وسع راني جيت -kamilia là -

[kamilia-1997]

قالك اضحك للدنيا تضحكلك و انا نقولك اضحك للدنيا و هاهو وجهي لكان ضعكتلك
المهم راكم ملاح متوحشتونيش ؟؟؟؟؟ جبتلكم نكت fort

أحسن شعور
.
وقت يشدك طفل صغير من صبعك بيدو كاملة...تحس روحك دينصور !
ـــــــــــــــــــــــــــــــــ
في العائلات الجزائرية فقط
يسناو يجو الضياف مثل خوالك او اعمامك و يبداو يمنشرو فيك
ما يرفدش حوايجو..فنيان...ما يحبش يقرا...تسوفجلي...ما يعاونيش..ما يخادش الراي...يرقد بحوايجو...ما يغسلش رجليه
و غيرها من التهم و ممبعد كي يروحو تحكم يماك تقولها شبيك تبهدلي فينا فتقول لك الجملة المشهورة
اسكت نبعدو العين وشبيك وليدي
ــــــــــــــــــــــــــــــــــــــــ
لتلميذ الجزائري
كي يجاوب في الامتحان
و يكون غير متأكد من الإجابة
يكتب بخط ماشي واضح باش ميعرفش يقراها الاستاذ
ــــــــــــــــــــــــــــــــــــــــ
الجزائري فقط
يكون يحكي معاك ويكذب ويزيد يحلف على الكدب
غير يسمع الاذان يزيد التأكيد
و يقولك المقولة الشهيرة
الله أكبر على الحق .. شفت بلي مانيش نكدب
ــــــــــــــــــــــــــ

‫تعلمت من الأفلام المصرية :
.
انهم لا يملكون مستشفيات..، ههععهع كي يمرض واحد فيهم يعيطوا للدكتور يجي للدار و معاه كرطاب فيه السماعة و مين يجي خارج يعيط لواحد
ويقولهم : خلوه يريّح شوية خخخخخخخخ
ــــــــــــــــــــــــــــ
لبارح فاالليل دخل سراق للدار
يحوس علي الدراهم
نضت ما الفراش...
ورحت نحوس معاه
هههههههه
ـــــــــــــــــــــــــــ
جزائرية تقول : كنت حابة نقص شعري بصح خفت من راجلي
رحت قلت لراجلي : راني حابة نقص شعري تضامنا مع مرضى السرطان ؟
قال لها راجلها : ما تخلينيش نقصلك رجليك تضامنا مع المعاقين
ــــــــــــــــــــــــــ
أفكار جهنمية
تبعث لرقم عشوائي ميساج نقولو

"خلاص راني دفنت الجثة "

ولا تكون راكب فالطاكسي وزعما تحكي فالتليفون تقول
... '' واالله والو ياخو معنديش مام با باش نخلص الطاكسي "
هههههههههههههههههههههه

ولا عيط لكاش واحد فالتليفون على الفجر اذا جاوب عليك قولو :
'' حنا خدمة جديدة نتاع موبيليس "ايقضني للصلاة "
هههههههههههههههههههههههه
يقولك انا مسيحي نورمااال خخخ
ـــــــــــــــــــــــــــــــــــــــــ
دزيري 1 : أنا راني نايض من السبعة تاع الصباح
دزيري 2 : أنا قمت من الستة :///

دزيري 1 : أنا ما كليت والو من الصباح
-تدزيري 2 : أنا من البارح فطرة سندويتش طوماطيش بالخبز موال ما درتش لقمة في فمي(((
...
دزيري 1 : أنا يما ميتة
دزيري 2 : أنا ما نعرفش يما اصلا :'(((
الجزائريين ديما يتعاندو شكون إلي عايش حياة مأساوية أكثر
ــــــــــــــــــــــــــ
قلت لخويا راني عطشت
راح ناض جابلي كاس ما o_O
استغربت قتلو منين جاتك هاذي موالف كي نموت ما علابالكش بيا

قالي قريت في كتاب من سقى كلبا دخل الجنــــة

ههعهعهعهعهع جرحلي لي سونتيمون

ـــــــــــــــــــــــــــ
شاب : تسمحيلي ختي دقيقة .... الله يجازيك .... !!!!!.
البنت : * ماهيش مقيماتو خلاص... والو *
الشاب : ربي يعيشك ختي والله غير نيتي صافية .. الله يخليك دقيقة !!!
البنت : تفضل .. خيييير o_O ؟؟؟؟؟
... الشاب : دقيقة برك من وقتك ... الوالدة نتاعي راهي في هادا الحانوت ... دقيقة نعيطلها تجي تشوفك .... ربي يعيشك !!!!!!
البنت باحراج شديد و راسها طايح في الارض : ممممم صاحا بصح ما .....
تطولش عليا أوكي ..
جات والدة الشاب ...
الشاب : يمّا .. راكي تشوفي في هاذي الطفلة ؟؟
شوفيلي وحدة كيما هاذي بصح تكون طويلة شويا عليها !!!!!!!!!!!!
ههههههههههههههههههههه
شعب مريض
ــــــــــــــــــــــــــــــ


مزطول يعقب في البارمي.........
قالو الانجينيور :كون تجيك سيارة على اليسار واش دير
قالو المزطول : نهرب لليمين
زاد قالو وكي تجي على اليمين
قالو المزطول : نهرب لليسار
قالو : وكون تجيك zig zag
قالو المزطول :

لا جات zig نهرب للzag ولا جات zag نهرب لل zig‬
ـــــــــــــــــــــ
عجائب قناة النهار
راح باع 4*4 باش يشري كيوكيو و يقدر يقاري

ـــــــــــــــــــــــ
ي الجزائر فقط !!

الشعب قع فاميلت كريستيانو وميسي لوكان تطيح لهاذ الزوج يطيحولك بيماك
ــــــــــــــــــــــــــــــ
https://fbcdn-sphotos-a-a.akamaihd.n...48432136_n.jpg
https://fbcdn-sphotos-a-a.akamaihd.n...39058359_n.jpg
https://fbcdn-sphotos-b-a.akamaihd.n...78821441_n.jpg
https://fbcdn-sphotos-b-a.akamaihd.n...18875283_n.jpg
https://sphotos-d.ak.fbcdn.net/hphoto...13626504_n.jpg
https://sphotos-h.ak.fbcdn.net/hphoto...99790316_n.jpg
https://sphotos-a.ak.fbcdn.net/hphoto...17997096_n.jpg
https://sphotos-g.ak.fbcdn.net/hphoto...44966218_n.jpg
https://sphotos-d.ak.fbcdn.net/hphoto...79133670_n.jpg
https://sphotos-e.ak.fbcdn.net/hphoto...02211896_n.jpg
https://sphotos-d.ak.fbcdn.net/hphoto...32687716_n.jpg
https://fbcdn-sphotos-b-a.akamaihd.n...52857612_n.jpg
https://fbcdn-sphotos-h-a.akamaihd.n...18155467_n.jpg
https://fbcdn-sphotos-d-a.akamaihd.n...90397727_n.jpg
https://fbcdn-sphotos-h-a.akamaihd.n...39969880_n.jpg
https://fbcdn-sphotos-f-a.akamaihd.n...01810099_n.jpg
غدوة عندي اختبارات ادعولي