نظرة المجتمع

أماني سارة · 2012-12-03, 17:01

السلام عليكم ورحمة الله تعالى و بركاته

يا للعجب......أصبح كل شيء زائف إنتشر النفاق و الكذب و السبب الخوف من نظرة المجتمع فإن استطعنا خداع الناس و المجتمع فأين المفر من الله....؟ ان أغلب الشباب سواء نساء أو رجال يرفضن الارتباط الشرعي مباشرة و يقولون( لازم نعرفو و نفهمو قبل ما يجي لدار. مانعرفش يمكن شهر شهرين عام عامين حتى نرتاحلو....) اذن لماذا وجدت فترة الخطوبة وما دورها....؟؟؟ خوفا من الناس و قولهم اذا ما كتبش ربي (تخطبت و بطلت ) لماذا ليس الخوف من الله أنك سوف تبني حياتك و بدايتها حرام....؟؟

هذا رأي

بانتظار آرائكم

رُقية · 2012-12-03, 17:06

مجتمع لي رانا عايشين فيه هو بحد ذاته رياء
ناس تقول شي وتفعل شي
ناس تحلل وناس تحرم وهوما ماعندهم حتى دراية بالدين
ناس تهدر فالناس وكي تتلاقى العين مع العين ضحك وغي كلي ماصرا والو
والله المجتمع يحير ولي يسمع للناس غادي يخسر في لافار

~~مـجيد~~ · 2012-12-03, 17:14

شكرا

.
.
.
.

&عسل& · 2012-12-03, 17:15

والله اختي سارة نفس الاسئلة راودتني من قبل.....لمادا هده العلاقات والشبهات قبل الارتتباط الرسمي
ربي يهدي شباب وبنات هاد الزمان .....
شكرااا على الطرح

~~knives55~~ · 2012-12-03, 17:50

شباب اليوم استهوتهم عقلية اوربيا يعني صداقة ثم خطبة ثم زواج

لا يردون الحلال اطلاقا لانهم غير قادرين على المسؤولية

ويفضلون العلاقات الغير شرعية لأنه يمكن انهائها بسهولة وبدون مشكل لشاب

وطبعا المتظرر هي المراة شرفيا ونفسيا

هم أصلا لايخططون ولا يحسوبن حساب الغد لانهم يعشون بدون هدف

الزواج بنسبة لهم كالسلسلة في الرقبة

ربي يهديهم

شكرا

فانيسا · 2012-12-03, 20:46

لان المجتمع تاعنا جاهل لما الفتاة تخطب وبعد ما تتعرف على هدا الخطيب و لا يحدث التوافق بينهم ويتم فسخ الخطوبة المجتمع يمظر ليها انها مدنبة و خاصة لما يكون الخطيب ميخاقش ربي ويحبب ايبرر هدا الفشل للاخرين بان الخطاء في البنت وتبدا نظرات الاتهام تتوجه ليها لكن لما تتعرف غليه خفية وتخرج معاه وما يتافقوش هدا عادي المهم مكانش بينهم شيء رسمي وهدا الكلام انا اقول عن تجربة شخصية البنت لي تتخطب وتفسخ دايما متهمة في نظر الاخرين لكن لي تدير صديق عادي وهدا لي ادى بالبنات للتعرف قبل الخطبة حتى كي يتفارق واحد ما يسمع الله غالن هادي هي عقلية مجتمعنا

أماني سارة · 2012-12-03, 21:48

اقتباس:

المشاركة الأصلية كتبت بواسطة سندوسة

مجتمع لي رانا عايشين فيه هو بحد ذاته رياء
ناس تقول شي وتفعل شي
ناس تحلل وناس تحرم وهوما ماعندهم حتى دراية بالدين
ناس تهدر فالناس وكي تتلاقى العين مع العين ضحك وغي كلي ماصرا والو
والله المجتمع يحير ولي يسمع للناس غادي يخسر في لافار

عندك الحق ربي يهديهم و أنا معاك ليتبع الناس يخسر غير هو

أماني سارة · 2012-12-03, 21:54

اقتباس:

المشاركة الأصلية كتبت بواسطة مـجيد

شكرا

.
.
.
.

شكرا لمرورك

أماني سارة · 2012-12-03, 22:04

اقتباس:

المشاركة الأصلية كتبت بواسطة &عسل&

والله اختي سارة نفس الاسئلة راودتني من قبل.....لمادا هده العلاقات والشبهات قبل الارتتباط الرسمي
ربي يهدي شباب وبنات هاد الزمان .....
شكرااا على الطرح

آمين. و يهدي كل شباب المسلمين

أماني سارة · 2012-12-03, 22:22

اقتباس:

المشاركة الأصلية كتبت بواسطة فانيسا

لان المجتمع تاعنا جاهل لما الفتاة تخطب وبعد ما تتعرف على هدا الخطيب و لا يحدث التوافق بينهم ويتم فسخ الخطوبة المجتمع يمظر ليها انها مدنبة و خاصة لما يكون الخطيب ميخاقش ربي ويحبب ايبرر هدا الفشل للاخرين بان الخطاء في البنت وتبدا نظرات الاتهام تتوجه ليها لكن لما تتعرف غليه خفية وتخرج معاه وما يتافقوش هدا عادي المهم مكانش بينهم شيء رسمي وهدا الكلام انا اقول عن تجربة شخصية البنت لي تتخطب وتفسخ دايما متهمة في نظر الاخرين لكن لي تدير صديق عادي وهدا لي ادى بالبنات للتعرف قبل الخطبة حتى كي يتفارق واحد ما يسمع الله غالن هادي هي عقلية مجتمعنا

صح هادي هي عقلية مجتمعنا و اغلب الشباب ما يحبش يخطب وحدة كانت مخطوبة لكن العبد يخاف ربي وما يستلمش للمجتمع و كون كل واحد يبدا بروحو و ما يقولش الله غالب راح نقدرو نتبدلو

منهاج · 2012-12-04, 13:21

السلام عليكم

الله يصلح الحال

nono hydrau · 2012-12-04, 14:30

أنا عن نفسي لا أشجع شئ أسمه فترة خطوبة أنا مع الزواج التقليدي لي ما فيه حتي تعقيدات لكن هنا نقوللك كاين الرؤية الشرعية هي ان الفتاة تشوف الشخص لي يخطب فيها بحضور الولي لأنه حقها الشرعي أكيد ان الفتاة مش راح ترتبط بشخص ما تعرفش حتي شكله وبعدها باباها يسألها اذا تقبل أوترفض أكيد هذيك النظرة مش راح تعطيها فكرة عامة عليه ولكن راح تبعد فكرة المجهول أما باقي الأمور الأخري فأنا ضدها تماما من زيارات ومكالمات هاتفية أساسا هي سبب المشاكل لتحصل بينهم أحسن شئ البساطة في التعامل برك
في المقابل أما مع ان الفترة بين الخطوبة والزواج تكون معقولة يعني مش ليه ليه خطبة وزواج في فترة قصيرة لأنه هذيك الفترة تخليها تتعرف عليه من خلال عائلته وتتعرف عليهم في نفس الوقت لأن هي صح راح تتزوج بيه ولكنها راح تعيش معاهم أيضا وعائلتها تتعرف عليه من خلال شخصه
والله الزواج انتاع زمان خير حتي نسبة الطلاق فيها اقل ما انهم ما يكونوش يعرفوا بعضاهم الا نهار العرس واليوم ورغم الفترة الطويلة ليقضوها مع بعض من تعارف وتفاهم اول ما يتزوجوا يتطلقوا الا من لطف به الله هذا اذا تزوجوا من اساسه

Maissoune · 2012-12-04, 14:53

شرعت الخطوبة للتعارف
يفعل الجاهل بنفسه مالا يفعله العدو بعدوه

سالــي · 2012-12-04, 15:22

والله لكوارث راهم في المجتمع تاعنا و كلو بسبب في الرتبه الاولى المسلسلات الي علموهم كلشي و من كل هاذا الشي الفتاة هيا الي خاسره في لافار لاخاطر الولد يدور معا دي و معا دي و يدير الي بغاه و ما يبان فيه واالووو من بعد يروح عند ماماه و يقولها تخططبله وحده نقيا و الشيرا راحت عليها

الله يهدينا برك...

واحد من النااس · 2012-12-04, 15:46

نسأل الله العافية
عم التقليد و الاخلاق تركت في خبر كان كما يقال و هم الجميع الغفلة و محاولة جعل الحرام علاقة و زمالة و خطيب من غير خطبة و التجريب قبل الخطأ في الزواج و و و
ربي يصلح احوالنا و يستر العاقبة
شكرا على الموضوع الجميل