مساعدة في تحديد الأسعار في اعمال الكروشيه

طالب الغفران · 2012-01-21, 15:28

السلام عليكم ورحمة الله تعالى وبركاته ارجو من الأخوات الفاضلات مساعدتي في كيفية تحديد السعر في اعمال الكروشيه..مثل القفازات بدون اصابع...احذية بيبي..الخ...فانا اخاف ان اخذ مالا ليس من حقي جزاكن الله خيرا افيدوني

طالب الغفران · 2012-01-22, 07:41

رجاءا ردوا عليا علاه حقرتوني مشي من طبايعكم هاذا الشي

sofiane2075 · 2012-01-22, 08:16

اقتباس:

المشاركة الأصلية كتبت بواسطة طالب الغفران

رجاءا ردوا عليا علاه حقرتوني مشي من طبايعكم هاذا الشي

السلام عليكم و رحمة الله و بركاته

اسعد الله صباخك اختي ماعاش لي يحقرك اختي و اسفة لم ادخل المنتدى مند البارحة صباحا و هادا لان الميكرو كان محكوم و السبب انه التاني معطل و الكل يستعملو هادا

التمن يكون حسب نوع الخيط ادا رقيق تحسبي تمن الخيط في 3 اي الخيط متلا ادا كان ب5 الاف تخدميه ب 15الف و ادا كان خشين تحسبيه ب10الاف و تشوفي ايضا ادا المودال سهل او صعيب و ربي يعاونك وهادا مشكل انا تاني نعاني منه يعني حسب الزبونة كاين وين تطلبي حقك و مايعطوكش بالتوفيق

طالب الغفران · 2012-01-22, 18:25

شوفي اختي ربي يسترك ويجازيك ويزيد يجعلك من اهل الجنة ...انا راني حايرة...خدمت قفازات بدون اصابع لوحدة صاحبتي حشمتني عليهم وخدمتهم بخيط خشين نتاع 30دج للوحدة وهي حدت الثمن ب 300دج ...قاتلي فيهم التعب وبرا راهم غاليين وبدات تجيبلي الزبونات وتقوللهم 300دج وراني خايفة ناكل حق الناس..وانتي ختي كما كبرتي بيا وجاوبتيني ربي يجازيك احسن جزاء....سبحانه

zahra30 · 2012-01-22, 20:32

اقتباس:

المشاركة الأصلية كتبت بواسطة طالب الغفران

رجاءا ردوا عليا علاه حقرتوني مشي من طبايعكم هاذا الشي

ما تقلقيش هاي ام سفيان ردت عليك وان شاء الله يزيدو ذوي الخبرة والمجربين
بصح قوليلي تخدمي القازات بليزيقوي ولا بلكروشي ؟
"...وهي حدت الثمن ب 300دج ...قاتلي فيهم التعب وبرا راهم غاليين وبدات تجيبلي الزبونات وتقوللهم 300دج وراني خايفة ناكل حق الناس"
لاحساب الجملة هاذي ماراكيش راضية على السعر وباين بللي تتعبي فيهم
المهم مادام راكي تخافي من المعبود ما تحشميش من العبد
بالتوفيق

بسمة امل الجزائر · 2012-01-22, 20:37

والله انا تاي راني كيما انتي ما نرعفش شحال نقوللهم

مثلا صدور الكروشي شحال راكم تخدمو فيهم ؟ يا ريت تجاوبوني

والكفرولي السرير بشحال ؟

طالب الغفران · 2012-01-24, 17:52

السلام عليكم شكرا يا ختي زهرة.... حبيت برك نوضحلك انا صح راني خايفة من انو يكون السعر زايد .....وشكرا مرة اخرى على الرد

طالب الغفران · 2012-01-24, 18:22

السلام عليكم....اشكرك اختي على الرد....لكن اريد ان اوضح لك بان همي حقا ان كان السعر اقل مما اخذت...يلا كان اكثر معليش لكن اقل الله يحاسب عليه

طالب الغفران · 2012-01-24, 18:30

شكرا يا اخت شقية ولكن وفية.....واسمحيلي ما نقدرش نفيدك في سؤالك ونتمنى السيدات المحترمات يردو عليك ويفيدوك شكرا

أم معاذ أم معاذ · 2012-01-26, 15:37

أختي طالب الغفران أنا نظن
إنت تحددي السعر اللي تحبي و إذا وافق الشاري ليس عليك أي إحراج
كيما التاجر لو يربح في البضاعة التي يبيعها الضعف ثلاث مرات أو 10 فهو ربح حلال
إن شاء الله
و ربي يعينك و يسرلك الرزق
ممكن تقوليلي قداه هزتلك القفاز من كبة
و إذا ممكن توريلي المودال بالباترون لو سمحتي

طالب الغفران · 2012-02-05, 19:50

سمحيلي يا اخت om mo3ad طولت بالرد انا ما نستعملش النت بصورة دائمة ...اما للرد على سؤالك كل زوج قفاز ياخذ تقريبا 02 كبات خيط...اما بالنسبة للصور انا استفدت مت موضوع حطاتو احد ى الاخوات المحترمات وانا استفدت منو بشكل هايل جزاها الله خيرا شوفي في الصفحة رقم 06 في المنتدى الموضوع قفاز بدون اصابع للاخت الجزائرية المحبوبة

amina69 · 2012-12-09, 14:30

اختي اما بالنسبة للصدور تاع الكروشي خدمة اليد مائة الف +حق السلعة

amina69 · 2012-12-09, 14:33

جيجلية · 2012-12-09, 19:42

اختي طالبة الغفران قلت بلي تخدمي بالخيط الخشين تاع 30دج خيط القطن والا الصوف

انا خدمت بزاف تريكوات للناس وكذلك الصدور كنت نحسب قيمة السلعة مضروبة في زوج كما قالت ام سفيان اما الصدور الخيط تاعهم صعيب ومتعب

اللي بالذراعين 120الف ولخرين من 80 ل100الف

kadirou831 · 2012-12-09, 22:52

لا يوجد حد في مقدار الزيادة على رأس المال
فاطلبي ما شئت ولا حرج عليك ان شاء الله
خاصة فيما يتعلق بالمهن اليدوية
قد تكون السلعة أخذت 100 دينار كمادة أولية تطلبي فيها 10000 دينار
ما المانع من ذلك؟؟؟
الفن له ايضا ثمنه فانت لا تبيعين عرق جبينك فقط (المجهود البدني)، بل أيضا تبيعين الفن والحرفة