مجموعة نكت هدية للجميع

[أبو مارية الجزائري]

1. طاكسيور ريحة رجليه تقتل ماتقدرش تصبر في طاكسيه دقيقة ولا الغاشي مايركبش معاه أكره وهو ماهوش فايق بروحوا.... وحد اليوم سقسا صاحبوا قالوا الغاشي ماهوش يركب معايا قالوا نصارحك وماتزعفش ريحة رجليك قاوية بزاف قالوا الطاكسيور واش ندير خلقة ربي قالوا صاحبوا ننصحك أخدم فالليل مع المخموريين أديهم لديارهم كورسة راهم مايحسوا بوالوا ....المهم الطاكسيور عجباتوا الفكرة أبدا يخدم الليلة اللولة هز واحد خامر ميت ماهوا حاصي والوا كي وصلوا أنزل الخامر وقال للطاكسيور هذي اللوطو شاعل من شوفوا ( حصان ...قوة الدفع ) قالوا الطاكسيور 12 قالوا الخمار سور راه واحد فيهم ميتلك فاللوطوا .
2. واحد مالعروبية تاع الغرب أدا وليدوا لوهرن باه يتقدم ويولي يهدر كماهوما ..المهم حطوا عند واحد صاحبوا زوفري في وهرن وقالوا خليه يلعب مع ولادهم قد مايطيق باه يدي هدرتهم وراني بعد شهر نجي نزوروا .....المهم كي كمل الشهر جا يطل عليه الطفل كي شاف باباه قالوا بويا -باباه فرح قالك الطفل ولا وهراني- شوية الطفل قالوا توحشت مويا- ( يقصد يماه ) باباه ضرب في راسوا وقالوا أيانولوا للدوار ياطفل اللي ماهوا ليك غير يعيك.
3. قالك سبع جيعان دخل وحد القرية الغاشي قاع هرب غير واحد الراجل ميقدرش يجري رقيق بزاف العظم تاع سدروا يبان كي شاف السبع بدا يشهد وكي قرب السبع قالوا الراجل يالسبع أنا خوك إلى كليتني أسرطني ديركت وماتمضغنيش ننضر.... شاف فيه السبع وعبروا مليح وقالوا لالا ماتخافش راني داير ريجيم عندي لسطومة دورتها خضرة .
4.قالك واحد من مجاعة إفريقيا بعثاتوا الدولة تاعهم باه يداوي فالخارج كي راح للسبيطار قالوا الطبيب لازم تعقب فالسكانير باه نعرف واش بيك المهم كي فوتوا فالسكانير ....السكانير بدا يصوني وكتب للطبيب NO DISK.
5.واحد طنح راح للحانوت شاف مليح ومن بعد قال لمولاه شحال الكاشير قالوا بالحق كيما تحب قالوا أقطعلي حق خمسالاف مول الحانوت جبد الكاشي باه يقسملوا قالوا لالا مشي من هاذي من ذيك شاف مول الحانوت فيها وقالوا ياوليدي هاديك يطفوا بيها النار.


6. قالك جابوني وفرنسي وأمريكي كانوا قدام جبل أيا قال الفرنسي أيا نسيوا صدى الصوت المهم أبدا هو قال بيار ....ردلوا الجبل بيار بيار بيار بيا بيا بيا ....زاد المريكاني قال جونتان ردلوا الجبل جونتان جونتان جونتان تان تان ....الجابوني قالوا ماو شيكو مادا تسيكوكوا قالوا الجبل عاود ( الجبل و مافهموش ).
7. قالك واحد لقا قرلوا فالخبز أيا راح للمخبزة وبدا يعيط أنتوما مسخين ماتحترموش الناس نشكي بيكم اليوم قرلوا غدوا نلقاو عقرب .....الخباز قالوا خليني نهدر شويا ....كي سكت... قالوا يالطنح زيد صيب زوج وتدي الطومبلا رانا دايرينها للي يلقا ثلث قرلوات فالخبز .