من الذي لا يرحم؟

[مريم الصابرة]

...................

[كاميلا]

افعل كما تشاء كما تدين تدان في مرة من المراة قامت قريبة لي بشتمي شتما في جرح معنوي كبير في المساء بعد مرور ايام قالت لي كيما سبيتك في هاديك لعشية تسبيت وسبوني
الجزاء من جنس العمل والي مرحمش يتحط في نفس الموقف ارحموا من في الارض يرحمكم من في السماء

[sali-sali]

شكرا اختي مريم الصابرة على الطرح المميز
الدي لا يرحم هم نحن البشر
تضحكي حاجة يقولك الدنيا ماترحمش،الوقت مايرحمش، المجتمع مايرحمش..........

ايه المجتمع راني معاهم فيها يعني الافراد،ناس،رجال،نساء
لكن احنا ولينا نتعمدو نعطو تبريرات خاطئة لبعض المفاهيم
ربي يجيب الخير

[الباديسي]

الراحمون ير حمهم الرحمان

[مريم الصابرة]

المشاركة الأصلية كتبت بواسطة كاميلا

افعل كما تشاء كما تدين تدان في مرة من المراة قامت قريبة لي بشتمي شتما في جرح معنوي كبير في المساء بعد مرور ايام قالت لي كيما سبيتك في هاديك لعشية تسبيت وسبوني
الجزاء من جنس العمل والي مرحمش يتحط في نفس الموقف ارحموا من في الارض يرحمكم من في السماء

السلام عليكم
اختي هذي كما تدين تدان كاينة وتكون تعرفي عندنا واحد بناتو بالجلباب والستار وعلاش ماشي على جال ربي على جال باباهم موسوس يشك في نفسو ويحكي في بنات الناس لو انا بنت كي فلانة نذبحها لو كذا لو كذا درات الدنيا والجلباب والستار طارو ويجو بالطونوبيلات عند الدار وعادي جدا ضحك على بنات الناس دارت الدنيا وضحكو عليه اللي هدر فيهم هما بنات تزوجو زواج ماشاء الله وراهم بالأاولاد وبناتو راهم فالزنقة ماشي مليح كل واحد ربي يسهل عليه وتربينا بعقلية في بيوتنا اللي عندو لبنات عمرو ما يحكي على بنات الناس شكرا وبارك الله فيك

[كاميلا]

المشاركة الأصلية كتبت بواسطة مريم الصابرة

السلام عليكم
اختي هذي كما تدين تدان كاينة وتكون تعرفي عندنا واحد بناتو بالجلباب والستار وعلاش ماشي على جال ربي على جال باباهم موسوس يشك في نفسو ويحكي في بنات الناس لو انا بنت كي فلانة نذبحها لو كذا لو كذا درات الدنيا والجلباب والستار طارو ويجو بالطونوبيلات عند الدار وعادي جدا ضحك على بنات الناس دارت الدنيا وضحكو عليه اللي هدر فيهم هما بنات تزوجو زواج ماشاء الله وراهم بالأاولاد وبناتو راهم فالزنقة ماشي مليح كل واحد ربي يسهل عليه وتربينا بعقلية في بيوتنا اللي عندو لبنات عمرو ما يحكي على بنات الناس شكرا وبارك الله فيك

جداتي كانت تقول التسعظيم ما تستعظم ما يخرج فيك عظم

[مريم الصابرة]

المشاركة الأصلية كتبت بواسطة sali-sali

شكرا اختي مريم الصابرة على الطرح المميز
الدي لا يرحم هم نحن البشر
تضحكي حاجة يقولك الدنيا ماترحمش،الوقت مايرحمش، المجتمع مايرحمش..........

ايه المجتمع راني معاهم فيها يعني الافراد،ناس،رجال،نساء
لكن احنا ولينا نتعمدو نعطو تبريرات خاطئة لبعض المفاهيم
ربي يجيب الخير

السلام عليكم اختي
وردك مميز اكيد
الدنيا هي هي السما في مكانها والأرض في مكانها والوقت هو هو الشهر مازال شهر والعام مازال العام الناس ولات فجعانة لاقناعة راحت وتشراك الفم الجمل عندو زوج حدبات ويضحك على صاحبو مول الحدبة واللي تغيضك واحد مهموم وهوما يزيدو عليه ربي اللي هو خلقنا وإحنا ملكو يرحم الناس ويسامح ويغفر وعبد لا حولله ولا قوة يحط روحو جبلما ينهزش ربي يهدينا شكرا

[مريم الصابرة]

المشاركة الأصلية كتبت بواسطة الباديسي

الراحمون ير حمهم الرحمان

السلام عليكم
اهلا بك اخي الرحمان يرحمنا ويغفرنا ويسامحنا الناس اللي قلوبهم حجر بارك الله فيك

[رُقية]

المشاركة الأصلية كتبت بواسطة مريم الصابرة

السلام عليكم يا جماعة كيف احوالكم؟
سنناقش اليوم ظاهرة مجتمعنا او هو حال كل المجتمعات العربية
ألا وهو خوفنا من المجتمع كثيرا ما نسمع او يتداول بيننا جملة المجتع لا يرحم
المجتمع هو انا وانت وعوائلنا وجيراننا وكذا فالمجتمع هو الأفراد منهم الفقراء والأغنياء
منهم الضعفاء والأقوياء
من إذن لا يرحم من؟
إذا المطلقة لا ذنب لها ترمى عليها كل لذنوب وتلام على ذنب الرجل
إذا كان هناك معوق يعامل كأنه قطعة أثاث لا نفع منها فهو لا فائدة ترجى منه
إذا الأطفال الذين لا ذنب هم إلا لأن شيطان رجل وإمرأة تحرك فيهما وكان هو نتيجة تلك العلاقة المحرمة يلام هو وكأنه مرض يعدي ويلومه الجميع
من لا يرحم من ؟
بنظركم هل علينا الآن أن ننظركل منا إلى حياته ويكفينا ما نرمي به الناس فكل من هؤلاء له هم اكبر من جبل فلما نزيد نحن عليهم؟
ام نحن ايضا عرضة لعدم الرحمة وممن؟ من افراد نعيش معهم؟
شكرا النقاش لكم

اختي مريم نقولك حاجة ناس عقليات والمجتمع لي رانا فيه اصبح مثل الغابة القوي ياكل الضعيف ولي عنده حاجة مثلا حرفة او مهنة او تجارة راه يستعملها سلا ح ضد غيره الواحد راه يخلف من واحد علابيها هناك ناس مشات ضحية وانا جد مسرورة لانني شاركت في موضوعكي لي مدة كنت متابعة ولم استطع كتمان ما ارصده والان ران ريكيبيري كيما يقولو

[المتيقن]

نعم ايتها الاخت
مجتمعنا لا يرحم
ولكن هناك القليل من يرحم وفوقهم ربنا سبحانه وتعالى

[BAROUD]

ايه
ربي يقول رحمتي سبقت عذابي ووسعت غضبي
سبحان الله ربي خلقنا ز ديما يقدم رحمته علئ عباده غير باش يتوبوا و يولوا للطريق الصحيح
و يجي واحد من الناس يقولك كيفاه و الا يقول كلام مش مليح و يجرح احساس ناس اخرين بكلمة و الا jeste ووو و فوقها زعاف و كلام زيادة
لالا
الراحمون يرحمهم الرحمن ربي حط الرحمة ف الكون 99 مرة و اعطاننا رحمة وحدة ف الارض اللي هي رانا نتعاملوا بها بينناتنا تخيلوا لو كان كل رحمة ربي تنزل علينا
اكيد هي تنزل بالصح ف الجنة تاع ربي
شكرا لاصحاب الموضوع

[soso sirin]

المشكل يا مريم ولينا كيما الوحوش كل واحد يقلك نفسي نفسي او تقول رانا نتسابقو على الجنة و لينا مانحسوش بالناس لانو قلوبنا درناهم في الكونجلي قلوبنا قساحو بزاف بزاف و المشكل كل واحد يقلك علاه ماوليناش نرحمو و كيما قلتي المجتمع هو انا و انتي و دارنا و داركم امالا المشكل وين راه تعرفي يا مريومة وقتاش ينصلح حالنا و قت كل واحد فينا يشد لسانو يا يقول كلمة مليحة يا يغلقو كامل و واحد مايستعجب مايولي عجب.ربي يهدينا اجمعين ان شاء الله لانو الدنيا اذي دور و الواحد غير يسكت خير لانو مانعرفوش غدوة واش راح يصرانا

[الجليس الصلح]

السلام عليكم أخت مريم
من لا يرحم لا يرحم بضم الياء
ارحموا من في الأرض يرحمكم من في السماء
الرحماء يرحمهم الرحمان
الرحمة ما زالت في مجتمعنا المسلم وان قلت
من لا يرحم صغيرنا ويوقر كبيرنا ليس منا

[مريم الصابرة]

المشاركة الأصلية كتبت بواسطة سندوسة

اختي مريم نقولك حاجة ناس عقليات والمجتمع لي رانا فيه اصبح مثل الغابة القوي ياكل الضعيف ولي عنده حاجة مثلا حرفة او مهنة او تجارة راه يستعملها سلا ح ضد غيره الواحد راه يخلف من واحد علابيها هناك ناس مشات ضحية وانا جد مسرورة لانني شاركت في موضوعكي لي مدة كنت متابعة ولم استطع كتمان ما ارصده والان ران ريكيبيري كيما يقولو

السلام عليكم اختي
الها وسهلا هذي غيبة عبت علينا بزاف
يا اختي كيما قت رانا فالغابة وراني نشوف ضحية هذا المجتمع هم الفقراء الزواليين
والله ضرك المشي بالموس وإلا عند الشباب كاملين والضرب والإعتداء رجع حاجة ساهلة ربي يستر
إشتقنا لتواجدك معانا وركيبيري رانا هنا شكرا

[hmimedtxb]

شكرا على المشاركة