تابع لي ماذا افعل مع خطيبي

[مشكلتي]

https://www.djelfa.info/vb/showthread.php?t=1127434

كيما قلتلكم في الموضوع لي فات كي قتلو لالة منقدرش نمدلك وكامل زعف مني و عاودنا رجعنا لنفس المشكل و بدينا اي كلمة نقلها انا يبدى يحلل فيها ويناقشها و يجبدلي الخطائ و يداقني و من بعد يقولي غلطت ولا زلة لسان و تصرى الحرب و دروك شوية قالهلي بصريح العبارة انا لي مترفدنيش متصلحش تكون في حياتي كيما قالي هو مدامك انتي عمري و مرتي ان شاء الله لازم تعونيني و يلا متقدريش ربي يسهل على كل واحد فينا ماعندي ماندير بيك انا و كي قالي هكا قتلو ربي يسهل عليك و مادرت حتى رد فعل قتلو دبر راسك

[knives55]

والله أختي منظرتي هذ أنسان مصلحي موش تاع زواج وأنت تمدليوا دراهم بلا متعرفي وين راه يدير فيهم شوفي اما تخليه يصارحك

ويقولك كلمتوا اخيره ياتزوجوا ويا كل واحد يروح في حالوا اما به تصبري عليه وهو يتمسخر بيك لا هذ موش حل أنت خاسر في أخير

كوني شويا رزينا

[نورسين.داية]

يعني يلزمكي بمساعدته ماديا ....و انتما خطيبان .فقط ...يعني لا تربطكما أي علاقة رسمية ..........؟؟؟

على حسب ما دكرتي ....إبان إنسان يبحث عن اخطائك ...بمعنا أخر يحاول البحث عن سبب للإنفصال .......

لكن أسألكي سؤال : هل انتي متمسكة به ؟؟؟؟؟

بكل صراحة ممممم انتي طرحتي الموضوع حتى يجيبك الأعضاء بآرائهم في هذا الإنسان بالتالي : هو إنسان مادي مائة بالمئة .. هذا قبل الزواج .....و ماذا عن ما بعد الزواج ...؟؟؟
وفقكي الله اختي

[احرار]

راكي تظلمي نفسك ببقائك مع انسان طماع و اشكري الرب انه بينلك عيوب هذا الرجل قبل الزواج من الاحسن انك تتكلمي مع امك

[oum anas 69]

sobhan allah wala hawala wala kowata ila b allah
wach bih hada rajal
rabi ykoun fi 3onak nti adra b haltak w choufi wach yokhraj 3lik
istakhiri rabi ya okhti w rabi ydirlak hal men 3andou inchallah rabi yahdih

[~~ أغيلاس ~~]

طماع،

بعد الزواج عادي جدا تعاونيه،

لكن أن يجبرك قبل الزواج أن تعاونيه،

فهذا يدل على أنه طماع الطماعين،،،،،،،،،،،

شاوري يماك هيا كبيرة و تعرف كيفاش تصرف، و إذا عندك خالاتك كبار تثقين فيهم زيدي شاوريهم،،،،،،،

إذا عندك خوك موالفة تحكي معاه كلش يعني تحكيو لبعضكم احكيلو ثاني المشكل،،،،،،،،

إذا قالولك داركم افسخي الخطبة افسخيها بدون تردد،،،،،،،،

و الزواج رزق،

و الأرزاق بيد الله،،،،،

عليك بالدعاء و الاستغفار،،،،،،،

و لا تنسي أن الزواج ميثاق غليظ،،،،،

و حياتك كلها ستقضينها مع زوجك،،،،،،

فأحسني اختياره،،،،،،،

مذا لو افتقرت بعد الزواج ؟؟؟؟

مذا لو مرضت و منعك مرضك من العمل ؟؟؟؟

مذا سيفعل بك و أنت لست سوى محفظة مال بالنسبة له ؟؟؟؟

استخيري الله عز و جل و دعي عنك العاطفة،،،،،،

فهذا الصنف من الذكور غير مأسوف عليهم،،،،،،،،،،،،

و لو كانت فيه ذرة رجولة لما طلب منك دينارا واحدا قبل الزواج،،،،،،،،،،،،،،،،،

[heureuse05]

انا لوكان منك انبطل اعليه كيما هذا طماع و نزيد نجري في عقابو

الباب الي يجي منو الريح سدو و استريح

[بنت الرّحّل]

وعليكم السلام ورحمة الله وبركاته
والله يا أختي رأيت مشكلتك الأولى ولم أشارك فيها وها أنا أرى الثانية
بكل صراحة أنت لا تعانين من أي مشكلة ولا حتى خطيبك هذا هو مشكلة هذا إن غضضنا الطرف عن مسألة تكلمكما معا وحكمها شرعا في هذه الفترة مع أنك لا بد أن تعرفي حكمها
وأنها محرمة ولا يجوز لك التمادي مع خطيبك والتكلم معه لأنه أجنبي عنك
أقول لك :
أنت مشكلة نفسك .... ويبدو أنك متمسكة به ...فهنيئا له بك ... ويا لشقائك به! ( هكذا يكون التعلق وبالا حين لا يحتكم إلى الشرع )
عجيب !
بعض الطرق لا تحتاج شخصا يمسك بأيدينا ليخرجنا منها
إلا أن تكوني لا تريدين أن تفصحي عن تعلقك به أو أنك لا تتحملين مسألة الفسخ ...أو أنك لا تريدين أن يكون الفسخ من طرفك

أختي الكريمة
فتح الله عليك من جهة أخرى ... وإن خطبك رجل آخر حاولي أن تستفيدي من خطئك الأول من حيث المعايير التي جعلتك تقبلين به
وصفاته وأخلاقه وأذكرك أن أفضل الرجال من طلب منك أن تبقي في بيتك معززة ومكرمة لا أن يحثك على العمل وعلى جلب المال
إن شاء الله تأكلون الخبز والماء ...

الله يصلح الأحوال
أتمنى لك التوفيق أختي

المشاركة عُدلت لعيون من لا يحسن القراءة بتأني لكنه يحسن التهجم بسرعة

[nadineisraa]

[QUOTE=بنت الرّحّل;12104731][right][font=traditional arabic][size=5]وعليكم السلام وحرمة الله وبركاته
والله يا أختي رأيت مشكلتك الأولى ولم أشارك فيها وها أنا أرى الثانية
بكل صراحة إنت لا تعانين من أي مشكلة ولا حتى خطيبك هذا هو مشكلة بغض النظر عن مسألة تكلمكما معا وحكمها شرعا في هذه الفترة مع أنك لا بد أن تعرفي حكمها
أقول لك :
أنت مشكلة نفسك .... ويبدو أنك متمسكة به ...فهنيئا له بك ... ويا لشقائك به!
عجيب !
بعض الطرق لا تحتاج شخصا يمسك بأيدينا ليخرجنا منها
إلا أن تكوني لا تريدين أن تفصحي عن تعلقك به أو أنك لا تتحملين مسألة الفسخ ...أو أنك لا تريدين أن يكون الفسخ من طرفك

أختي الكريمة
فتح الله عليك من جهة أخرى ... وإن خطبك رجل آخر حاولي أن تستفيدي من خطئك الأول من حيث المعايير التي جعلتك تقبلين به
وصفاته وأخلاقه وأفضل الرجال من طلب منك أن تبقي في بيتك معززة ومكرمة لا أن يحثك على العمل وعلى جلب المال
إن شاء الله تأكلون الخبز والماء ...
اصبحنا في مسلسلات تركية
ان خطبك رجل اخر ؟؟؟؟؟؟ يعني لول ماعجبكش وتكلمتي معاه ودرتي معاه مانعرف وتنظري في الاحمق الاخر باه تستيه ويكون خير من الاول
عجب والله لكن ؟ والله اني اعذر عزوف شبابنا عن بناتنا ؟
اتقين الله في انفسكن وفي الرجال لان المراة التي تخالط رجالا اخرين لاتنساهم ابدا
اذكركن يامن تنصحن لاتنصحن بجهلكن انما الدين هو النصيحة فلا تغررن بابنات وكان الحديث والعلاقات شيء عادي واستبدال الرجال كالمناديل

[mamia20]

السلام عليكم اختي نصيحة هذا انسان ذو مصلحة الرجل عمرها ليمد يدها و خاصة وانك قلت انه يعمل لماذا الطمع كون جا صح يحبك يقولك نتزوج و نبنوا حياتنا مش يطلب وكي ما تمدلهش يزعف يزيدفيه وانت ربي يجبلك ما خير منوا القرار بيدك كوني صادقة مع نفسك و ربي يرزقك الزوج الصالح

[happy angel]

حنونة انا نقلك : الراجل ما عندوش حق في دراهمك لا قبل الزواج و لا بعدو ..........هذا و الله ما يصلح للارتباط
ولكن المهم هو حبك ليه ...اذا كنت تبغيه او لا و لكن ماتنسايش اذا كان هو يحبك صح او لا
بصح مع هذي العقلية نظن انو يحب دراهمك
و نقلك انو كاين الف واحد يتمناك انت ....ماشي دراهمك
و نتمنالك السعادة و ان شاء الله ربي يوفقك

[mouna lmd]

سلام.........
يا أختي أنا قتلك كي طرحت المشكل من الاول أنو هذا الشخص يحب وحدة تفرني عليه................ (اسمحيلي على هذا اللفظ)
وشفتي كي قلتيلو مانزيدش نمدلك دراهم قالك مانسحقش وحدة ما ترفدنيش................ قولو نرفدك خطرة ولا زوج ميش ديما وكي تتزوجو ميش وانتوما مخطوبين................. ربي يهديه، وأخطيك منو اللي فيه طبع ما ينحي منو...... وان شاء الله يعوضك ربي بواحد خيييييييييييييييييييييير منو................ ربي ما فيه غير الخير.
تقبلي رأيي.............

[مريم الصابرة]

السلام عليكم
اختي قريت مشكلتك الاولى والله يا اختي هذا مصلحجي نتاع صوالحو لو كان يحبك صح يقولك ديريهم ذهب ممكن تلقايهم للشدايد او حتى يرفض يدي من عندك اللهم لو كان زوجك والله غالب مريض او كاش ما بيه لكن بصحتو ويخلص 5 ملاين إسمحيلي اختي إنت كنت فحلة معاه شعال من مرة يا اختي مي هو إنسان نتاع مصلحة م قصديش نخوك لكن ممكن يبروفيتي منك ومن بعد يروح يدي واحدة اخرى حلي عينك اختي عندنا استاذة هنا بناتلو الدار وعمرتها بالقش وهي قالت راجلي اب اولادي ما ركات الدار عليه تخيلي في شهر تزوج جاب المرا الجديدة وخرجها من الدار ما عندها حق لأنو القانون لا يحمي المغفلين اختي ردي بالك على دراهمك وهذا كان بحيك كوني حازمة بزاف معاه كان حاب يروح ربي يعوضك شكرا

[أم نيفين]

السلام عليكم و رحمة الله و بركاته
أختي العزيزة : كي قريت قصتك رجعتيني 5 سنين للوراء... نقولك انا صراتلي نفس قصتك
وحد النهار عيطلي خطيبي و قالي تعيشي راني محتاج 100 ألف ...و هاذاك الوقت كانت عندي مديتهالو ..... و زاد في نهار آخر عيطلي و قالي كشما عندك دراهم و أنا على نيتي قلتلو و الله ماعندي ضرك قلتلو راني في عطلة و بابا مامدليش المصروف ضرك ...كوبا عليا التيليفون و نقولك واش دار ؟ بعثلي ميساج قالي مافيك حتى فايدة ... كي قريتها كي شغل واحد ضربني بحديدة على راسي ....تشوكيت من ردة فعلو ...علابالك واش درت؟ ديت البورتابل لماما و قرات الميساج و هي خبرت بابا و العايلة كامل عرفو بالقصة... ماما كلمت ختو جات لعندنا للدار و حكات معاها على كلش... و قالتلها ربي فالصلاح... و فريناها فالمحكمة بالطلاق بالتراضي ...علاخاطر عقدنا قبل العرس... و تهنيت منو...و من بعد جاوني ناس خطبوني و ضرك راني الحمد لله عني 4 سنين زواج و عندي 2 ذراري الله يبارك
و فالاخير حنونة حبيت نقولك عبد كيما هذا غير أخطيك منو ... هذا يديرلك هكذا ضرك مالا بعد الزواج واش رايح يزيد؟ كيما قالو بعض الاخوة كي يشوف روحو حكمك فالقبضة تاعو يولي يحقرك و يذلك ...مالا اقبلي نصيحة أخت لآختها احكي لماماك و ماتخافيش و اتكلي على ربي ....و ربي عمري لا يخلي عبدو ... و كي اليوم تكتبيلنا و تفرحينا بزواجك من واحد لي يستاهلك و تتهناي معاه ....
تقبلي مروري حبيبتي.... و أي سؤال أو استشارة راني هنا أختي

[حزن بحر]

حبيبتي كوني متاكدة ربي يحبلك غير الخير
وهذا الانسان طامع فيكي خرج فيها طوووووووووووووول
ماعندك ماديري به من واجبات الزوج وبلا مزية منه يصرف عليكي
واذا انت تفضلتي بكرمك يكثر خيرك بصح ماهوش واجد عليكي تخدمي عليه
خليه اذا رجع وعرف غلطته صحة وصلاح
واذا راح خيرو في غيروه