البحث عن مودم اثير بشكل عاجل ....؟!!!!

ahmedchourar · 2012-10-16, 22:12

السلام عليكم ورحمة الله وبركلته

واما بعد كما جاء في العنوان الموضوع ابحث عن مودم اثير وبشكل مستعجل لاني انتقلت للسكن في مكان نائ في الريف

اي لا توجد خطوط الهاتف او تغطيت الانترنت
وامي تريد استعمال الانترنت للكي تحدث مع احد اقاربها في الخارج عبر ال***** والذي يتحدث معها في المساء من بعد صلا ة المغرب لذلك لا استطيع ان اتحمل نفقة اخذها دائم عبر سيارة اجرة في هذا الوقت المتاخر من الليل كي تتواصل معه بشكل متكرر تعبت

لذللك انا ابحث عن هذا المودم كي تتمكن من ان تتواصل معه من المزل دون العناء منها كي تتنقل كل مساء الى المدينة

وقد وجدة واحد عند صديق لكن رفض بيعه بعد ان وعدني وجهزت له المال بدون سبب

ارجوااا من الاعضاء الدين لديهم واحد ان يبيعه لي واي شخص يعرف احد بامكانه بيعه في اقرب وقت

جزاكم الله خيراااا وارجواا من الاعضاء الرد

~~walid-sba~~ · 2012-10-16, 22:19

أخي نصيجة مني أشتري مفتاح أنترنت "نجمة" ذو إشتراك غير محدود وهني راسلك

ahmedchourar · 2012-10-16, 22:28

ماذا تقول يا اخي الكريم مفتاح نجمة اني سيتوا يوااااااااا في وسط المدينة مايمشيش سيتوااااااااا في مدينة بوفريك ولا يعمل جيدااا تحوص في البلاس لي نسكن فيه

ahmedchourar · 2012-10-17, 23:07

يا اخواني مكاش لي عندوااا هذا المودم عونونا لوجه الله

~~alilou.2008~~ · 2012-11-02, 09:54

كاين واحد للبيع أخي جديد تماما نبيعهلك مكاش مشكل

ahmedchourar · 2012-11-02, 23:08

السلام عليكم اخي الكريم ..

الله يرحم والديك راك فرحتني بزاااف نبعتلك المعلومات الشخصية نتاعي مع احد المشرفين باش تقدر تتاصل بيا ونديه عليك ان شاء الله

وراني نقوم للوالدة تدعيلك بالخير نشاء الله يارب

~~alilou.2008~~ · 2012-11-03, 09:04

عندي واحد جديد فالكرطونة اوك اوك معاه 6 شهر باقي فيه 5 شهر وبضعة أيام المهم أنا كي دخلت انيس بلوس نزعته هو منكدبش عليك متوسط في الكوناكسيون التصفح مليح وال***** والأمسان ميتقطعش مي التيليشارجمون ثقيل شوية اوك المهم ساومني وعطيلي سومتك ونشوف ألا تساعدني ولالا

~~alilou.2008~~ · 2012-11-03, 09:20

من أي ولا ية أنت يا أخي

ahmedchourar · 2012-11-03, 13:01

انا من ولاية البليدة المهم ياك مودم اثير ماشي حاجة اخرى انا هذا واش نحوص ومودم اثير ياك كاين نوع واحد برك ؟؟...

سومة يا اخي والله ماني عارف قول برك .....وكما قلت في الموضوع واحد صاحبي قالي بعهولك ب 7500دج ومنبعد بطل محبش يبيع قالي

ahmedchourar · 2012-11-03, 13:04

خويا قولي انت تخدم بيه بلونتان استريور(هوائي الخارجي ) ولا بلاش .... قولي شحال انت تيليشارجي في ثانية

~~alilou.2008~~ · 2012-11-03, 18:04

يا خويا اثير وي ونحدم بلونتان ايه مليخ والله التصفح عادي والمحادتة مليحة وكيما قتلك التيلشارجومون تقيل شويا واحد 20 كيلوبات فالتانية انا راني نقولك نتاعي فيه 5 شهر مجننا اوك تقدر تكونكتي بيها من اي منطقة تحب نعطيك حتى مودباس نتاعي والاسم باش تكوناكتي بيها المهم انا الصح خويا نبيعهلك ب 9000دج والله ماتلقاه بهديك السومة انا غير راني محتاج ونرسلهلك مع طاكسي ولا حافلة ولا البريد كيما تحب انت اوك وحتى مصاريف الارسال عليا غير في وجه الوالدة نتاعك اوك وقولها تدعيلنا ربي

ahmedchourar · 2012-11-03, 22:35

يا اخي الله يجازيك الف خير على هذا المعروف ....امينننن

المهم يااخي قولي انت من العاصمة ولا منين ؟؟ اذا كنت من العاصمة ساتي اليك ونتلاقوااا ادا حبيت ؟؟ ويا اخي ممكن تمدلي معاه لونتال نتاعواااااااا خاطرش ان بلا بيه متاكد مايحكمليش ابدااااا بنسبة للسعر ياخي زيد نحيلي كاش ستين ولا سبعين يا اخي راهي مشومرة للطرف الله يجازيك ....

~~alilou.2008~~ · 2012-11-03, 22:44

أنا من سعيدة مكانش مشكل فالتوصيل نرسلهلك فالحافلة والطاكسي اوك والله راني دايرلك سومة نتاع اخوة اوك غادي نرسلهلك في كرطون معاه لونتان وقاع صولحه

ahmedchourar · 2012-11-03, 22:57

المهم يا اخي سومة هديك هي معليش راني نسلف الباقي ان شاء الله ؟؟ المهم توصيل مكاش مشكل ودراه مان نعطيم لمول الطاكسي وهو يجيبهملك ليك ولا كيفاه ؟؟

واللون نتاعوااا يا ابيض ؟؟

~~alilou.2008~~ · 2012-11-03, 23:00

الموديم ابيض خويا أنا مدابيا لوكان ترسلي الدراهم فال ccp اوك وأنا الطاكسي لول لي يحرج من سعيدة نعطيهاله يجيبهلك واش قلت ????