ارجو المساعدة

اكرامو26 · 2012-11-22, 22:24

اريد مقادير القرنطيطة وعجينة البيتزا من فضلكم

mayar07 · 2012-11-25, 13:48

اعرف انها تستخدم بالحمص المرحي والبيض والفلفل الاسود

الصمت حكمة · 2012-11-26, 16:30

تجيبي الحمص مرحي راه يتباع ، حسب الكمية اللي تحوسي أنا ندير لأولادي مول متوسط الحجم نعبر بوحد الكاس ماشي كبير و ماشي صغير ندير عبرة حمص مرحي نخلطها بـ 6 عبرات ماء و نخلط مليح نزيد الملح حسب الرغبة طبعا ما نكذبش عليك انا نذوق، وتزيدي شوية زيت كاس شاي تقريبا و نزيد من 2 بيضات أو أكثر حسب واش عندي في الدار و نخلط مليح مليح و نديرها في الفرن المسخن مسبقا 180 أو 190 درجة و هذي العفسة من راسي بعد حوالي 7 دقايق نخلطها باه تترسبش في القاع و مرات كي تكون على طياب ندير فيها قطع من الجبن هذي ثاني من راسي و كي يكون لونها أحمر من فوق خرجيها و ذري فوقها شوي كمون و إذا كنتي كيما أنا تحبي زيت الزيتون صبي فوقها شوي عند الأكل، صدقيني و الله غير خير من اللي تتباع البرا و موفقة إنشاء الله

الجواهر · 2012-11-26, 16:40

عجينة البيتزا كيما نديرها انا
كيلو فرينة يخرج ( 3 صينيات ) + ملح + شوية زيت مثلا 5 ملاعق اكل و تقدري تزيدي شوية باش ترجع تتقرمش + 3 ملاعق صغيرة خميرة الكسرة
اضيفي الماء الدافىء بالتدريج حتى تتحصلي على عجينة طرية ضعيها في كيس بلاستيكي و خليها ترتاح من ساعة ونصف الى ساعتين و الله تخرج روعة