم الوكيل

oprah · 2012-12-25, 14:38

شكراااااااااااااااااااااا

مريم الصابرة · 2012-12-25, 15:20

السلام عليكم اختي
إنت غالطة وإسمحيلي نقولهالك صح الخير درتيه لربي معليش ويا سعدك طيبي لوحدة نافسة او تتوحم كبيرة عند ربي ديري لربي ما ديريش للناس واللي دارو عليك الصف خلي يديرو على رواحهم مي توصل تنايفيها لالا وزيد هو راجلك واش دخلو في امور النسا هذي يماه إنت صح مرتو وظلموك معليش ربي خير وعجوزتك في معدنها تحبك ربي وكيل اللي كان السبب وإدعي ربي يهديها وعيب كبير وحرام نقدر نقولك راجلك ينايف يماه وإنت لالا اختي راكم غالطين في زوج خفي روحي قوليلو يهدر مع يماه وإطلبي السماح منها معليش باني الغالطة وعند ربي راكي دايرتها كبيرة ويجازيك بالخير ما تزيديش فالمنايفة والذنوب يكبرو هذا واش نقدر نقولك موفقة

amiramirna · 2012-12-25, 15:28

شوفي بلاك ماعنديش خبرة في هاذ المجال
بصح انا نواسيك و نحيلك على خاطرك اذا قدرت
من كلامك ما نيش نشوف فيك ظالمة ولا حقودية قلبك حنين و راكي مزينة نيتك
الشدة في الله و خلاص انت ما تكونيش سبب التعاسة نتاع زوجك و اللي عليك ديريه كيما يقولو ارضاء الناس غاية لا تدرك
و فالاولاد نقولك راكي غالطة ما تحبسيش الولادة لانو شرعا ما يصلحش و بما انك تخافي ربي اتقي الله و انجبي و بلاك زوجك يغير رايو و يكلم امو كي يحس بالابوة
و منها تعود المياه لمجاريها بلا ما تخطي نيفك و منها عجوزتك بالاك يحن قلبها بالمولود
و اذا ما تغير شيء الله اعلم بالخير و الصلاح
و نزيد نقولك لوكان عندك صغير لوكان ماراكي في هاذ الحالة لانك تتلهاي بامورو (نظافتو اكلو نومو تربيتو...) ما تتفرغيش لهاذ الوعاف اللي راكي فيه
الله المستعان

كاميلا · 2012-12-25, 15:38

صفي الجو بين راجلك وامه هذا واجب عليك ومسالة سلفتك وعجوزتك خليهم ياكله بعضاهم هههه يديروا في الحلف "حلف شمال الاطلسي هادوا خليهم من بعد اذا كنت انتيا نيتك صافية وتحبي عجوزتك رح يوليو في بعضاهم وتقلب عليها هاد السلفة وتبين حقيقتها ساعتها تعرف قيمتك هاد لعجوزة
المهم انت اخطيك من خدمة النسا تاع تحكي واش ديرلك امه وسلفة اخطيك
لكن نعود ونقول هذه من سلبيات الوحدة كي تعيش في عايلة 114وخاصة السلفات والله العجوز يمكن تقدري عليها وترديها تحبك بصح السلفات ههههههههههه
ربي يعينك انت صالحي زوجك وامه كيما قتلك

كاميلا · 2012-12-25, 16:06

اقتباس:

المشاركة الأصلية كتبت بواسطة oprah

هو ماهوش حاب يروحلها بويسك خسرت معايا و حتى مع أمي كي حكات معاها و حاب الوقت يفهمها غلطها بويسك كي حكا معاها مأمناتوش حتي ولا يحلف المصحف و دارت أمي حرشاتو. يعني هي في دقيقه خسرتني و حتي عايلتي هادي تقدري تروحي تحليها؟؟؟؟؟
ما بين ليلة و نهار كلش راح و مانيش قادره حتي نشوفها بويسك تخدعت فيها بزاف
لوكان جيت مقصره في حقها تجي عليها تبهدلني بصح حرام تبهدل كنه على كنه و لوكان غير صح مدرتلهاش الخير هاد الكنه مع العلم أنا هنا بعيده على دارنا و معندي حتي واحد
بصح صدقوني راني نشوف الناس تمشي مع الواعر و تدل العاقل
حسبي الله و نعم الوكيل

الحل يا اختي السكن المستقل اذا كان بامكانكم وان كان احملي واش ديري مي حطي حدود معاهم لكن زوجك هي امه والله احنا قليل ماداروا فينا والدينا سبونا هانونا ضربونا مي الله غالب يبقاو والدين

بتول8 · 2012-12-25, 16:10

وش راك اوبرا من داك لعام مسمعتش اخبارك
شوفي حبيبتي
اجبدي روحك و مدام راجلك معاك متخافي من والو
و علا علاقتو مع امو قولو ابق مليح معاها و متزعلهاش محقش عليه يخاصمها
هادا منقدر نقلك و صح لي يكون نية يركبولو
اجبدي روحك و سلامة راسك

kamilia85 · 2012-12-25, 16:33

raki mliha li rahou rajlek fi safek ...
tkhayli law ja houwa dedek tzidi thessi bel hougra aktar
ejbdi rouhak w matramri rassek b hata wahed
ahkmi fi rajlek w lbaki dabaroushoum ki ychoufouk metfahma m3ah lkoul yahtarmouk

بين الحقيقة و السراب · 2012-12-25, 19:39

ربّما هناك أمورا نجهلها، نحتاج إلى تشخيص و تمحيص

أسأل الله أن يصلح الحال، فقط عليك ببعض الصبر ...