النسيان

[مشكلتي]

السلام عليكم
اريد ان اشرح لكم وضعيتي
اصبحت انسى كثيرا و ذالك يؤرقني و اصبح هاجسا

ففي العمل يوصوني و يوصوني بصح انسى دايما حتى وليت نكتب به نتفكر و البارح برك تفكرت بلي واحد وصاني علا حاجة و بلي لازم نردلو لخبر و خلالي رقم هاتفه و سجلته في هاتفي بصح نسيت نتصل به و اخبره ان اوراقه راهم واجدين ووجدو عندهم اسبوع ذركا
لا اريد المشاكل في عملي ,,,, حتى كي نقولهم نسيت نحسهم ما يأمنونيش و بأني أتقاعس في العمل
و زيد اصبحت مشوش الذهن و دايما حاس بضغط و التركيز ماكانش و لازم نقرا الحاجة عدة مرات به نستوعبها
و كذلك ذهاب الخشوع في الصلاه او التدبر في قراءة القران كما في الماضي
احاول و احاول ان اركز و اتعب كثيرا من محاولة التركيز
و كي يتكلمو معايا نحاول نركز معاهم به ما تفوتني حتى حاجة و نستوعب و ذالك تعبني ,,و احيانا في مجمع نكون hors champs
دايما شارد مع اني الحمد لله ليست عندي مشاكل كبيرة و لا اعاني من صداع او شي من هذا القبيل
حتى اصبحت افكر باخد عطلة مرضية
بواش تنصحوني و كيفاه ندير مع حالتي يرحم والديكم

[هند222]

مشكلتك اخي هي انك مشوش الأفكار لا غير انت تحس بنفسك بانك جيد وليس لديك مشاكل

لكن صدقني هناك شي في عقلك الباطن تفكر به وتعطيه اهمية كبيرة مما يجعلك مشوش وتنسى

حاول ان ترتاح وحاول بان تستغفر كل دقيقة

وحاول البحث في اعماق نفسك عن المشكلة التي اتعبتك

[بلسم غرام2018]

كما قالت الاخت هند222

[* الحلم سكر *]

خـــذ عطـلـة مــرضـيـة و ارتــاح قـليـلا مـن كـل الضــغـوطـات و المـسـؤوليات ... هــذا رأيي رتـــح مـــخـك

[منهاج]

السلام عليكم

كان الله في العون

[mitrochka]

حاول ان تأخذ إجازة أخي
كان الله في عونك

[mitrochka]

حاول ان تأخذ إجازة أخي
كان الله في عونك

[razanou1]

السلام عليكم حاول ان تذهب الى الطبيب لكي يعطيك دواء منشط للذاكرة
ورايح تتخلص من المشكل ان شاء الله في القريب العاجل

[muslimone]

أنصحك راجع طبيب نفسي لا ربما أنت من النوع الذي يعاني المشاكل فلا يعرف سببها واستغفر الله وبالعقل عليك ما تضغطش على روحك مش غير أنت هاكا كاين بزاف ناس هاكا ربي يهنيك ويشفيك

[choumicha]

والله يا اخي أعاني من نفس الاعؤاض اللي ذكرتهم حتى وليت نشك في روحي وليت ما نتفكرش خلاص وما وليتش نستوعب ومانقدرش نركز يقولولي حاجة كانما تخرج مباشرة من راسي ، حتى الصلاة ما وليتش نخشع فيها وهذا الامر كان محيرني
وكما ذكرت الاخت هند فان السبب وراء كل ذلك شيء اعطيته أهمية كبيرة جدا فأثر علي وشوشني
لذلك أخي ابحث في اعماقك لتجد اصل المشكل

[بني بلعيد]

السلام عليكم
أخي الكريم:
مشكلتك هي الآن مشكلة العصر ، فلا داعي للقلق ، استرح قليلا من عناء العمل ، واطرد الوسواس من نفسك ، وثق في الله سيكون حلا لك بإذن الله.
...........والسلام

[soheib+206]

نفس المشكلة اللي كنت نعاني منو و لكن تحسنت

و ذلك بفضل الصلاة و الاستماع الى تلاوة القران

مشكلتك هي التركيز و شروذ الذهن هوما اللي

يخلوك تنسى و مين داك واحد يهدر معاك و انت

شارد و لا ماشي مركز معاه ما تفهموش كامل

واش راهو يقول ... اذا استمرت المشكلة شوف

طبيب نفسي يعاونك على هاد الحالة

و الله وحده الشافي العافي

[Hamza touazi05521763]

والله نفس الاعراظ اغي انا نعاني منهاا وربي يجيب لفيها الخير مفهمتش علاش

[ملاك الامل]

نتا لي دخلت في راسك بلي تتانسا

[النجاح حليفك]

عليك بزيت الحبة السوداء و الله ماكانش كيفها ، دير ملعقة صغيره زيت حبة السوداء في كاس الحليب اللي تشربو في الصباح كل يوم و داومها سترى الفرق و الله مفعولها مذهل
صديقتي كانت تنسى كثيرا و شفيت تماما ، و زيد استغفر و ربي يشافيك