رايحة نهبل من بنتي

[meryouma05]

السلام عليكم بنتي عمرها 3 سنين و الله غير دايرة فييا الباطل رايحة تهبلني و الا نهبلها هي ماتسمعش الهدرة خلاص كلي راني نهدر مع حيط و انا نولي نضرب فيها بلا فايدة و الله غير ساعات تغيضني كي نشوف لحمها ازرق من الضرب حتى نولي نبكي و هي لا حياة لمن تنادي ...ماعندي الزهر في والو حتى في بنتي .

[الأمنيات]

تعرفي تحتاجين انتي الى تربية ليست هي لا اقول هذا حتى اقلل من قيمتك حاشا لكن بنتك عندها ثلاث سنوات
من الام ومن البنت ؟؟؟؟
ولما الضرب هو لا ينفع بالعكس تعصي اكثر كلما ضرتيها ............عندك اما العقاب تعلميها عليه او طريقة التسياس والكلام
كلما عاندتي تزيد هي في عنادها ......والله يا اختي رانا كامل محتاجين الى تربية لاننا كلما راينا امور في اطفالنا استغربنا
هدانا الله واياكم ساسيها اختي واعتني بها

[تيماء الله]

السلام عليكم ننصحك اسمعي دروس تاع محمد الفقي غيرو في تربية الابناء كاين واحد كان في الشارقة نسيت اسمو هو ثاني محمد.............. راو نفعني صدقيني ولا ايهب تعييد مشكلة الطفل العنيييييييد ووراكي غالطة في طريقتك حبيها واعطييييها رايها درك تمل من العناااد وترجعلك هي امانة عندك ما تنسيش وربي يحفضضهااااا

[سيهام]

يا اختي حرام عليك
لو كان رانا في دولة اوروبية و شافو ها زرقا ينحوهالك و يدوها يربوها لانك ما تعرفيش تربي
كاين ناس تتمنى الذرية سنين وسنين و كاين ناس
اختي في عمرها 3 سنين برك
مازال ماتعرفش تسمي كل الاشياء لي حولها
و انتي تشكي من قلة فهامتها ................................و الله غريب و حبرتيني
اختي التربية ماشي بالضرب
الضرب ممنوع
انا كنت استاذة ابتدائي عندي 22 تلميذ و مازرقتلهمش لحمهم
و الله ربي يهديك
نقو لك حاجة غير اتعلمي تصبري لانه اذا ما صبرتيش عليها دوكا رايحة تهبليها
اماهات اخر زمن
اسمحيلي على كلامي مي و الله العظيم غاضني الحال بزاف بزاف بزاف اسمحيلي

[feath7]

أكدت الدكتورة نبيلة السعدى أخصائية التواصل بالمركز
المصرى للاستشارات الزوجية والأسرية:
أن طرق عقاب الطفل الصحيحة يجب أن يتجنب الوالدين
فيها العقاب البدنى والنفسى.

وأضافت أن العقاب يتمثل فى الحرمان من الأشياء التى يريدها الطفل ويحبها مثل
الحلوى أو الخروج أو اللعب بالكمبيوتر، ويتم ذلك لفترة معينة لا تتعدى ثلاث أيام بحد أقصى وخمس دقائق بحد أدنى.

وأشارت إلى أن خير الأفعال هى الصمت دقيقة واحدة عند ارتكاب الطفل لخطأ ما، وأضافت أن ما يحدث أن الطفل أثناء صمتك بعد خطئه يتحول تفكيره عما كان يريده إلى التفكير فيما سيحدث له، فيبدأ فى التنازل عن الأشياء التى يريدها ويحاول بكافة الطرق التوصل لاسترضاء الأسرة.

وقالت وعند رغبتك فى توجيه الطفل للأفعال الصحيحة لابد أن يكون التوجيه غير مباشر ومن الأفضل أن يكون من خلال اللعب والحكايات فى مرحلة الطفولة.

وأكدت أنه فى حالة العقاب أثناء فترة المراهقة لابد أن يكون التوجيه من خلال الحوار الهادئ والمناقشة وتوضيح مميزات وعيوب أى موضوع وترك الحرية له فسوف يلاحظ الوالدين أنه يختار ما تريد مع التأكيد من ناحيتك على أن هذا قراره الشخصى، ولابد أن يكون التوجيه من الطرف الأكثر تواجدا مع الابن مع التأكيد على عدم إغفال دور الطرف الآخر أمام الطفل.

أنا لدي أخت دات 4 سنوات وهي من النوع النشيط و مشاكلها لا تنتهي
ادا عيطنا عليها متسمعلناش العكس تدير الزكارة وتكمل في خدمتها
مي حنا كي عرفنا السيستام الديالها ولينا منعيطوش عليها ولينا نهدرو معاها بلعقل ونحلوها والله غير تدير وش قولنالها ...و خطرات كي ماتحبش نقولولها عكس واش رانا حابين وهي تدير العكس وش قولنالها ..و ادا مانفعتش معاها نقولها توم يدير هكا ولا اي شخصية كارتون تحبها وادا مانجحتش هادي نقولولها كي كنتي صغيرة كنت تديري هكا ...وكل مرة نبدلو السيستام
ونهار نضربوها ضرب خفيف ماشي كيما قلتي ولا مانديرولهاش واش تحب ماما تكون على راسنا ....لازم تسايريها ...اعرفي وش تحب و كيفاش تخمم

[علم وأدب]

طبيعي هاد لأنه في هذا السن يكون الطفل عنيد

لكن أنتي طرلي بالك معاها

وربي يوفقك

[amina-alaa]

كان لدي نفس المشكل مع بنتي و حليتو بطريقة ساهلة جدا
اولا كي دير قباحة انزلي عندها meme niveau نتاعها
و قوليلها بلا ما تبيني بللي راكي قلقانة ماتزيديش تهدري معايا حتى تحبسي واش راكي ديري بصح ما تفاشيهاش اكثر من ساعة باش ماتعقديهاش
ونقصي من الحوايج اللي تحبهم
و كي تكوني معاها كثري من البوس والمدح
و رديلي الخبر
انا كانت بنتي ماتنطاق
ظرك اللي يشوفها يستعجب كيفاش ولات عاقلة و ظريفة
كانت خاصها الاهتمام

[شمس 15]

السلام عليكم ورحمة الله وبركاته,
أنا حبيت نرد على لي قللو من شأن الأم و خسرولولها ماشي هكذا أنا راهي داقتلي فبلاصتها هي جات تطلب نصيحة ماشي تسمع كلام لا يليق,بالاك لوكان حكاتلكم وضعها تعذروها ساعات الأم تكون عايشة ضغط ما تعرفش كيفاه حتى ضربت بنتها و هذا راجع للمشاكل و الضغوط لي عايشينها و الأغلبية الأمهات تلقاهم ما يجوبوش ولا صابرات و مخبيات الهم فقلبهم يفشو زعافهم فولادهم ما يحس بالجمرة غير لي عافس عليها.
أما جوابي ليك أختي ساعفيها برك و كي تشوفيها قلقاتك أخرجي من الشامبرة لي راهي فيها بعدي عليها غير بش متضربيهاش.هذا وقتها تحب تفرض روحها عندي وليدي قد بنتك و راني غير بلعقل معاه أنتي أشكريها بزاف كي تسمعلك و دير حجة مليحة و جازيها بحاجة تحبها أنا ساعات نقولو دير حاجة ما يسمعليش بصح كي نقولو وليدي عمري حبيبي من فضلك يطرا و يديرها سبحان الله.
سايسيها حتى تقفل 5 سنين و تستعقل حتى تحيري كيفاه تبدلت لخطرش فهذ لعمر تولي تقرا تولي لاتيه و مركزة فقرايتها.
و نزيد نقولك ما تزيديش تضربيها عمرو لكان الضرب حل بش تسمعلك ملايين الدراسات تؤكد بلي الضرب مش حل تماما.و تفكري دايما قبل ما ترقدي نفسيتك كيفاش تكون كي تشوفيها راقدة و تتفكري كيفاش ضربتيها و زرقتيلها لحمها مشي محال ساعات توصلي تبكي على ضربك ليها. ربي يحفظهالك و يعقلهالك و تكبرلك و تخرجلك ماشاء الله.

[AMINA.Z]

و الله العيب في المجتمع تاعنا انو نربيو ولادنا كيما رباونا والدينا
كون كانت تربيتهم ناجحة كون البلاد ماهيش هاك
درك رانا واعيين و مثقفين اذا كان كل واحد يفرغ غشو في ولادو انا نقولك ما تشتكيش من بعد من العقوق تاعهم بويسك ماهو غير نتيجة للمعاملة تاعك ليهم
اختي ارجعي لعقلك و ابحثي في الكتب و عن الاساليب الصحيحة للتربية
اكسبي ولادك في صغرهم باه تلقايهم في كبرك
ربي يعاونك

[ميمنة الجزائر]

اختي ربي يفرج همك لانو لولا الهموم لما كنتي قاسية مع بنتك

ونقولك انو البنت لما تكبر تولي تنفر منك وترجع لاقرب الناس اليها

كوني معاها صبورة ووالصبر في وقتنا هذا راهو نعمة بزاااف وصح ما يحس بالجمرة غير الي عافس فوقها

في التربية والضرب نتبعو اشرف الخلق سيدنا وحبيبنا افضل الصلاة عليه وسلم علموهم على سبع واضربوهم على عشر

يعني كلام لا ينطق على الهوى انما هو وحي يوحى يعني اقل من سبع سنوات راهي ما تعرف والو ما زالت مابلغتش الرشد

مهما كلمتيها وضربتيها ما تعرفش الضربونقولك لاربما حملتي بيها ونتي قلقانة في حملكيعني ما تقوليش ما كانش منها

لانها الهرمونات الي شربتيهالها في بطنك من الزعاف الي خرجتلك عندها طاقة كامنة اكبر خليها تفرغها في حوايج الي

تحس روحها مليحة يعني خرجيها تلعب قدامك وخليها تلعب واش بغات باه تنميلها الذكاء تاعها واذا غلطت عاقبيها بصح بطريقة عاقلة وقوليلها بنتي حنونتي دلعيها عمريما تقوليش ما تعرفش للاحاسيس هي راهي تحس بيك كثرمن ما تحسي بيها والضرب ما يجيب غير العنف وايضا انصحك انك تبعديها على التلفاز وديريلها غير طيور الجنة ولا حاجة تاع اولاد مثل بايبي وبراعم ساعة فقط

ساعفي بنتك بالعقيلة فقط وراهي تكبر وتتبدل العقلية لكن ليس الان وصاحبيها من بعد لانو ساعات الضرب يولد عندها مركب نقص وتحب الي يضربها وما يكونش عندها شخصيةوهذه افكار جبتهم من علماء النفس وربي يعينا على تربية اولادنا لانهم امانة في عنوقنا وربي يهدي سرك وسرها وربي يهنيكم مع ازواجك يارب

[ريشة خير]

ربي يكون في العون اختي حقيقة الأبناء مسؤولية كبيرة خاصة في وقتنا متعبين حقا
وحالتك اكيد حالة الكثيرات من الامهات
ما أؤكده لك فقط أن الضرب ما يجيبش بل بالعكس يؤثر سلبا عليك وعليها
صبرا وربي يعينك اختي ادعيه وعوذيها واقراي عليها وهي نائمة

[ام ظافر]

هذا العمر بالذات تعاني الام فيه من عناد الابناء بشدة لانو مرحلة انتقالية بين الصغر الي ما فاهم والو الى بداية اثبات وجودو
يعني لازمك معاملة خاصة الان والاسلوب الي تربي بيه بنتك في سن 3 ماشي هو نفسو القديم وماراحش يكون نفسو تاع 4 او 5 سنيين وهكذا لازمك كل مرة تتاقلمي مع بنتك وتغيري في اسلوب التربية تاعك ليها
مثلا العناد احسن حل ليه هو عدم الاهتمام نعم التطنيش وزيدي طولي بالك عليها لانها تتعمد انها تثير اهتمامك بالعناد وهنا انتي لازمك تكوني ذكية وتتجاهلي تصرفاتها الغلط حتى انها تقول في نفسها هذا الاسلوب تاعي غير نافع وتتغير مع الوقت ولكن من جهة اخرى لازمك تشبعيها حنانة وحب لما تكونو عاديين بدون عناد وخاصة لما تتصرف بشكل جيد واكثري من مدحها امام الناس يعني الاشارات الايجابية راح تلاحظي تغيرها
الخلاصة لازمك تغيري انت اسلوبك في التعامل معاها حتى تتغير هي وفي الاخير مازالها صغيرة وعندها وقت كافي باش تفهم امور كثيرة مع الوقت بدون ضرب او صراخ منك
ربي يكون في عونك

[knives55]

حتي انا عندي ختي عمراه 4 سنين هبلتي خلاص ماتسمعش لكلام ضل تبكي ماتريحش كامل تبقي غير تتحرك وطير منا منا والله غير حتي انا كره حياتي

ربي يعنك

[وصال7]

سلام اختى حنا الجزائريين دائما مقلقين نعدرك لاكن كونى واثقة ان بنتك هى الضحية اكترى من الاستغفار وتبعى معايا كى تقباح اسكتى عليها وقوليلها انا منحبكش ولست ابنتى وشوفى ردة فعلها التربية صعبة بالنسبة لمجتمع مقلق انضرى فيها وتخيلى ان الله حرمك من الانجاب واعطاك كل النواقص اللتى تشكى منها جربى للحضة عندما تخرج مع ابيها وستعرفين قيمتها اكتر ى من الاستغفار وربى يصلح كل احوال المسلمين

[maramelmess]

المشاركة الأصلية كتبت بواسطة meryouma05

السلام عليكم بنتي عمرها 3 سنين و الله غير دايرة فييا الباطل رايحة تهبلني و الا نهبلها هي ماتسمعش الهدرة خلاص كلي راني نهدر مع حيط و انا نولي نضرب فيها بلا فايدة و الله غير ساعات تغيضني كي نشوف لحمها ازرق من الضرب حتى نولي نبكي و هي لا حياة لمن تنادي ...ماعندي الزهر في والو حتى في بنتي .

nti mahboulla lazemlek darbe semhili mais elle a juste 3 ans
le malheure matechfache 3la darbe w avec le temp ywelli 3endha normale

dirilha des punition ida thabe haga matechrihalhache
w fachiha
w ida darette une betise diriha f un coin w matehdriche m3aha
ni nti ni babaha
w matbeyniche bli hadike l haja tza3fek
mindek ydirouha bel3ani