متزوجة وادرس احس بالضغط

ميرة31 · 2012-11-26, 17:31

: dj_17:

حيرني هذا الموضوع كثيرا ,,,,,,,,,,,هل من يساعدني ؟

متزوجة وادرس بالجامعة ولست مقصرة لافي بيتي ولا مع زوجي ,,,,,,,,,,,,لكن احس بضغط شديد
من يساعدني على تنظيم وقتي ,,,,,,,عندي برنامج شارجي بزاف +البحوث +الفروض كل شهر نظام ل م د
الله يخليكم ساعدوني ,,,,,,,,

جزائري-حر · 2012-11-26, 17:35

عليك بالصبر و ما هي الا بضع سنوات و تنهين الدراسة
لدينا قريبة تزوجت و هي تدرس كان الامر صعبا عليها بالبداية و لكن انهت دراستها و هي تعيش بهناء و الحمد لله مع زوجها و ابنائها
و ايضا ان كان زوجك غير مشغول او مرهق له ان ييساعدك من حين لآخر خاصة حين تكونين بفترة الامتحانات مثلا
كان يخفف عليك قليلا
هذه امور ليس بالمشكل الكبير عليك فقط تنظيم نفسك بشكل يساعدك على الاسترجاع

رُقية · 2012-11-26, 18:03

لي بغا لعسل يتحمل لقريص النحل ههه
راني غير نضحك معاك ربي يوفقك وديري برنامج لي ينظملك وقتك واياكي تهملي بيتك وزوجك

ميرة31 · 2012-11-26, 18:51

صحيتي سندوسة راجلي وداري هما من الاولويات صحا على قريص النحـــــــ

ــــــــــــــــــــــل

~~tinza~~ · 2012-11-26, 19:24

تريدين إمساك العصى من وسطها وهذا لا يمكن

منارة الوفاء · 2012-11-26, 19:43

ربي يقدرك ويعينك ان شاء الله أنا ثاني قريت بهاذ النظام و الله جد مهلك يليقك انتي الي تعرفي كيفاش اتسيري وتنظمي وقتك وربي يجيب الي فيه الخير ان شاء الله

nibrasse76 · 2012-11-26, 22:47

ـــــــــــــــــــــــــــــــــــ

السي محمد · 2012-11-26, 23:13

الجواب تجدينه فقط عند زوجك

الجليس الصلح · 2012-11-27, 14:46

مسكينة المرأة لا تدري ما تصنع بين الدراسة والزواج ووضعت نفسها في نفق مظلم تتحمل هي وحدها هذا الظلام
فالأحسن انهاء الدراسة قبل الزواج أتريدين نصيحة ادرسي عام وارتاحي عام ليخف الضغط عليك

nono hydrau · 2012-11-27, 15:05

ربي يقدرك علي الحياتين الدراسية والزوجية

بسمة العمر · 2012-11-27, 15:40

الدروس لتي تستطيعين دراستها في البيت وحدك لا داعي للذهاب من اجلها للجامعة....وللتي اجبارية عليك مثل التطبيقات روحي ........و الاستاذ لي تلقاي راحتك معاه و متفهم شاوريه و قوليلو مانقدرش نجي كل يوم
هاكدا ينقص عليك شويا الضغط انشاء الله...

العضوة طلبت النصيحة ماشي النقد......

ميرة31 · 2012-11-28, 14:37

اقتباس:

المشاركة الأصلية كتبت بواسطة بسمة العمر

الدروس لتي تستطيعين دراستها في البيت وحدك لا داعي للذهاب من اجلها للجامعة....وللتي اجبارية عليك مثل التطبيقات روحي ........و الاستاذ لي تلقاي راحتك معاه و متفهم شاوريه و قوليلو مانقدرش نجي كل يوم
هاكدا ينقص عليك شويا الضغط انشاء الله...

العضوة طلبت النصيحة ماشي النقد......

شكرا لك ’’’’’’’’’’’واحد يطلب المساعدة وواحد ينقد

Om maria · 2012-11-28, 14:45

Ana 4 ans f l university kont matzawja sah f lawal thasi hakda mais mba3ad twalfi besah ngoulek bach matahablich c pas la peine tjibi wlad dhok khatar ana sratli w kan 3alam bia ghir rabi besah fatet w khlas

نبض الفؤاد · 2012-11-30, 15:55

الله يعاونك من اجل النجاح لا بد من الصبر والتضحيات

ورود الجزائرية · 2012-11-30, 20:05

السلام عليك حبيبتي
أولا مبروك عليك الزواج وان شاء الله يكون زواج الدهر
شوفي اختي تعملي برايي حاولي برك كيفاش تحطي في راسك بلي راها فترة وتعديل
أما بالنسبة لعمل الدار إذا تقدري تعمليه أعمليه في الليل مثلا تسياق او كسرة او غداء تاع غذوة

و إذا كنت ماتروحيش بكري للجامعة نوضي الصباح أخدمي غير الحاجة اللازمة شوية غداء و أشري الخبز....والخدمة الثقيلة خليها في الويكاند

أما بالنسبة للبحوث حاولي ماتديريش وحدك أدخلي في الفوج مع 2 او 3 من زملاءك و هكذا الخدمة تنقص عليكم
و التيديات روحيلهم ولي كور ديري غير فوتو كوبي

و الله المستعان