مشكل

مشكلتي · 2012-11-11, 19:41

كنت اريد فتاة للزواج و معجب بها كنت اتبعها كل يوم الا ان جاء اليوم و صاحتها و حين صارحتها قالت لي افكر و اخبر اهلي
و حين رجعت لها بعد اسبوع باش نبطل لانني احيانا احبها و اخرى اكرهها لانني متعلق بفتاة اخرى رفضتني
و لانني لا احب ان ارتبط بفتاة تدرس فماذا ساجني منها الا التعب رغم انها تحضر في الاسبوع مسائين و هي ماستر و ستعبر للدكتوراه لانها من المتفوقين
كنت ااحلم بالزواج من فتاة تعمل في التعليم كي تساعدني في المصروف و تساعد امي بالبيت
اثرت معها مشكلة الدراسة و كنت اريدها ان تتنازل عنها
و حين رايت انها متشبثة بدراستها قلت لها كل في طريقة
و كي لا اجرحها استعملت خطة الدراسة
الفتاة لم تجبني باي حرف و ذهبت و احترمت رايي
هنا عرفت انها لا تحبني فلو كانت تحبني لتنازلت عن دراستها لاجلي
لكنني حين علمت من اوساط مقربة لها انها اخبرت اهلها بانني ساتقدم لها و هي محرجة منهم و اصبحت في نظرهم متلاعب بها
فهل حقا تلاعبت ببها و لست رجل ؟

/زهرة عصفور الجنة/ · 2012-11-12, 08:51

أظنك تعرف الجواب ولا تريد أن تعترف

loubna2 · 2012-11-12, 09:32

الجواب عندك

انت اللي تعرف نيتك ماشي حنا وزيد راك تقول بلي راك صبتلها السبب فقط

ربي يهديك ثبث رايك وفكر مليح واش حاب قبل ما تقدم

انا رايي هذي نجاها ربي منك انت انسان اناني وماش قد كلمتك

faty05 · 2012-11-12, 09:56

أفكارك مشوشة و افعالك اكثر
انت لي تقرر ان أردتها عاملة ام ماكثة
قارية ام لا
كي تقرر تم أتقدم مش تبقا تتمسخر في امور الزواج

ايمان نور الجزائر · 2012-11-12, 12:18

قصتك اشبه بالاحجية احبها مرة اكرهها مرة
في الحقيقة انا معجب باخرى لان هذه تدرس
وانا لم...لالالا
هيا باينة ...اعتذر للبنت واهلها

sali-sali · 2012-11-12, 12:24

كيفاه هدي مرة نحبها و مرة لالا
يا خويا اصلا واش من حب هدا لي راك تهدر عليه
تحوس عليها روح لدارهم بركانا من اللعب
ونزيد كيفاه حابها هيا تتنازل على دراستها ادا تحب
علاش مش ادا انت تحبها تتنازل و تخليها تدرس

annaa · 2012-11-12, 12:29

اقترح تروح لاهلها و تقولهم شرطك

و بالتالي هي راح ترفض و انتا تهني ضميرك

وما تعاودهاش خاطر تلاعب هذا و راك عارف

شقراء سوف · 2012-11-12, 13:38

حاب وحدة تساعدك في المصروف من هنا تتجه مباااشرة لمؤسسات التعليم وابدا عملية البحث و حاب وحدة تساعد والدتك في البيت من هنا تتجه مبااااشرة للي خدمتهم في دارهم مش رايح لوحدة طموحها كبير ومزالت حابة توصل لدكتوراه وتقلها ريحي في الدار وساعدي والدتي مستوى التفكير تاعك وتاعها في النقطة هذي بالذات راهي مختلفة جدآآآآآآآآآآآ ///مد رجليك قد لحافك /// ولا تقول لكان جات تحبني تتوقف عن دراستها عنجالك علاش انت تحبها ؟؟؟ على قولتك راك متعلق باخرى رفضاتك وبقطع اليد رفضاتك على التردد ولا معندكش كلمة معاها /// بالتوفيق

اسعى لرضى الله · 2012-11-12, 13:48

نقولك واش عجبني ؟

كنت ااحلم بالزواج من فتاة تعمل في التعليم كي تساعدني في المصروف

الرجال تاع بكري كانو يغيرو على نساهم عليها كانو النسا بعد يحترموهم وكانو ميرضاوش حتى واحد يعاونهم خلي يا يسنا تعاونو مرتو تبالي تقتلو وميقبلش

علابالك اصلا كون تروح تقولها لوحدة علابالك واش تفكر ؟ لالا خلينا واش تفكر كيعاد او علابالك واش راح تقول

علابالك كون يكتب ربي بيناتكم تعود متحطكش طول راجل الدار ومن بعد راح تجي لقسم مشكلتي تقولنا مرتي اي مش معبرتني بيانسير مش راح تعبرك هي في ميزها تزوج راجل يخدم عليها ويخاف عليها تخرج ويخليها معززة مكرمة مشي تعاونو في المصروف

كيعاد يا ولد الناس ربي دار الزواج باش الراجل يخدم برا ويدمر هكا طبيعة الراجل والمراة تخدم في الدار وتلتا براجلها وبولادها المراة يا اخي مخلقهاش ربي للزقاقات باش تنوض على 7 تحشر الرجال وتروح على 7 تاع العشية

وبيانسير تلاعبت بيها كيفاش تروح عند وحدة تقولها نخطبك ومن بعد تقول

ل لانني احيانا احبها و اخرى اكرهها
علاش اك تلعب في مسلسل مكسيكي ؟؟؟

الراجل باش يكون في علمك يقيسوه الناس من كلمتو وكما يقولو كلمة الراجل رصاص كي تفوت تخرج صاي مستحيل يدور فيه

شقراء سوف · 2012-11-12, 13:52

ونسيت مقتلكش الي حابها تساعدك وتساعد والدتك جيبها من كوكب اخر بلاك تلقى اما هنا مظنيتش /////كان لقيتها تعاونك متقدر تعاون والدتك وكان عاونت والدتك متقدر تعاونك /////// مهيش روبو راهي بشر/////

سجل أنا جزائري · 2012-11-12, 14:52

ya khoya faham ro7ak wach t7awas fi mra w mba3ad 7awas

matb9ach tchouf hadi w mba3ad tbatal zwaj mich la3ba

~ ســارة ~ · 2012-11-12, 15:03

سانساغمون انت انسان طماع تحوس على وحدة تعاونك ماديا و تعاون اهلك و هي مسكينة وشكون يعاونها طلبت قرايتها تكملها وين المشكل ؟؟هاك بالخف تخليت عليها و قلتلها كل في طريق
يعني مطلب ما حققتولها ياخي اناني
هي راهي عرفتك ماتسواش فراك.............. تفكر غير في رحك اناني 100/100
و كان جيت صح راجل ما تلعبش ببنات الناس مرة ايه و مرة لالا ماكش عارف راسك من رجليك
في نظرك الزواج تجيب مرا تخدم عليك و على اماليك يا اخي خاف ربي هدف الزواج وين راهو ؟؟؟؟
,,,,,,,,,,,,,,,,,,,,,,,,,,,,,,,,,,,,,,,,,,,
اااااااااااااااه نسيت لقراية ماتجيبش الدراهم و الخدامة معليهش تخدم عندها ورقة شيك ومعليهش تزاحم الرجال أأأأأأأأااه يالرجلة وين راحت و من باعد يقلك العنوسة و مالقيتش بنت الحلال
يا اخي حالة يظهرلي راك غيران منها كي راهي قريب تولي سنة اولى دكتوراه تولي بروف جامعه و علاه تبطل مابقالها والو و كامل راهم متزوجين و يقراو
باين عليك تحب تاكل خبزك افطير و المطلوع خليه لماليه
اتفكت منك راضي عليها ربي و ربي يرزقها ماخير و انت ابقى مع حبك القديم
أدا بقيت تفكر كيما هاك و الله ما تتزوج في حياتك
لان الرجل كي يتزوج كيما يحب لاختو يحب لبنت الناس علاه كي يجوكم خطابة لخواتاتكم تولو عنتر و تتشرط و اختي تقرا و تخدم و تسكن وحدها ...................و بنت الناس نبطلها و تسكن مع اهلي و تخدمهم ؟؟؟؟؟؟؟؟؟؟؟؟؟؟؟؟؟؟؟؟؟؟؟؟
الزواج راهو شراكة بين اثنين و ليس شراكة واحد و اخر لالا هاذي شراكة مشلولة
تفكير ذكوري ربي يهديك

hayet04 · 2012-11-12, 15:20

pfffffffffffffffffffffffffffffffff gadach fi omrak 18 ans

سمو امير الكلمات · 2012-11-12, 16:15

الزواج مسؤولية و زواج ليلة تدبارو عام خمم منيح مع راسك هذا واش نقول

AMINA.Z · 2012-11-12, 18:42

اناني
تحوس غير على واش تحب انتا تحبها تتنازل على جالتك و تعاونك في المصروف و زيد تخدم على امك
الصراحة مازالك صغير على الزواج
الزواج هو مشاركة بين اثنين ماش عقد ملكية انت المالك و المراة هي السلعة