تصبير الزيتون

[wafa.wafa]

أكيد كلنا نحبو الزيتون بزاف نشروه ونصبروه لكن إذا كانت عندنا كمية كبيرة بزاف نتقلقو منها ونروحو نستعملو التصبير بمحاليل اصطناعية مضرة بالصحة ما نطولش عليكم عندي طريقة سهلة ومجربة بمواد طبيعية وهي :ملح وليمون (قارص) إذا عندك كمية كبيرة تفوق 25 كيلو مثلا ضعيها في جيريكان كبيرة وحطيلها ماء كافي وحطي الملح أيضا بكمية تكفي الزيتون وأخيرا قطعي الليمون 3أو4 حسب الرغبة وغطيه وخليه ما تروحيش ليه حتى بعد 6 أشهر فأكثر وما تخافيش إذا فتحتي عليه و لقيتي طبقة من فوق لأنك رايحة تنحها من بعد وبعد هذيك المدة رايحة تلقاي الزيتون وجد وإذا شفتيه مازال في الذوق خليه مدة أكثر ومتخافيش ما يصرالو والو رايحة نوريلك الصور تاع الزيتون تاعي عندو مدة عام ونص وذوقو هايل بشهادة كل من ذاقو ملاحظة :ما تغيريلوش الماء إلا بعد ما يطيب وطبعا الملح وكل اللي مولفة تحطيه للزيتون نتاعك أرجو أن يعجبكم

+++++++++++++++++++
وهذه صورتو بعد ما نحيتلو النوى