تنبيه حول السابقات على اساس الشهادة

[mouh22]

تعتمد على النقاط فالذي لايملك النقاط فاحسن لن لايدخل هذه المسابقات خاصة بعدما تبين انه يمكن للعمال المرسمين سواءا في نفس ادارة المسابقة او غيرها و الذين لهم خبرة الدخول فيها والنجاح فيها مع الاسف
والله عار

[جمال الدين]

هذا النوع من المسابقات يخدم فئة دون الأخرى أي أنه يحيل المتخرجين الجدد على البطالة الإجبارية

[ranou gigi]

انا قاعدين مالا

[mohamed888]

لكن يمكن ان يساعد المتخرجين الجدد اصحاب المعدلات الكبيرة
يعني لازم تشارك وحتى تكسب بعض الخبرة في المقابلات

[ranou gigi]

وعلاه يعني كون جاو انقطوا على المسابقات الي فوتناها و مانجحناش تالي انا مترسمين ذرك

["راجية الجنة"]

المشكلة دركة ولات غير على اساس الشهادة وجميع المناصب وكيلهم ربي برك

[!?زين الدين?!]

نعم والغريب هناك موظفين يشاركون في اغلب المسابقات تم ينحجون وبعدها يستقيل من منصبه الاول ما هذا الجشع

["راجية الجنة"]

كما يقولوا بالدارحة "التgحير "
ربي خير

[اجنحة الملائكة]

بعض الناس ربي يهديهم عندهم منصب دائم و تجدهم في كل المسابقات كل مرة يبدلو الخدمة

[mefatih]

ياجماعة كلش راهو يمشي بالمعرفة لشتى تكون متخرج جديد لاخبرة ولاهم يحزنون

[المارد الجنوبي]

يااخي الانانية موجودة على بيها مانجحناش كل واحد نفسي نفسي برك

[ليلى الجزائرية1]

انا عندي زوج ديبلومات
الول :تقني سامي في الاعلام الالي تخرجت في 2010
والثاني ليسانس في الحقوق تخرجت هاذ العام
فوتت زوج مسابقات واحدة عليها 08 مناصب والاخرى عليها منصب واحد
بصراحة كي شفت ناس أكبر مني سنا وعندهم اقدمية في الشهادة وعندهم خبرة كبيرة مقارنة بخبرتي فشلت والله

["راجية الجنة"]

المشاركة الأصلية كتبت بواسطة ليلى الجزائرية1

انا عندي زوج ديبلومات
الول :تقني سامي في الاعلام الالي تخرجت في 2010
والثاني ليسانس في الحقوق تخرجت هاذ العام
فوتت زوج مسابقات واحدة عليها 08 مناصب والاخرى عليها منصب واحد
بصراحة كي شفت ناس أكبر مني سنا وعندهم اقدمية في الشهادة وعندهم خبرة كبيرة مقارنة بخبرتي فشلت والله

شفتي حنونة هكة هذا هو شعوري انا ثاني بصح والله ديما مدايرة ربي في قلبي
بصح على اساس الشهادة وبهذي العقلية العبد يدخلوا اليأس نتع بسيف

[عبد الرحمان 1111]

المسابقات على اْساس الشهادة كارثة بالنسبة للمتخرجين الجدد والذين يتراوح معدلهم بين 10 و 11 (وهم الاْغلبية) ... فالاْولوية فيه لاْصحاب الخبرة و الاْقدمية . -وهؤلاء اْغلبيتهم موظفين - .
الذي وضع هذه المعايير لا اْدري فيما كان يفكر . فهي لا تستند لاْي منطق .فبدل ان تعطي الاْولوية للبطالين و المتخرجين الجدد فهي تعطيها للموظف . حتى المقابلة ليس لها اْي قيمة فنجد ربما شخص تحصل على 0 من 3 و لكنه ينجح لخبرته المهنية و للاْقدمية
.
اْنا دفعت العديد من الملفات للمسابقة على اْساس الشهادة ... و لكن الاْن و بعدما اجتزت مسابقة واحدة وفهمت كل شيء بخصوصها . لن اْتعب نفسي لمشاركة في باقي المسابقات حتى ولو ارسلوا لي الاستدعاء . فبمعدل 10 وسنة التخرج 2012 . ليس هناك اْي امل . والاْمل الوحيد هو امسابقات على اْساس الاختبار على قلتها

[مينيفر]

المشكلة في المسابق على اساس الشهادة هوانه الأولوية في النجاح للموظف المرسم على البطال فكيف يسمح للموظف الذي له اقدمية جيدةومرسم ان يوظف على حساب انسان قديم ولا يعمل ولديه معدل جيد اماذا هذا الظلم .