طلب مساعدة

[aridj05]

السلام عليكم ورحمة الله وبركاته
أما بعد أود الاستفسار عن حضانة ابنتي البالغة من العمر سنتين
فوالدها يريدها أن تبيت عنده علما أن المحكمة أعطته حق الزيارة من 10 صباحا إلى 13 زوالا كل يوم جمعة
وأنا لا أيحاسبه بهذا الوقت فهو يأخذها من 9 صباحا حتى 21 ليلا لكنه في هذه الآونة يريد ها ان تبيت عنده وأنا لا أريد لصغر سنها وشكرا
أرجوكم تطمئنون

[knives55]

علاه مترجعوش لبعظكم أفضل من ضيعوا طفلة وأنا من رايئ حقوا كميا هي بنتك راه بنتوا تاني وربي يسهل

[aihemsara]

عليكم السلام.. حنا هنا ماناش باش نحاسبو لكن فقط باش ننصحوكي
و مثل ما قال الاخ لي قبلي احسن حاجة انكم تربو بنتكم تحت سقف واحد و تحاولو تحلوا مشاكلكم و ترجو لبعض
على كل لكل منا ظروفه.. عندي ولد اختي في عمرو عامين يعني نقدر نميز على حسابو
و نشوف اذا كان زوجك ساكن مع اهلو يعني ماما و خواتاتو بنات فالطفلة تقدر تبات عادي مع باباها و والدتو تعاونو
ففي الاخير هو تاني والدها و يحب بنتو تبات عندو.. لكن اذا كان ما عندوش لي يعاونو فيها فالاحسن انو ما تباتش
تخافي يكون ما يعرفش و كشما الطفلة تجوع و تنوض تبكي فالليل ولا حتى تحتاج لتغيير حفاضات هنا يحصل فيها
ربي يهنيكي اختي و يفرج عليكي و يطمن قلبك و ان شاء الله بنتكم تتربى احسن تربية في عزكم و دلالكم

[aridj05]

شكرا لكم على النصائح الثمينة
وربي يقدر الخير ويعني على تربية بنتي تربية إسلامية صحيحة
هذا ما نقدر نقول اما باه نبدأ نشكي فالشكوى لغير الله مذلة
وربي الوحيد اللي يعلم ماتخفي الصدور ونية كل واحد فينا
و الحمد لله رب العالمين