صديقتي الكاذبة

[مشكلتي]

مشكلتي اخوتي عندي صديقة كذابة و الكذب ديالها مرضي في الاول كان الموضوع ممتع نوعا ما يعني حتى كي نفيق بلي تكذب نخليها تكمل نحب نشوف الخيال وين يديها و الى اي حد توصل في الطريق للجامعة تقدر تشد 45 دقيقة في حكاية ما عندها لاساس لاراس جبدتها هي و بطلة الفلم هي و الاخراج وكل شيئ
درك راهي تقلقني وليت نخافها و نحسها ما عندهاش حاجة خاصة بيها و ثانيا ما وليتش مهتمة كي تكون تحكي و تفيقلي بلي مانيش مهتمة بيها و الامر الاخير انه بعض الصديقات كي فاقو عادو يتمسخرو بيها و هي ما تلاحظش يعني يجروها باش تجبد حكاية و تقعد تخترع و يتغامزو عليها و يظحكو يعني كل الناس فاقو و انا ما نكدبش احيانا كان يديني النيف و ندافع عليها لكن في الاونة الاخيرة راني حابة نجبد روحي مباشرة بصح ما كاش كيفاش هي متعلقة بيا لاننا اصدقاء الطفولة بكري ما كانتش هاكا و ايظا هي انسانة ساعدتني بزاف بصح عدت ما نحملهاش على هاد العادة و خصوصا كي كل الناس فاقت