محتاجة رايكم

خديجة 1010 · 2012-12-24, 15:59

السلام عليكم
انا عرسي راهو قريب وراني حايرة في السكن انا نسكن في العاصمة وزوجي من قالمة بصح يخدم هنا
انا الحمدلله تاني نخدم بصح معرفتش كيفاش ندير زوجي قالي نسكنو مع عايلتو في قالمة يولي يخدم شهر ويجي 5 ايام برك يجوزهم معايا يعني هو معندوش منزل مستقل باني غرفة برك في الطابق التاني اما المطبخ والحمام عافاكم الله راح يكونو مشتركين مع عايلتو عندو زوج خاوتو ساكنين في هديك الدار انا راني متخوفة علابالي بلي مراحش نكون مرتاحة في لبسي ولا في طريقة عيشي
علا هدا يما قالتلي مدام راكو تخدمو حوسو علي كرية هنا واسكنو منها تكونو دايما مع بعض ومنها تكونو علي راحتكم انا عجبتني الفكرة لكن المشكل راجلي خسر كامل دراهمو في هديك الشومبرة هو يخلص 3ملاين وان تقريبا كيفو كي قلتلو نكريومراهوش رافض الفكرة بصح علابالكم لازم نخلصو عام ولازم تان نشرو شوية قش انا قلتلو يسلف من جهة من بعد نرجعوهم وشهرية نخبوها وشهرية نصرفوها هكا باش نشرو قطعة ارض ونبنوها بشوية
علي هاد الشي حبيت تنصحوني وش رايكم في هاد الفكرة يعني نقدرو نطبقوها علي ارض الواقع ولا 3 ملاين متكفيناش حنا زوج مع العلم بلي الكرا يتراوح بين 15000 و 20000

مادابيا لوكان تنصحوني اذا سكنت مع بيت زوجي وهو بعيد نورمال مش حيكونو مشاكل راني خايفى يدورو عليا مكي نكون وحدي

نورسين.داية · 2012-12-24, 16:13

مشكلتكي اختي .....انك تفكرين بسوء نية في عائلة الزوج ...........انتي مبدئيا أنوي الخير و أتكلي على الله عز وجل

لكن في بالي على الأقل السنة الأولى عيشي مع أهله إلى ان تجمعا القية الكافية للكراء و المستلزمات التي تحدثتي عنها ...و في العام الثاني إنتقلي للعيش معه في الجزائر

و لا تنسي التحويل في العمل و إجراءاته و توقيته ....................انتي محكومة بالوقت عزيزتي ......فالقضية ليست مرتبطة بالتوقيت الذي تختارانه أنتما

المساعدة بين الزوجين شيئ جميل و الله

وفقكي الله أختي

خديجة 1010 · 2012-12-24, 16:16

يعطيك الصحة اختي علي الرد والله مراني نفكر بسوؤ نية وحتي دارهم ملاح معايا راني خايفة العشرى كشافة فهمتيني اما بالنسبة للعمل ماكن لا تحويل لا غيرو انا نخدم عند الخواص يعمي ولا حبست حتي نعاود نحوس علي خدمة اخري

نورسين.داية · 2012-12-24, 16:54

اقتباس:

المشاركة الأصلية كتبت بواسطة خديجة 1010

يعطيك الصحة اختي علي الرد والله مراني نفكر بسوؤ نية وحتي دارهم ملاح معايا راني خايفة العشرى كشافة فهمتيني اما بالنسبة للعمل ماكن لا تحويل لا غيرو انا نخدم عند الخواص يعمي ولا حبست حتي نعاود نحوس علي خدمة اخري

العشرة عزيزتي أنتي كوني على خطى أوامر و نواهي رسولنا الكريم ....مع شوية صبر

لا أعتقد ........انه سوف يكون هناك مشكل خصوصا قلتي أنهم ناس ملاح

بالنسبة للخواص إعتماذا على طبيعة عملك .............و هل تعتقدين أنه من السهولة إيجاد عمل في الجزائر عزيزتي ؟
و زيد قلتي 3 ملاين .............؟؟؟؟ سبحان الله ......................

خديجة 1010 · 2012-12-24, 17:00

اسمحيلي خني مفهمتش قدن في الجملة الاخيرة على 3 ملايين

خديجة 1010 · 2012-12-24, 17:01

قصدك عفوا راني نضرب ونخطي

نورسين.داية · 2012-12-24, 17:10

اقتباس:

المشاركة الأصلية كتبت بواسطة خديجة 1010

قصدك عفوا راني نضرب ونخطي

و الله إحترت كيف إستنتجتي ذلك .................؟؟؟؟

شوف إنفهمك

قصدي مسألة البحث عن عمل في الجزائر بالأجر الذي تتقاضينه في ولايتك .......ليس من السهل ان تجديه ممكن بعد سنة سنتين .............و انتي و زوجك ...............تحتاجان قيمة الكراء في أقرب الآجال

ملاحظة : عزيزتي .........إذا انتي من النوع المتسرع في الأحكام المسبقة ..........فالمشكل فيك أنتي في مسألة العشرة

أرجو أن تتقبلي رأي عزيزتي فغرضي هو نصحك فقك لا غير ......................وفقكي الله أختي و السلام عليكم

kamilia85 · 2012-12-24, 17:29

ana mn rayi ekrou w 3ichou m3a ba3dakoum w law tfadlou 1 da ahssan mn anek tkouni f blad w houwa f blad
sadkini lba3ed ydourek w zid youktel elihssas m3a lwakt
w dar chikhek moumkin ykounou mlah w moumkin ykounou machi mlah
ana mn rayi khalik m3arajlek ekrou w echri ghir lhaja li tahtajouha sadkini ahssan
sakssi lmajarab
lba3ed machi mlih

حفيظ حيدر · 2012-12-24, 17:33

السلام عليكم. اختي العزيزةربي يكملكم ويرزقكم . اختي ننصحك توكلي علي الله واستخيري بصح بادن الله احسن حل انكم تكريو دار تسكنو في العاصمه . ممكن تسلفو دراهم علي واحد قريب للعايله اخ او اب او... يصبر عليكم حتي يفرج ربي. اختي ننصحك من الاحسن تبقاي مع زوجك . لانه بعد الزواج صعيب عليكم في زوج تكونو بعاد تعاونو بعضاكم علي مشاغل الدنيا . ناهيك علي الحرج الي يكون في بيت العائلة من ناحيتك و ايضا من ناحيت اهل زوجك . والله الموفق.

أبودعاء · 2012-12-24, 17:53

اخت خديجة راكي درتي غلطة كبيرة حصلت روحك وحصلت اوليد الناس لزملك مفاهمة مع زوجك صرحة تدرسوا مشكلكم من جديد و الحل يكون صريح نعد او لا لان زواجكما مشكوك فيه ومعذة على كل حال كل انسان كفاش يعيش
تقبلي مروري

نسر الجسور المعلقة · 2012-12-25, 08:04

وفقك الله أختي

wawaa · 2012-12-25, 08:51

وفقك الله أختي