مشكلتي شخص غريب يلاحقني .....

[مشكلتي]

السلام عليكم .....ماريكم في شخص معي يدرس في الجامعة يسبب لي الاحراج حيث انه لا يكتفى بالنظر المحدق لا بل يتجرء للالتفات بجسمه نحوي امام زملائه والاساتذة ولا يخجل - لا ادري كيف اشرح لكم ذلك ومهما قلت لن ستطيع ان اوصل الفكرة - وذلك علنيا لناس وكانه يعرفني وذلك كلما راني او عبرت نحوه وفي بداية الامر لم يكن يهمني الامر لكن المشكلة انه البارحة قام بذلك امام الحشد الكبير من الطلاب والاساتذة حتى ان مجموعة من البنات اتو اليا ليعرفو ما الامر .......مع العلم انني لا اجلب الانتباه باشياء وانا لم انظر الى وجهه ابدا وهذا ماجعله عنيد في تصرفه القبيح ....فما افعل معه لان الامر توصل لزملائي ....ومن فضلكم اريد النصيحة وانا في غنى عن اي مشاركة فيها تجريح

[sara.info]

نصيحتي أوقفيه عند حده ..و ما أسهل ذلك عندي ..

[شقراء سوف]

مابيه والو كل ما في الامر يتمنى اللحظة الي تجي فيها انت تروحيلو وتقوليله وش بيك ؟؟؟؟ امالا انت كوني افيق منه وخليه ياكل بعضه وحده ومتحققيلوش وش يتمنى //// نعرف وحدة صرالها كيما الموقف هذا وكي راحتله قالتله وشبيك عليا ؟؟ قاللها لا برك امشبهك لوحدة// اتمنت لرض تتشق وتبلعها /// احقريه حتى يتعب وحده يشوف جيهة اخرى غيرك

[**د لا ل**]

تصرفات مراهقين اختي الكريمة

افضل حل هو التجااااااااااااااااااااااااااهل التاااااام

واياكي ان تكلميه ابدا

لكن ان وصل الامر الى غير هذا فيجب التصرف بشكل اخر


موفقة

[samirovich]

ربما شبهك لوحدة قرا معاها بكري في الكتاب او في المدرسة او في الحضانة

[موحbk]

على حساب هذا التصرف يكون معاك غير انت ولا لبنات كامل ومن هدرتك تبان غير انت ....كاين شحال من احتمال ربما يكون يتعمد ذلك لتنتبه له خاصة وانت غير مهتمة به ...او شبهك لشخص قريب منو ...

[madoucha]

يخي حابس يخي هذا معدوم الرجولة واشبيهم لي جان تاع هاد الوقت

[ryma la cool]

اختي كيما قاتلك الاخت شقراء سوف يعيها الصحه

[ibrahimm]

المشاركة الأصلية كتبت بواسطة madoucha

يخي حابس يخي هذا معدوم الرجولة واشبيهم لي جان تاع هاد الوقت

مابيهم والو

قولي وش بيهم البنات نتاع هذا الوقت هوما لي فسدو لي جان

[الجليس الصلح]

واجهيه بقبحه ولتكن معك زميلاتك وزملائك أوقفيه عند حده ماذا تريد مني اصرخي وا مسلماه وسترين نهاية هذا القبيح

[لينة71]

اختي نقولك حاجة السكوت ثم السكوت ....صمطيه وعندك تهدريلو اياكي ثم اياكي ....مهما فعل انتي وكانو ليس موجود ...راه مياعد يفهم .....وربي يهدي ما خلق...الله معك

[panpouna]

يا اختي هادا انسان مريض نفسيا روحي اشكيه لعميد الكلية ولا اعوان الامن في الكلية نتاعك وادعي ربي يخلصك منو..وردي بالك منو بزاف يتبعك فزنقة ما تمشيش وحدك و ما تفوتيش فاطرقان الخاليين و ربي يحفضك منو وادا كبرت لازم تقولي لاهلك يحطوه عند حدو

[وفية زاد]

يخي حابس يخي هذا معدوم الرجولة واشبيهم لي جان تاع هاد الوقت

مابيهم والو

قولي وش بيهم البنات نتاع هذا الوقت هوما لي فسدو لي جان

واحد ما عنده علاقة بفساد حد.. كل واحد مسؤول عن تصرفاته..راكم ديما تخرجو عن الموضوع و تبقاو تجرحو في بعضكم.. في الدنيا كاين الصالح و كاين الطالح. بنات و دكور.. فالرجاء عدم التعميم..

و اختي اللي طرحت مشكلتها.. ما ترديش عليه و ادعيله رب يهديه.
و ادا زاد الحال الأفضل تحكي مع واحد كبير في العايلة هو اللي يتصرف معاه.

[flashinkov]

المشاركة الأصلية كتبت بواسطة panpouna

يا اختي هادا انسان مريض نفسيا روحي اشكيه لعميد الكلية ولا اعوان الامن في الكلية نتاعك وادعي ربي يخلصك منو..وردي بالك منو بزاف يتبعك فزنقة ما تمشيش وحدك و ما تفوتيش فاطرقان الخاليين و ربي يحفضك منو وادا كبرت لازم تقولي لاهلك يحطوه عند حدو

أنا أنصح بهذا أيضا ولا تكتمي تضايقك سيدعمك الجميع

[محمد جديدي التبسي]

إياك أن تكلميه او تنظري له او تهتمي له
التزمي بالحجاب الواسع والفضفاض
اياك ان تكلميه فهو يريد إثارة انتباهك وصبره على تجاهلك سيطول ربما لكن ليكن صبرك أكبر
وعليك بالدعاء له بالهداية وأن يصرف الله عنك شره