ثاني تطبيقي للبسبوسة ( الهريسة بالنسبة للغرب )

safioo · 2012-07-31, 13:15

السلام عليكم ورحمة الله وبركاته

هذا ثاني تطبيق لي مع البسبوسة وهذا المرة جات بنينة وتذوب في الفم
مي هذا المرة جربتها بالسميد الرقيق
ودرت النواد كوكو + الزاست باه نحي طعم البيض والزيت وجات مممممممممممممممم
وبابا عجباتوا وانا ألي ما نحبش البسبوسة نخدمها غير لصحاب الدار كليت منها تقولي قاطوا من البنة
وهاذي تصويرتها

[IMG][/IMG]

ألي تحب الوصفة راني ديجا حطيتها في موضوع سابق أو تطلبني نحطهالها هنا
رمضان مبارك

الزهرة المضيئة · 2012-07-31, 19:02

انا درتها اليوم و ما طلعتش
ما جاتش مليحة
كيفاه درتيها نتي
يعطيك الصحة

fati13 · 2012-07-31, 20:06

خرجتلك هايلة يابنت لبلاد يعطيك الصحة

safioo · 2012-07-31, 23:43

اقتباس:

المشاركة الأصلية كتبت بواسطة الزهرة المضيئة

انا درتها اليوم و ما طلعتش
ما جاتش مليحة
كيفاه درتيها نتي
يعطيك الصحة

سلام أختي
أنا درت 2 كأس سميد رقيق هو يجي ما بين الرقيق بزاف نتاع العجين وبين المتوسط المهم رقيق - نصف كأس نواد كوكو - 2 بيض - كأس سكر - نصف كأس زيت - كاس حليب - 1 خميرة كيميائية - 1 فاني
1- خلطي المكونات الصلبة مع بعض
2- خلطي كل المكونات السائلة مع بعض
3- خلطي المكونين وخلطيهم مليح
4- دهني صينييتك مليح بالزبدة
5- حطي مزيجك في الصينية وحطيه في فرن حميتيه مسبقا
6- مع مرور بعض الوقت دوري الصينية في الفور اذا كان كهربائي باه ما تجيكش جهة طالعا وجهة هابطا
وعسها قد ما تشوفيها حمارت دخلي فيها خدمي وجبديه وشوفيها لاطابت
وبعدين خليها تبرد
حمي العسل نتاعك ( انا ندير عسل نتاع القوطي + شوي ماء ) ونسخنه
وبعدين سكبيه فوقها وزيني بنواد كوكوا
سييها ورديلي الخير تجي بنينة
بالتوفيق أختي