حلوى بدون سكر بصح مذااااااااق روعة

[ام طهى]

السلام عليكم البنات جبتلكم وصفة انتع حلوى بصح مافيهاش السكر واللي يذوقها يقول مستحيل مافيهاش السكر
نخليكم مع الصورة والا عجبتكم نحطلكم لا غوسات

وهادي حبة وحدة لاول وحدة ترد <<هههههههههههههه نمد غير بالحبة ماشي الصحن كامل

المقادير:
250 غ زبدة
علبة صغيرة شامية
كأس كاوكاو مرحي
افاني
نصف باكي خميرة الحلوى(نوارة)
فرينة
هادا مكان مايديش ياسر حوايج واللي تحب تجرب هادي المقادير ومبعد ضاعفيها
الطريقة:
ميكسي الزبدة وزيديلها الشامية ثم الكاوكاو المرحي والفاني والخميرة وشيحي بالفرينة كيما الصابلي ويطيب غير من التحت برك لازم تعسيه ميديش وقت بصح راكم تشوفو في لونه بني بارد على خاطر فيه الكاوكاو
كيما يطيب نحيه بشوي وخليه يبرد ومبعد لصقيه بالكونفتير والجوانب ديريها بالكونفتير والقوفرات المرحي وزيني بالشكولا خطوط كيما تحبي
ملاحظة هامة:كيما تبداي تحلي في العجينة انتاعك حليها فوق النيلون وحتى من الفوق مغطي بالنيلون باش تجيك طريقة ساهلة ومايتعبكش
يعني العجينة العجينة مغطية من الفوق ومن التحت والسمك كيما الصابلي


ماتنسونيش بدعوة حلوة ربي يحفظلي ابني من كل شر