مرحبا بالغاليات عيدكم مبروك حبيت اليوم نشاركم في وصفة من وصفاتي المفضلة وهو الصابلي هذا خدمتو وقدمتو يوم العيد
المقـــــــــادير :
- 250 غ زبدة طرية
- 2 بيضات كاملتين + 2 صفار فقط
- كاس سكر بودرة
- كاس مايزينة (نشاء)
- ملعقة صغيرة خميرة منديرش الكيس كامل باش شكل حبة الصابلي يخرج شباب
- فانـيليا + قشور ليمونة
- فرينة حسب الحاجة
للتزيين:
_شوكولاطة ذائبة
_مربى الفراولة او لاجولي ملون بلون غذائي احمر مضاف له عطر الفراولة
طريقة التحضيـــــــــر :
نخلط الزبدة الطرية مع السكر غبرة انا نستعمل كف اليد حتى يولي كيما الكريمة ثم نضيف البيض و فانيليا الكل مع بعض ثم نضيف النشاء والخميرة ونجمع العجينة بالفرينة حتى تصبح عجينة طرية ونتركها ترتاح قليلا
في سطح العمل نرش القليل من الفرينة ونحل العجينة و نقطعها الى اشكال انا استعملت مربع ثم نحطها في بلاطو تاع الفرن وندخلها للفرن الساخن تطيب يجب ان تحافظ على لونها الابيض من الفوق
بعدما طيب نتركها لتبرد بعدها نلصق كل حبتين مع بعض بالمربى او لاجولي ثم نضع القليل من مربى الفراولة في التجويف الموجود في الاعلى كما يمكننا استعمال لاجولي المضاف له القليل من الملون الاحمر وعطر الفراولة
للتزيين نذوب الشوكولاطة مع القليل من الزبدة ونتركها لتبرد بعد ذلك نملأ كيس التزيين و نزين حبات الحلوى بخطوط من الشوكولاطة ونتركها لتجف ونقدمها ...
نتمنى تجربوها لانها رائعة شكلا و ذوقا وتذوب في الفم
( تقرير عن مشاركة سيئة )، و الموجودة أسفل كل مشاركة .
2014-10-05, 20:45
صابلي رووووعة
العرض الشجري