نحن في ورطة حقيقة

JACKLINNE · 2012-12-14, 13:18

السلام عليكم ورحمة الله وبركاته
الورطة لي راني نهدر عليها هي رانا متاخرين بزاف بزاف وعمبالي مانقدروش نلحقو
في الرياضيات الاستاذ ربي يسامحو خلانا 21 يوم كيعاد شارك في الانتخابات والمدير ماحبش يجيب مستخلف رانا في اللوغاريتم العشري ........
والفيزيا كارثة قرينا فرد حصة نتاع الكهرابا والناس خلصوه بكري
والادب ماقريناش شهر ماراني فاهمة والو
.
انا خلاص راحتلي نفحة الباك اصلا ......ويقولولنا انتوما ماتقراوش يدلو الاستاذة امبعدا نقراو

saadia zekra · 2012-12-14, 13:32

وعليكم السلام
اسمحلي نقولك اختي راكي تقولي راكم متاخرين بصح على الاقل فايتينا فالدروس شوفي حنا فالمات هاد السمانة الاخيرة عاد نقروا الوغاريتم العشري باه من وراء العطلة نبدوا فالجداء السلمي وفالفيزياء مازال ماكملنا التحولات النووية علحقاش استاد الفيزياء كان مشارك فالانتخابات وكيما قولتي المدير ماحبش يجيب لنا استاد مستخلف
والله يجيب لي فيه الخير هاد السنة وخلاص

الوسيلة · 2012-12-14, 13:40

مَـآلم يستَوعبه عَقلي : "المدير مَـآحبش يجيبلْنَـآ أستـآد مستخلف" !!
أهو القَـآنون أم المديـــــر ؟!!
أَرآآكم كنتم مهملين قليـــلآآ ...والآ استدعوآآ أستـآدآ "رغمًــآ عنهمـ "

المهم الفَـآيدة هي :مـآكمش متأخرين على مَـآ أظن ،
حتى حنــآ غير كيمـآ خلصنـآ الدوآل اللوغـآريتمية وقـآلنـآ الاستـآد رآنـآ روتَـآر بأسبوع فقط ،
الفيزيـآء أغلب المؤسسـآت لآزآلوآ في الكهربَـآء،ومنهم من لم يصل اليهَـآ أصلآآ ،
موفقة أختي،
سلآم

JACKLINNE · 2012-12-14, 13:57

اختي راحو لبنات للمدير وقالولو مادام راح.... بدلولنا استاذة السنة الاولى قالهم لالا خممنا نديرو اضراب بالصح عمبالنا راح نضيعو اكثرفي المواد لوخرين ...كناكل يوم نقولو راح يجيبولنا مستخلف بالصح والو .....وظرك كي رجع زعما راه يزرب ويفوت على الدروس مرور الكرام
انا كرهت هاذ الليسي ...ماشي نتاع قراية

الزهرَاء~ · 2012-12-14, 14:09

لستُم متأخريــن كثيــرًا ... لكن أرَى مديركم هذا مستهترًا

صحِيــح أن الإضرابَ سيضّر بكُــم لذَا هذا واجُب الأوليَــاء !! أيــن دورُ الجمعيَّــة ؟؟

وفقكُم الله ،’

لن أركع إلا لله · 2012-12-14, 22:01

لستم متأخرين يا أختي فنحن لم نصل الى الكهرباء بعد في الفيزياء لازلنا في التحولات النووية والرياضيات لازلنا في دراسة الدواااال!!
وفقك الله أختي~

❀ بَصْمَـٌﮧْ حُلُمْ ღ · 2012-12-14, 22:54

لا تقلقي اختي لستم بالمتأخرين فنحن مثلكم في الريآضيآت والفيزيآء قد سبقتونآآ فلآ دآعي للذعر بالنسبة للأدب عليك وعلى الملخصآت في النت وإذا لم تفهمي أنا في خِدمتكْ ^^
{ مي لآآآزم ديرو حل هآدي مش خدمه
بالتوفيق أُخيتي

styliste · 2012-12-15, 11:06

الدروس الخصوصية هي الحل انا العام الماضي لم افهم الا عدة دروس في القسم......لانو اغلب اساتدتنا كانو مجانين خاصة استاد الرياضيات لكن الحمد لله بفضل بعض الدروس الخصوصية و قليل من الدراسة في المنزل تحصلت على الباك تقدير جيد

dina. · 2012-12-15, 12:02

بالنسبة ليا رانا عكسكم حاسة بلي رانا نجرو في الدروس
في الرياضيات رانا في الهندسة في الفضاء
الفيزياء قريب نكملو دروس المكثفة
والعلوم رانا في مصدر الاجسام المضادة
الادب رانا في النص الادبي حالة حصار
وكيما نصحاتك الاخت افضل حل هودروس الدعم

zineb.alg · 2012-12-15, 19:04

مراكمش روطاار بزاااف
ربي يوفقكم

louiza94 · 2012-12-15, 19:47

الفيزياء ماراكمش متأخرين حنا تيني رانا في الكهرباء
و الرياضيات راكم متأخرين بزاف حنا لي شعبة رياضيات و عندنا محور كامل زيادة على العلوم التجريبية(هو محور الموافقات ) و رانا قريب نكملوه و ندخلو الهندسة في الفضاء