ثمسمذين معارك مسمن

[مليديا 08]

مرحبا بكم
اليوم جبتلكم المسمن بالتفصيل
العجينة:
درت 2كغ سميد متوسط ماشي رطب، عندي أعوام وأنا نديرو أيجي خير مرطب وبزيادة ننصحكم بسميد عمر بن عمر مكاش كيفو
4 م ك فرينة وملح وطميه بالماء ويكون لعجين يابس ماشي طري
نبيتو ليلة كامل في كيس تع بلاستيكي وفالصباح نبدا نعجن فيه ونزيد الماء بشوية وفي نفس الوقت ندوقو على الملح اذا كان ناقص نزيدلو حتى يولي لعجين طري وانخليه يرتاح ساعة



نبيتو ليلة كامل في كيس تع بلاستيكي وفالصباح نبدا نعجن فيه ونزيد الماء بشوية وفي نفس الوقت ندوقو على الملح اذا كان ناقص نزيدلو حتى يولي لعجين طري وانخليه يرتاح ساعة.

نبدا أنقرص فيه، نص أنديرهم كبار شوية والنص الثاني صغار
هادو لكبار

هادو الصغار وغطيهو بورق بلاستيكي

ونخليهم يرتاحو ساعة ويجيو كما في الصورة

بعد نشعل الطاجين وندهنو ونخليه يسخن مليح
نبداو نجبدو فيهم أنا خليت toile serrée خصيصا للمسمن نديرو فوق الطابلة وندهنو مليح بالزيت
نبدا نخدم في القريصات لكبار، ندير الزيت في يدي ونرفد حبة ونديرلها الزيت من تحت ومن فوق ونديرلها كما في الصورة


وهنا نبدا نجبد فيها، يد ترفد ويد تحط وما تنحيش يديك من العجين وتكملي ساير داير حتى تكبر وجيك رقيقة مليح

https://www.up.djelfa.info/uploads/139402576890461.jpg

نغلق زوج أطراف

ونزيد زوج أطراف لي بقاو


نديرها في الطاجين

ألي ما تخفاش السخانة تدير يدها في الزيت وتدهنها من الفوق وهي فوق الطاجين وإلا شدي مغرفة ديريها في الزيت وجوزيلها

كي تتحمر أقلبيها حت تطيب ونحيها


بعد ما تنحيها من الطاجين خليها 2 د تبرد ودخليها في كيس تع بلاستيك باش ىقعد طري وما ييبسش
هنا كملنا كل القريصات لكبار راهم طابو

نجوزو للقريصات الصغار نجبدوهم بنفس الطريقة ويكونو شوية صغار كما في الصورة

ثم ناخدو واحدة كبيرة ونغلقو عليه عادي كما المرة الأولى سمحولي هاد المرحلة ما صورتهاش ونعاودو نردوها للطاجين تطيب وتتحمر مليح
وكما المرة الأولى غير تيرد شوية ديروها في الكيس وكل ماتدخلو واحدة تانية أقلبو الكيس باش الحبات ما يتنداوش


ان شاء الله يعجبكم لأني تمحنت باش صورتهلكم كنت وحدي في الدار وفي كل مرة كان الزيت في يدي نمسح ونصور.