ساعدوني يا لبنات وخاصة البرايجيات

[مشكلتي]

واش راااااااااااكم لاباسسسسسسس

المهم انا لدي مشكلة وهي انوا تمت خطبتي في حوالي شهر وجات اموا وعجبتها ومن بعد كنت متفاهمة معاه نديروا 7ملايين +الشرط الي هو دهب واتفقنا لكن كي قال لاموا قالتلوا قلها تتصل بيا اتصلت انا بيها وقالتلي يا بنتي راكي غليتي عليا نقصيلي قلتلها صحا 5+خاتم 1وسنسلة ومنقوش ومسايس ونحيتلها الجهاز قالتلي زيدي نقصيلي ما فهمتش واش انقص انا ماما ما جيت نقنعها بسيييييف بلي نقصت وهو قالي ما نجيش حتى تتفاهمي مع يما مليح على الشروط وعلما انا من الغرب وهو من برج بوعريريج ورح يكري سكن هو قالي دبرواااا راسكم
دبروااااااا عليا بليييييييييييز وامي دايما تقولي كيفاش ما ولاش خطبة شهر وما رجعش ما لقيت واش نديررررررررر
قولولي يا البرايجيات وانتوما واش اديروا وماهي عاداتكم

[شقراء سوف]

قوليلي لوالدتك كي نيسرو عليه يرجعولنا

[pseudoname]

يا سبحان الله.النفس البشرية رجعت تجارة
قال الرسول عليه الصلاة و السلام(ايسرهن مهورا اكثرهن بركة.) و زيد نورمالو علبالكم بلي سعر الدهب راه غالي بزاف.ادا راكي تحبيه فعلا علاه نقصتيلو من الدراهم و ما نقصتيلوش من الدهب.لانو علبالك انو 2 ملاين الي نحيتلو مكان والو بالنسبة للدهب.و نقولك حاجة اخرى نحن هنا في الشرق المهر راهو 15 مليون فيها كل شئ اما انت على حساب ما نشوف الدهب تاعك رايح يسقام في 30 مليون
اللهم المستعان
اللهم يسر على شباب الجزائر
يسرو و لا تعسرو هكا قال نبينا محمد (ص)
سلام

[الصحة النفسية]

السلام عليكم : أختي أنا من ولاية بجاية و هي قريبة من ولاية البرج نفس العادات تقريبا ، سأختصر عليك ، عادة نحن نقدم للعروس مبلغ 8 ملايين يشمل كل شيء مهر ذهب و جهاز ، تأخذ منه العروس مبلغ رمزي صغير كمهر و الباقي يكون ثمن ذهبها و جهازها ، و أحيطك علما حدود منطقة القبائل ، البرج حتى سطيف ، لا يعطون اهمية كبيرة للذهب مثل ولايات الغرب كما سمعت ، عزيزتي يسروا و لا تعسروا فليس الفائدة في الذهب أو المال فهو يعوض الفائدة في معدن الرجل الذي سترتبطين به مستقبلا ، إذا كان نفيسا أم لا ...وفقك الله أخيتي و سدد خطاك...

[أسـماء]

قوليلو قدر ماقدرت جيب

[mamia]

المشاركة الأصلية كتبت بواسطة مشكلتي

واش راااااااااااكم لاباسسسسسسس

المهم انا لدي مشكلة وهي انوا تمت خطبتي في حوالي شهر وجات اموا وعجبتها ومن بعد كنت متفاهمة معاه نديروا 7ملايين +الشرط الي هو دهب واتفقنا لكن كي قال لاموا قالتلوا قلها تتصل بيا اتصلت انا بيها وقالتلي يا بنتي راكي غليتي عليا نقصيلي قلتلها صحا 5+خاتم 1وسنسلة ومنقوش ومسايس ونحيتلها الجهاز قالتلي زيدي نقصيلي ما فهمتش واش انقص انا ماما ما جيت نقنعها بسيييييف بلي نقصت وهو قالي ما نجيش حتى تتفاهمي مع يما مليح على الشروط وعلما انا من الغرب وهو من برج بوعريريج ورح يكري سكن هو قالي دبرواااا راسكم
دبروااااااا عليا بليييييييييييز وامي دايما تقولي كيفاش ما ولاش خطبة شهر وما رجعش ما لقيت واش نديررررررررر
قولولي يا البرايجيات وانتوما واش اديروا وماهي عاداتكم

حنا عندنا يمدو الشرط برك لهو المهر بين 8 و 10 ملايين فقط

تشري بيه الجهاز والذهب وكلش

عندنا الطفلة هيلدير الذهب لروحها خاطي الراجل
عليه بخاتم الخطوبة والزواج برك

وكما قالت الاخت
يسروا ولا تعسروا
ماهوش الصح في الذهب واللبسة
المهم لهنا

ربي يوفقك اختي

[شيء من رجاء !]

كل هذا الذهب ؟ + الشرط
كان الله في عون الشباب
عندنا 8 أو 10 + خاتم والشباب ليس راض

حاولي إقناع والدتك ، أن البركة في القليل ، والمهم الرجل الصالح .. في هذا الوقت من تجد رجلا صالحا تدفع هي له مهر

[ام يوسف 2737]

شوفي اختي عينك هي ميزانك والشرط الي درتيه هو الي يندار فالغرب والامهات ما ترضاش باقل من هذا والي ما يجي مع العروس ما يجي مع البرنوس كيما يقولو بصح الا كان الراجل يستاهل وتعرفي بلي يديرلك الذهب من بعد الزواج ما تفرطيش فيه يعني المهم عقليته وخاصة انه راح يديك بالشرط تاع منطقته يعن ما داكش رخيصة على بنات بلاده ارى ان 15مليون وخاتم فيها بركة وباقي الذهب اذا كنت خدامة ديريه من عندك وبرحي بيه من دار الراجل المهم تتهناي في زواجكو حظ سعيد

[pseudoname]

دهب .......دهب.......دهب.......واشنو هدا.ما هو الا مجرد معدن اصفر لا يغني و لا يسمن من جوع.ف العوض تحوسو على الدار و مستلزمات المعيشة الكريمة.
صدق الله القائل في كتابه الكريم
(أومن ينشؤ في الحلية وهو في الخصام غير مبين)
حقا ان المراة لا يهمها شئ في الدنيا الا الزينة

[حزن بحر]

حبيبتي حنا هنا يمدو 10 ملايين ويحنو على لويزتين وخاتم الخطبة فقط ويزيدو يمدولك حق العشاء نهار العرس
وجايتهم بزااااف
راكي طلبتي بزاف على الاقل اطلبي السلسة والخاتم وين رايح بالمسايس

[عآصم]

المشاركة الأصلية كتبت بواسطة حزن بحر

حبيبتي حنا هنا يمدو 10 ملايين ويحنو على لويزتين وخاتم الخطبة فقط ويزيدو يمدولك حق العشاء نهار العرس
وجايتهم بزااااف
راكي طلبتي بزاف على الاقل اطلبي السلسة والخاتم وين رايح بالمسايس

ماشي جايتنا بزآآآآآآف ، هي أصلآ بزآآآآآآآآآآآآآآآآآآآآف

فهمانة خيتــــُو ؟

[hfhgffgvf]

يا اختي كترتي عليه انا تاني من الغرب لكن ما نطلبوش كل هده الكمية من الدهب و الشائع في الاعوام الاخيرة هي 15 مليون و الشرط ادا تفاهمو الجماعة و ادا ما تفاهموش و لا ما عندوش ينحيولو الشرط و انتي الدهب الي راكي طالباتيه كارثة كبرى كي يخدم طول حياتو و ما يلموش و راكي عارفة شحال راهو للغرام اختي ديري النية و سهليلو و انا من رايي تطلبيلو من 10 الى 15 و حاجة دهب خفيفة سهلي باه ربي يسهلك

[~~ أغيلاس ~~]

هنا في العاصمة لا يشترطون الذهب على الإطلاق، حسب علمي و حسب كل الزيجات التي حضرتها و سمعت بها، عادة الذهب تلاشت منذ سنوات،

المهر من 5 ملاين إلى 15 مليون حسب مقدرة الزوج و لا ذهب و لا هم يحزنون، مع الخاتم طبعا و غيرها من الصغائر .

[نورسين.داية]

المشاركة الأصلية كتبت بواسطة مشكلتي

واش راااااااااااكم لاباسسسسسسس

المهم انا لدي مشكلة وهي انوا تمت خطبتي في حوالي شهر وجات اموا وعجبتها ومن بعد كنت متفاهمة معاه نديروا 7ملايين +الشرط الي هو دهب واتفقنا لكن كي قال لاموا قالتلوا قلها تتصل بيا اتصلت انا بيها وقالتلي يا بنتي راكي غليتي عليا نقصيلي قلتلها صحا 5+خاتم 1وسنسلة ومنقوش ومسايس ونحيتلها الجهاز قالتلي زيدي نقصيلي ما فهمتش واش انقص انا ماما ما جيت نقنعها بسيييييف بلي نقصت وهو قالي ما نجيش حتى تتفاهمي مع يما مليح على الشروط وعلما انا من الغرب وهو من برج بوعريريج ورح يكري سكن هو قالي دبرواااا راسكم
دبروااااااا عليا بليييييييييييز وامي دايما تقولي كيفاش ما ولاش خطبة شهر وما رجعش ما لقيت واش نديررررررررر
قولولي يا البرايجيات وانتوما واش اديروا وماهي عاداتكم

علابالي رأي موش راح يعجبك .............لكن اختي لا تدخلي العادات و التقاليد في إعتبارك و اتركي الغير يقولون ما سشاؤون ....الأهم هو بمعدن من سوف تتزوجين .....و إذا كان هو لا يستطيع مادايا فلا تكلفيه أختي ....حتى مع ربي تظلميه .................فكري في إستقرار حياتك معه بدون ديون بعد الزواج ...................الدين راه حمله ثقيل على كاهل الرجل

عزيزتي .....أتركي والدك يتفق معه على حسب مقدرته و السلام

الراجل لما يكون مليح الدينا و ما فيها ..............................ربي هنيك عزيزتي ووفقك لما يحب و يرضى

[abdel02]

أنا أعرف أن الإتفاق على الشرط مهمة الرجال...
كما أعرف أن الراجل اللي طلبولو غالي يشوف على حساب جيبو...واش من قيمة بقات لهذا الراجل إذا بدا كل يوم يتصل ويطلب ترخصولو في السعر...
والمؤكد أنه ستشكل هذه النقطة منطلق العديد من الإختلافات الزوجية لأنه شرط التراضي يكاد يكون غائبا ...