دفعة تكميلية سيبتمر 2012 تاريخ اجراء بسيكو

[colby-nassim]

كيما راني سمعت ومانعرف اسكو سير ولالا خاوتي الاستدعاءات راهم بدااو يعيطو ونورمالمو 20 ولا 21 نوفمبر 2012
تروحو تفوتو الفحوصات الطبية و النفسية يوم 20/11/2012 في عين البنيان مدرسة الشرطة

المهم للافادة خاوتي انا راني من دفعة نتاع جويلية وجوز ت الامتحان البسيكو ولافيزيت تم
راح جوز في يومين

اليوم الاول ديرو فيه لافيزيت تدخلو تيفيريفو الاسموات نتاوعكم عند الباب وتروحو للساحة نتاعهم تلقاو لاليست معلقة في طابلو وكل واحد يشوف اسمو + واشمن الفوج راه فيه ومبعدا يرتبوكم في ساحة من الفوج لول حتى للفوج الاخير
ويبداو يدو للطبيب بالفوج باه يجوز الفيزيت لي فيها الميزان + وطول ومبعدا تروح للطبيب نتاع العين تلقا و تما زوج بلايك نتاع لالفابي بالعربية والفرنسية ننصح الاخوة روحو نتاعو الفرنسية بويسك تبان مليح وضاوية خيرمن نتاع الحروف الابجدية
ومبعدا تروحو ام ينحولكم الحوايج باه يشوفوكم اسكو رجليك اذا pla ولالا اسكو داير اوبيراسيو الخ ومبعدا لي apt المقبولين في لافيزيت يعيطولهم باه يولو للغدوا يجوزو البسيكو تقني هذا في اليوم الاول


اليوم الثاني : كيف كيف يفيريفو كونفوكاسيو الخ وتزيد تروح للساحة تقرا طابلو بويسك ام يعاودو لي ليست جدد ينحو منهم لي قصاوهم في لافيزيت وكل الغروب في اسم الصالة لي راح يجوز فيها

المهم تدخلو تجوزو البسيكو فيها 300 سؤال في مدة ساعة والاجابة تكون بنعم او لا او علامة استفهام ؟ وعلام استفهام مسموح تستعملها 3 خطرات وماذا بيكم نيفيتوها الماكسيمو .. ردو بالكم تتحشالكم بويسك كاين اسئلة تتعاود ولكن بطريقة اخرى مثلا هل تحب الازهار وراك جاوبت وي ومبعدا تلقا سؤال يقول هل تريد ان تكون بستاني وجاوبو انت ب لا هكدا راها تحشاتلك بويسك كيفاه تحب الازهار وماتحب تكون بستاني يعني الاسئلة هاذي يشوفوك اسكو متناقض مع روحك ولالا المهم ساهلة ولكن ماذا بيه لي يقرا يجاوب ديركت ومايبقاش يخمم بويسك راح يضيع الوقت .

ومبعدا لي يكمل يخرج

ومبعدا تزيدو تعاودو تولو بعد نورمالمو نصف ساعة باه جوزو امتحان نتاع الذكاء فيه المات وفيه الاشكال يعني
حاجة ساهلة المات فيها 25 سؤال وحوالي 20 دقيقة مثلا نعطيكم مثال
يقولك
12.36
2.565 +
-----------
5901 .=

ويقولك اختر الاجابة الصحيحة من الاجوبة التالية

-1 .----------- 5
2- 3
3- 9
4- 0
5- لايوجد

يعني واشمن الرقم لي ديروه في مكان النقطة باه تولي العملية حسابية صحيحة مباشرة راح نكوشو على الاجابة رقم 2 بويسك العديد 3 كي نديروه في نقط راح نلقاو العملية صحيحة

هذا كالمثال
اما الاشكال فيعطيك اشكال ويقولك كملها حسب ترتيب او شكل وفيها 25 سؤال في مدة 20 دقيقة

اما الامتحان الثاني لي مور نتاع الاشكال يعطوك ورقة فيها 48 سؤال يعني فيها اسئلة حول انفعال نتاعك وردة فعلك
مثلا سؤال من هادوك
يقولك اذا كنت في حالة غضب هل تشاهد التلفاز ويحطلك قدامها

نادر - احيانا -كثيرا-قليلا -دائما - وانت تكوشي على وحدة منهم

هاذا مكان خاوتي وهدا لي يعرفو خويكم البويري وكشما يخص رانا هنا بويسك راني نحكيلكم لاني جوزت ثما وراني فت في البسيكو وزدت جوزت السبور مي خاوتي صراحة والله غير مزيرة شوية ديرو ماكسيمو لانو من البويرة احنا في دائرة نتاعنا لي حاطين نتاع دفعة جويلية كانو دافعين 48 واحد في دائرة نتاعنا وعيطو للسبور والكتابي لل 6 برك وانا كنت منهم يعني روفزو بزاف في بسيكو وربي يوفق خاوتي انشاء الله

[نور لمين]

شكرااا اخي على المساعدة انا راني من دفعت سبتمبر من وهران ماعلابليش وين يرسلوني اما تاريخ و جغرافيا وينتا نديروهم وهل يلزم الاجابة تكون مباشرة ولا بالمقدمة و العرض و الخاتمة (هههههه راني ناسيا بزاف في التاريخ )

[colby-nassim]

المشاركة الأصلية كتبت بواسطة didi dalila

شكرااا اخي على المساعدة انا راني من دفعت سبتمبر من وهران ماعلابليش وين يرسلوني اما تاريخ و جغرافيا وينتا نديروهم وهل يلزم الاجابة تكون مباشرة ولا بالمقدمة و العرض و الخاتمة (هههههه راني ناسيا بزاف في التاريخ )

خويا العزيز عين بنيان نهار جوزت ثما كانو معايا من شلف وعين دفلة برك ماشفتش الوهارنة ..
وبالخصوص تاريخ وجغرافيا اكتب ستيل مقال دير مقدمة بلا ماتكتب كلمة مقدمة وعرض ودير الخاتمة بلاد ماتكتبها خلي بيناتهم سطر باه تبان المقدمة والخاتمة

[hichamox2508]

ya akhi bi koul i7tirami maygal3onech le slip non mdr psk ana dayer opération fi 7adjri maybench normal

[مراد44]

المشاركة الأصلية كتبت بواسطة hichamox2508

ya akhi bi koul i7tirami maygal3onech le slip non mdr psk ana dayer opération fi 7adjri maybench normal

كي تروح تعرف اخي العزيز

[bibo2289]

المشاركة الأصلية كتبت بواسطة hichamox2508

ya akhi bi koul i7tirami maygal3onech le slip non mdr psk ana dayer opération fi 7adjri maybench normal

الاخ الكريم هاذيك تبان في الكونتر فيزيت يقول لك هبط البوكسور وطلع العصا بيدك باش يشوف العجلتين لتما ممكن يشوف
الله يوفقك اخي الكريم

[حمومان عزالدين]

شكرا لك اخي العزيز
..............................
انا مزال موصلنيش حتي استدعاء انا من عين الدفلى وين نفوتو ؟؟ظ

[حمومان عزالدين]

اهدهدي لي راك تهدر عليها ااعوان ام لا ؟؟؟

[حمومان عزالدين]

وين راك يا الاخ.