مشكلتي

[مشكلتي]

تقدم لخطبتي شاب اعرفه و يعرفني عز المعرفة اعرفه منذ 5 سنوات و متفقين جدا عرفني بجميع اهله و رايت فيه الرجل الذي اريد اكمال حياتي معه . لكن اهلي رفضوا و اصرو علي ان لا اقبل به . مع انه ليس لديه اي عيب سوى انه ليس من بلدتي ( بين بلدي و بلده 450 كلم
متاكدة انه يحبني لانه انتظرني كل هذه المدة مع العلم انه تقدم لي منذ 3سنوات و هذه المرة الثانية التي يتقدم لي فيها المرة الاولى رفضوه بسبب انه ليس لديه مسكن خاص به . ففعل المستحيل حتى وفره و الان لم يقبلو به ايضا .لا اعرف ماذا افعل لا اريد ان اخسر اهلي و لا اريد خسارته مع انني مصرة ان لا اتزوج غيره. ارجوكم افيدوني

[المحترف اسطايفي]

اولا بوركت اختي في اختصار مشكلتك ,لكن سـأكون صريح ولن اتكلم كلام الجرائد ولا كلام الحصص التلفزيونة ,,,,هادا التفكير تاعك هو الي فسد الامة اولا كيف تقولين اني اعرفه مند خمسة سنوات والله استحي من اني اقول هدا الكلام ,,,,انا ساقول لك توبي لله عما فعلت واطيعي والديك ففيهما الخير والصلاح اما الحب هدا الي تهدري عليه كاين في المسلسلات التركية وبس احنا الدين تاعنا احرم هدا الشئ ,,انا وكشاب جزائري اطيعي والديك وخليك من هدا الشئ علبالي انت الانتي تقولي انو ما نعرف والو علي امور الحب ,,خودي راي والديك تفلحي والخير اجيبو ربي لانو كي طيعي والديك ربي اجيبلك خير منو ,,في ميزك والديك ما احبولكش الخير كي رفدوه ’’الله غالب ماهوش مكتوبك ربي شاف فيها خير ,,ولا ممكن اكون عقاب من ربي لانك اعطيتيه كي عرفتيه طول المدة ,, اما الكلام تاع االجرائد الي تقوليه احبي ومتاكدة انو احبي متفاهمين هادي هدرة راشية ,,يا طفلة شدي في الصحيح والصحيح هو ربي ,, هدا ما انقول ,,واسمحيلي على صراحتي ,

[ranou gigi]

المشاركة الأصلية كتبت بواسطة المحترف اسطايفي

اولا بوركت اختي في اختصار مشكلتك ,لكن سـأكون صريح ولن اتكلم كلام الجرائد ولا كلام الحصص التلفزيونة ,,,,هادا التفكير تاعك هو الي فسد الامة اولا كيف تقولين اني اعرفه مند خمسة سنوات والله استحي من اني اقول هدا الكلام ,,,,انا ساقول لك توبي لله عما فعلت واطيعي والديك ففيهما الخير والصلاح اما الحب هدا الي تهدري عليه كاين في المسلسلات التركية وبس احنا الدين تاعنا احرم هدا الشئ ,,انا وكشاب جزائري اطيعي والديك وخليك من هدا الشئ علبالي انت الانتي تقولي انو ما نعرف والو علي امور الحب ,,خودي راي والديك تفلحي والخير اجيبو ربي لانو كي طيعي والديك ربي اجيبلك خير منو ,,في ميزك والديك ما احبولكش الخير كي رفدوه ’’الله غالب ماهوش مكتوبك ربي شاف فيها خير ,,ولا ممكن اكون عقاب من ربي لانك اعطيتيه كي عرفتيه طول المدة ,, اما الكلام تاع االجرائد الي تقوليه احبي ومتاكدة انو احبي متفاهمين هادي هدرة راشية ,,يا طفلة شدي في الصحيح والصحيح هو ربي ,, هدا ما انقول ,,واسمحيلي على صراحتي ,

انا نوافقك الرأي خويا صح ماكانش حب في هذه الوقت لخاطر الحب يجي بعد الزواج
و الشئ الي حرموا ربي لازم نبعدوا عليه
صح ربي ماحرمش الحب لكن حرم الحب الي اكون في الحرام
و انت اختي الحب الي راك تشوفي فيه ضرك صدقني بعد الزواج راح تلقي كلشي مختلف
لخاطر بديتيه بحاجة بعيدة على ربي و هي انك عرفتيه من وراء داركم
ننصحك اختي اخذي راي داركم و تبعي واش اقولولك باش ربي اباراكلك في زواجك
و ماذابيك تصلي الاستخارة
نتمنى ماتزعفيش من كلامي
و ربي اسهلك الي فيه الخير

[samjit]

اهلا اختي

لا عيب في حبك له فالحب ليس حرام مادام فيما يرضي الله عز وجل

والعلاقات تختلف ليس كل من كان في علاقة يعني أنه دخل باب الحرام لا

اضافة الزمن تغير ووسائل التعارف تغيرت

انتي حاولي ان تقنعي أهلك به لتأخذي رضاهم لأنه لا يوجد أحسن من رضى الوالدين صحيح

لكن ليس دائما قرارهم هو الصائب هذا مجرد كلام لا معنى منه

صحيح هم يحبوننا الأهل ويخافون علينا ونحترم حبهم لنا

لكن في المقابل هناك أشياء ليسوا دائما على صواب فيها

ان كان الرجل ذوا اصل وفصل طيب ومتدين ومتخلق فمالعيب في ذلك


خاصة وأنه لستي بعيدة كثيرا عنهم اضافة أن وسائل التنقل كثيرة الآن ليس مثل قديما

وهو وفر بيت وكل شيء والله أمر مزعج منهم حقا

حاولي اختي معهم من جديد بقدر المستطاع وان شاء الله اذا كتبهولك ربي راح يكون من نصيبك


ولا تخجلي من حبك له فالحب ليس بعار وليس بحرام ان كان فيما يرضي الله

وهو موجود منذ أن ولد الانسان فهي مشاعر لا يمكن تجاهلها

الله يعينك ويوفقك نشالله

[sabrinajena]

صلاة الاستخـــــــــــــــــــــــــــــــارة

[samjit]

اضافة هناك شيء مهم

كلامنا ما هو الآ مجرد أفكار باختلاف وجهات النظر قد يوترك أكثر

لدلك أنصحك أن تحكمي أنتي عقلك وتتبعي ما يمليه عليك عقلك بكل حكمة وتشاور مع أهلك هذا أحسن حل

لأنه كل شخص سيتكلم سيعطيك حل من وجهة نظره أو يمكن من مستخلص تجاربه الخاصة

وممكن أشخاص قد مروا بتجارب فاشلة فتكون رؤياهم للموضوع بنظرة سوداوية يزيدوا يخلطوك أكثر

لدلك أنصحك حلي مشكلك بالشيء لي يساعدك ويتوافق مع حياتك لأن القرار يهم حياتك وحدك

أنت من ترسمين طريق حياتك ليس الغير من يرسمها والندم عندما تتحمليه تحملي ندمك وحدك على قرارتك وحدك ليس على قرارات فرضها غيرك عليك


لذلك الحل الأنسب حلي مشكلتك مع أهلك وحدك وأنتي من يعرف عقليتهم ليس نحن

أنا نقدر غير ندعيلك ونقولك ربي يكونلك الخير ويرضيك نشالله

[قَاسِمٌ.قَاسِم]

المشاركة الأصلية كتبت بواسطة samjit

اهلا اختي

لا عيب في حبك له فالحب ليس حرام مادام فيما يرضي الله عز وجل

والعلاقات تختلف ليس كل من كان في علاقة يعني أنه دخل باب الحرام لا

اضافة الزمن تغير ووسائل التعارف تغيرت

انتي حاولي ان تقنعي أهلك به لتأخذي رضاهم لأنه لا يوجد أحسن من رضى الوالدين صحيح

لكن ليس دائما قرارهم هو الصائب هذا مجرد كلام لا معنى منه

صحيح هم يحبوننا الأهل ويخافون علينا ونحترم حبهم لنا

لكن في المقابل هناك أشياء ليسوا دائما على صواب فيها

ان كان الرجل ذوا اصل وفصل طيب ومتدين ومتخلق فمالعيب في ذلك


خاصة وأنه لستي بعيدة كثيرا عنهم اضافة أن وسائل التنقل كثيرة الآن ليس مثل قديما

وهو وفر بيت وكل شيء والله أمر مزعج منهم حقا

حاولي اختي معهم من جديد بقدر المستطاع وان شاء الله اذا كتبهولك ربي راح يكون من نصيبك


ولا تخجلي من حبك له فالحب ليس بعار وليس بحرام ان كان فيما يرضي الله

وهو موجود منذ أن ولد الانسان فهي مشاعر لا يمكن تجاهلها

الله يعينك ويوفقك نشالله

كيف "لا عيب في الحب"وقد لطخت شرفها وشرف أهلها لمدة خمس سنوات كاملة وقالت عرفته "عز المعرفة" هذه دعوة للسِّفَاح
هداكِ الله لما فيه رضاه

[knives55]

أقنعيهم بكل الوسائل

[moholamine]

استخااااااارة

[hfhgffgvf]

يا ختي واش ديري الي دارها بيديه يحلها بسنيه و انتي واش داك تحصلي روحك و تحبي واحد قاع هاد المدة و انتي ماكيش عارفة اصلا ادا هو مكتوبك و لا لا و دوك حصلتي و انحطيتي بين نارين نارو هو الي حصلتي فيه و تعلقتي فيه و باه تنسايه بسة و ستين كشفة و حتى تتعدبي عداب جهنم و ايلا نسيتيه و نار اهلك الي ما تقدريش تخرجي عن طوعهم و تعصيهم يا اخي يحسن عونك الحل راهو في يدك وحدك يا اما تقطعي علاقتك بيه و تخليها للمكتوب و توكلي ربي او تعصي والديك و ديري دنب اكبر من الي درتيه و يدعوك بدعاوي الشر انتي قري الي تساعدك و اسفة لاني ما عاونتكش بل بالعكس زدت عليك لكني درت روحي في بلاصتك و تخيلت الموقف الي راح نكون فيه و خممت معاك بصوت عالي

[نورسين.داية]

المسافة عمرها ماكانت مشكلة ............بالنسبة لي انا بالعكس حاجة مليحة فوالدتي بعيدة عن اهلها بمسافة 10 ساعات ....و عادي لا مشكلة ........الإنسان ينظم زيارة الأهل فقط ..........

لكن المشكل الأساسي هي في طريقة تفكير الطرف الثاني قصدي العقلية ....................

بالنسبة لعوائق زواجك أختي
مسألة 5 سنوات ....................و الله ياسر .....يعني كل هذه المدة ماذا كنتما تنتظران ......؟؟؟؟؟
ممانعة الأهل .....و رفضهم .....أنا لن أقول لكي قفي ضد اهلك لكن أدعي الله و لا تنسي الإستخارة ............
لأنه لو الله عز وجل كتب لكما أن تجتمعا ...................سوف يكون دلك لا محال .................................
كثرة العوائق ......و الحواجز أنا الصراحة تقلقني ....خصوصا إذا كانت الأسباب تافهة ....................عموما وفقكي الله اختي

[نورسين سوف]

ربي يوجهك الي فيه الخيييييييييير

[Ayad Gsm]

ربي يهديك و يسدد خطاك الى ما فيه الخيرأتمنى لك أختي كل الصلاح و السعادة و ان تكون نهاية هاته المعضلة حسنة لك ان شاء الله.

[فانيسا]

واشنو هدا كامل طيحت على الطفلة هي طلبت رايكم في موضوع كيفاش تقنع دارهم ماشي رايكم في العلاقة الى حلال ولا حرام وزيد الاخ لي ايقولها عندك خمس سنين تلطخي في شرف العايلة هادي ماشي هدرة الانسان كي يرد يعرف كفاش يهدر ، والاخت انت تعرفي عقلية داركم والراجل لي راكي معاه الحل في يدك انت شوفي كانش واحد من العيلة يقدر يتوسطلك عند باباك ويقنعو وزيد باباك يقدر ايروح مين يسكن ويسقسي عليه مليح هكدا يتطمن لان الاباء تاعنا من خوفهم علينا ميحبوماش انبعدو لكن ماتعرف منين ايجيك الخير كاين البرانية خير من لي تعرفي وصلي الاستخارة والثلث الاخير من الليل وادعي ربي مع الالحاح في الدعاء وربي اينور طريقك

[نسمة 16]

الحب ليس حرام ياقوم لكن طريقة الحب ووقت الحب هو لي نحكمو عليه
يابنيتي تبعي راي اهلك متندميش وراني نتكلم عن تجربة اهلك هوما لي يدوملك الى خسرتيهم ميتعوضوش فهمتي